សេចក្ដីផ្ដើមផ្នែកទី១៤
គ្រិស្តសាសនិកសម័យដើមបានផ្សព្វផ្សាយដំណឹងល្អអំពីរាជាណាចក្រ រហូតដល់កន្លែងឆ្ងាយបំផុតនៅផែនដី។ លោកយេស៊ូបានប្រាប់ពួកគេអំពីកន្លែងដែលត្រូវផ្សាយ ហើយដោយអព្ភូតហេតុពួកគេអាចនិយាយភាសាផ្សេងៗ ដើម្បីបង្រៀនជនជាតិទាំងនោះ។ ព្រះយេហូវ៉ាបានឲ្យពួកគេមានចិត្តក្លាហាន និងផ្ដល់កម្លាំងឲ្យពួកគេយកឈ្នះការបៀតបៀនដ៏សាហាវ។
លោកយេស៊ូបានបើកបង្ហាញឲ្យសាវ័កយ៉ូហានឃើញសិរីរុងរឿងរបស់ព្រះយេហូវ៉ា។ នៅពេលមួយទៀត យ៉ូហានបានឃើញរាជាណាចក្រស្ថានសួគ៌វាយឈ្នះសាថាន ហើយបំផ្លាញការគ្រប់គ្រងរបស់វាមិនឲ្យមានជារៀងរហូត។ យ៉ូហានបានឃើញលោកយេស៊ូគ្រប់គ្រងជាស្ដេចជាមួយនឹង១៤៤.០០០នាក់។ ម្យ៉ាងទៀត យ៉ូហានបានឃើញមនុស្សគ្រប់គ្នាគោរពប្រណិប័តន៍ព្រះយេហូវ៉ា ដោយសុខសាន្តនិងដោយសាមគ្គីភាពនៅផែនដីដែលជាសួនឧទ្យាន។