បណ្ណាល័យអ៊ីនធឺណិតរបស់ប៉មយាម

ដើមកំណើត ១២:៧

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ បន្ទាប់មក ព្រះយេហូវ៉ាបានលេចមកជួបអាប់រ៉ាម ហើយលោកបានមានប្រសាសន៍ថា៖ «ខ្ញុំនឹងឲ្យទឹកដីនេះ+ដល់កូនចៅ*អ្នក»។+ ដូច្នេះ គាត់ក៏បានសង់ទីបូជាមួយជូនព្រះយេហូវ៉ានៅកន្លែងដែលលោកបានលេចមកជួបគាត់។

ដើមកំណើត ១៥:១៨

គម្ពីរបរិសុទ្ធសេចក្ដីបកប្រែពិភពលោកថ្មី
- ១៨ នៅថ្ងៃនោះ ព្រះយេហូវ៉ាបានធ្វើកិច្ចព្រមព្រៀងជាមួយនឹងអាប់រ៉ាម+ ដោយមានប្រសាសន៍ថា៖ «ខ្ញុំនឹងឲ្យទឹកដីនេះដល់កូនចៅ*អ្នក+ គឺចាប់ពីទន្លេស្រុកអេហ្ស៊ីប រហូតដល់ទន្លេធំដែលជាទន្លេអឺប្រាត។+

ដើមកំណើត ២៤:៧

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ ព្រោះព្រះយេហូវ៉ាជាព្រះនៃស្ថានសួគ៌ ដែលបាននាំខ្ញុំចេញពីផ្ទះរបស់ឪពុកខ្ញុំ និងពីស្រុករបស់ញាតិសន្ដានខ្ញុំ+ លោកបានស្បថនឹងខ្ញុំដោយមានប្រសាសន៍ថា៖+ ‹ខ្ញុំនឹងប្រគល់ស្រុកនេះ+ឲ្យដល់កូនចៅ*របស់អ្នក›។+ ព្រះនឹងចាត់ទេវតារបស់លោកឲ្យទៅមុនអ្នក+ ហើយអ្នកប្រាកដជានាំនារីម្នាក់ពីស្រុកនោះមកឲ្យធ្វើជាប្រពន្ធរបស់កូនខ្ញុំបានជាមិនខាន។+

ដំណើរចាកចេញ ៣៣:១

គម្ពីរបរិសុទ្ធសេចក្ដីបកប្រែពិភពលោកថ្មី
- ៣៣ ព្រះយេហូវ៉ាបានមានប្រសាសន៍ទៅកាន់ម៉ូសេថែមទៀតថា៖ «ចូរចាកចេញពីទីនេះជាមួយនឹងបណ្ដាជនដែលអ្នកបាននាំចេញពីស្រុកអេហ្ស៊ីប។ រួចធ្វើដំណើរទៅទឹកដីដែលខ្ញុំបានស្បថនឹងអាប្រាហាំ អ៊ីសាក និងយ៉ាកុបថានឹងឲ្យដល់កូនចៅ*របស់ពួកគេ។+