Aningaasannguit nalikitsut marluk

Naalagaaffiup soqutigisaanik tapersersuinerit pingaarutillit ilaat tassaavoq nunarsuaq tamakkerlugu oqaluussinermut aningaasatigut tapersersuineq. Aningaasaateqarpianngikkutta qanoq iliussaagut?

Ilaanni Jiisusip, uillarnerup piitsup aningaasannguit nalikitsut marluk naalaffiup nakkaatitsivianut ikigai takuaa. Jehovamut asanninnermik killitsilluni ‘piitsuulluni pigisani tamaasa, inuutissarsiutini tamaasa’ ikivai. (Mark 12:41-44) Jiisusip maluginiagaani erseqqippoq uillarnerup tunissutaa Jehovap isaani naleqangaartuusoq. Ukiuni hundredelinni siullerni kristumiut aningaasatigut tapersersuineq piginnaatitaaffittut isigaat. Kristumiut pisuut piitsullu sapinngisaminnik tunisisarput. Apustilip Paulusi Makedoniamiut assersuutaalluartutut taavai, ‘naak piitsuungaaraluaqalutik ilungersungaarlutik qinnuigaat ikiuutissanik tuniseqataajumallutik’. — 2 Kor 8:1-4.

Taamaattumik ‘aningaasannguanik naleqarpianngitsunik’ taamaallaat tunisisinnaagutta eqqaamassavarput tunissutit annikitsut katillugit annertoorsuanngorsinnaammata. Uummatitsigut tunissuteqarnerput Ataatatsinnut qilammiusumut tunisiumatuumut nuannaarutaangaassaaq, “kajumittumimmi tunisisoq Guutimit nuannarineqartuuvoq!” — 2 Kor 9:7.