សេចក្ដីជូនដំណឹង
▪ ឧបករណ៍ផ្សាយប្រើសំរាប់ខែតុលា: ការជាវប៉មយាម។ ចាប់ផ្ដើមថ្ងៃទី១២ ខែតុលា នឹងចែកចាយដំណឹងល្អព្រះរាជាណាចក្រលេខ៣៥។ វិច្ឆិកា: នឹងបន្តការចែកចាយដំណឹងល្អព្រះរាជាណាចក្រលេខ៣៥។ ក្រុមជំនុំណាដែលបានទៅជួបអ្នកផ្ទះក្នុងតំបន់របស់គេអស់ហើយ ឬបានឲ្យសន្លឹកមួយនៃដំណឹងល្អព្រះរាជាណាចក្រលេខ៣៥អាចប្រើសៀវភៅរស់នៅជានិរន្តរ៍។ ធ្នូ: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មករា: សៀវភៅណាមាន១៩២សន្លឹកបោះពុម្ពមុនឆ្នាំ១៩៨៥ ដែលនៅមានតាមក្រុមជំនុំ។ ក្រុមជំនុំណាដែលឥតមានសៀវភៅទាំងនោះទេ អាចប្រើសៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។
▪ ដោយមានប្រាំសប្ដាហ៍ នៅខែវិច្ឆិកាប្រហែលជាពេលល្អសំរាប់បុគ្គលជាច្រើន ដើម្បីធ្វើជាអ្នកត្រួសត្រាយជំនួយ។
▪ វេលាប្រជុំចំពោះក្រុមជំនុំជាច្រើននឹងប្ដូរនៅថ្ងៃទី១ ខែមករា។ ដូច្នេះប្រហែលត្រូវការប័ណ្ណកម្មវិធីប្រជុំថ្មី ដើម្បីប្រាប់នូវការផ្លាស់ប្ដូរពេល។
▪ សេចក្ដីអញ្ជើញពិធីបុណ្យរំឭកសំរាប់ឆ្នាំ១៩៩៨ក្នុងភាសានៃក្រុមជំនុំនិមួយៗ បានរួមបញ្ចូលជាមួយការផ្ញើប័ណ្ណប្រចាំឆ្នាំ។ ប្រសិនបើមានភាសាឯទៀតក្នុងតំបន់របស់អ្នក ហើយអ្នកចង់បានសេចក្ដីអញ្ជើញក្នុងភាសានោះ គឺត្រូវស្នើសុំប័ណ្ណប្រកាសនវត្ថុ (S-14) ឲ្យបានឆាប់ៗ។ សេចក្ដីអញ្ជើញពិធីបុណ្យរំឭក គឺអាចមានជាភាសាអារ៉ាប់ អាម៉េនី ចិន ក្រូអាស៊ី អង់គ្លេស បារាំង ក្រិក អាយឡូកូ អ៊ីតាលី ជប៉ុន កូរ៉េ ប៉ូឡូញ ព័រទុយហ្គេល រូម៉ានី រុស្សី សាម៉ូ អេស្ប៉ាញ ឋាហ្គាឡុក និងវៀតណាម។ សូមសុំស្នើតែភាសាដែលត្រូវការតាមតំបន់របស់អ្នកប៉ុណ្ណោះ។
▪ ក្រុមជំនុំគួរចាប់ផ្ដើមសុំស្នើការពិនិត្យមើលបទគម្ពីរប្រចាំឆ្នាំ—១៩៩៨ជាមួយការសុំស្នើប្រកាសនវត្ថុនៃខែតុលា។ កូនសៀវភៅគឺមានជាភាសាអារ៉ាប់ អាម៉េនី ចិន ចិន (ដែលបានសម្រួល) ក្រូអាស៊ី ដាណាម៉ាក ហុលឡង់ អង់គ្លេស ហ្វ័ងឡង់ បារាំង អាល្លឺម៉ង់ ក្រិក ជូចារ៉ាធី ហេព្រើរ ហិណ្ឌូ ហុងហ្គ្រី អាយឡូកូ អ៊ីតាលី ជប៉ុន កូរ៉េ បន័រវ៉ែស ពើស៊ី ប៉ូឡូញ ព័រទុយហ្គេល រូម៉ានី រុស្ស៊ី សាម៉ូ ស៊ឺប អេស្ប៉ាញ ស៊្វិដិន ឋាហ្គាឡុក ទួរគី អ៊ុយក្រែន និងវៀតណាម។ កូនសៀវភៅទាំងនេះជាវត្ថុសុំស្នើពិសេស ហើយនឹងមានជា«ព្យួរទុក»លើបញ្ជីក្រុមជំនុំ ទាល់តែបានផ្ញើហើយ។