Paratiisimi qanoq inuulersin­naasutit

Al­laaserisat siuliini paasivar­put Guutip pis­sutsit ajor­tut qanit­tuk­kut atuuk­kun­naarsis­sagai. Sooq taman­na qularutigin­ngis­sin­naavar­put? Guuti oqaatsimini, Biibilimi, ima neriorsuim­mat:

‘Silarsuaq nungussaaq.’ – 1 JOHANNESI 2:17.

Aniguisoqarumaar­nera up­perisin­naavar­put al­las­simaf­fik qulaaniit­toq ima nangin­neqarmat:

“Guutilli piumasaanik iliortoq naassaanngitsumik atassaaq.”

Taamaat­tumik aniguiumal­luta Guutip piumasaatut ilior­tariaqar­pugut. Guutip piumasaa suunersoq paasiumal­lugu taan­na ilisarisimaler­tariaqar­par­put.

ANIGUIUMALLUTIT GUUTI ILISARISIMALERUK

Jiisusi ima oqar­poq: ‘Inuuneq naas­saan­ngitsoq tas­saavoq ilin­nik, ilumut kisimi Guutiusumik ilisiman­nin­neq.’ (Johan­nesi 17:3) Aniguiumal­luta naas­saan­ngitsumil­lu inuujumal­luta Guuti ilisarisimal­luar­tariaqar­par­put. Tas­sa Guutip piuneranik akuerin­nin­neq imaluun­niit taan­na pil­lugu ilisimasaqalaagin­nar­neq naam­man­ngilaq. Ikin­ngutigiler­tariaqar­par­put. Qanimut ikin­ngutigerusutar­put pif­fis­saqarfigisar­par­put, aam­ma Guuti ikin­ngutigilerumal­lugu taamaalior­tariaqar­pugut. Biibilimi ilin­niar­titsis­sutigineqar­tut iluaqutigisin­naasat­ta ilaat eq­qarsaatigik­kit.

BIIBILIMIK ULLUT TAMAASA ATUARTARIT

Inuuin­nas­sagut­ta nerisariaqar­pugut. Jiisusili ima oqar­poq: “Inuup timiusaan­naq inuus­sutis­sarin­ngilaa, oqaaserli sunaluun­niit Guutip qar­nanit anisoq.” – Mat­thæusi 4:4.

Biibili Guutip oqaaseraa. Biibilimik misis­suitil­lutit paasis­savat Guuti itsaq qanoq iliorsimasoq, maan­na qanoq ilior­toq siunis­samilu qanoq iliorumaar­toq.

GUUTIMUT IKIOQQUGIT

Guuti naalak­kusuk­kaluarlugu iluarin­ngisaanik iliuuseqarun­naar­nis­sat ajor­nakusoor­tik­kuk­ku susariaqar­pit? Guuti ilisarisimal­luar­tariaqar­pat.

Ar­naq Sakuramik atilik kinguaas­siuutitigut inuunerlus­simasoq eq­qarsaatigiuk. Biibili atuaq­qis­saar­taleramiuk paasivaa Guutip ‘kinguaas­siuutitigut inuunerlun­neq nigorsimaq­qugaa’. (1 Korinthimiut 6:18) Sakura nukis­saqaq­qul­luni Guutimut qinusarami inuunerluk­kun­naarsin­naavoq. Us­ser­nar­torsior­tar­ninili suli akior­tariaqar­paa. Ima oqar­poq: “Eq­qarsaatipalaat tak­kuk­kaangata Jehova un­neq­qaril­lunga qin­nuigisar­para nalun­ngin­nak­ku kisimiil­lunga akiorsin­naanagit. Qin­nutik­ka akineqaraangata Jehovamut qanin­nerusutut misigisar­punga.” Sakura as­sigalugu inuit mil­lionil­lit Guuti ilisarisimalersimavaat. Taak­ku Guutimit nakus­satsin­neqarlutik inuunermin­nik al­lan­nguisimal­lutil­lu Guutip iluarisaatut inuulersimap­put. – Filip­pimiut 4:13.

Guuti ilisarisimanerujar­tor­til­lugu taas­suma ikin­ngutimisut ‘ilisimanerulis­savaatit’. (Galatiamiut 4:9; Tus­siaat 25:14) Taava paratiisimi, Guutip nunarsuarmi pilersitas­saani, inuusin­naalis­saatit. Paratiisimili inuuneq qanoq is­sava? Taman­na al­laaserisami tul­liut­tumi akineqas­saaq.