ការប្រជុំអប់រំកិច្ចបំរើសំរាប់ខែវិច្ឆិកា
សប្ដាហ៍ចាប់ផ្ដើមថ្ងៃទី១ ខែវិច្ឆិកា
ចំរៀង លេខ១៥៦
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះពីកិច្ចបំរើព្រះរាជាណាចក្រយើង។
១៥ នាទី: «ការផ្សព្វផ្សាយសម្គាល់យើងដោយឡែក»។ កំណត់ពាក្យផ្ដើមឲ្យតិចជាងមួយនាទី ហើយបន្តជាការពិគ្រោះដោយសំនួរនិងចម្លើយ។ ដោយប្រើសៀវភៅចំណេះ ទំព័រ១៧៣ វគ្គទី៨ រៀបរាប់យ៉ាងខ្លីអំពីអ្វីដែលយើងប្រហែលជាអាចនិយាយ ដើម្បីលើកទឹកចិត្តសិស្សព្រះគម្ពីរម្នាក់ ឲ្យខិតខំរួមចំណែកកិច្ចផ្សព្វផ្សាយ។
២០ នាទី: «តើអ្នកណាដែលប្រហែលនឹងទទួលព្រមសិក្សាព្រះគម្ពីរ?»។ សុន្ទរកថានិងការសម្ដែង។ សមស្របនឹងវគ្គទី៤ នោះជូនយោបល់អំពីវិធីផ្សេងៗដែលអាចត្រូវប្រើ ដើម្បីធ្វើឲ្យមានការចាប់អារម្មណ៍ទៅលើអ្វីដែលមានក្នុងប្រកាសនវត្ថុរបស់យើង។ សូមមានការសម្ដែងពីរ ដែលបង្ហាញរបៀបដែលអាចធ្វើនោះទៅបាន។ អញ្ជើញពួកអ្នកស្ដាប់ឲ្យប្រាប់អំពីរបៀបពួកគេបានជោគជ័យក្នុងការចាប់ផ្ដើមការសិក្សា។
ចំរៀង លេខ១៩៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៨ ខែវិច្ឆិកា
ចំរៀង លេខ២០៤
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: ប្រអប់សំនួរ។ សុន្ទរកថា។ ប្រាប់ជាសង្ខេបអំពីការរៀបចំតាមតំបន់ដើម្បីរក្សាទុកឲ្យសាលព្រះរាជាណាចក្រមានអនាម័យហើយស្អាតបាត។
២០ នាទី: «តើអ្នកនឹងនិយាយយ៉ាងណាចំពោះពួកអ្នកកាន់សាសនាអ៊ីស្លាម?»។ សំនួរនិងចម្លើយ។ បញ្ជាក់ភាពចាំបាច់នៃការវិនិច្ឆ័យពេលសន្ទនាជាមួយមនុស្សដែលមានវប្បធម៌ផ្សេង។ បង្ហាញការសម្ដែងមួយដែលបានត្រូវរៀបចំល្អ។ (ដោយព្រោះអត់មានសៀវភៅស្តើងការណែនាំរបស់ព្រះជាភាសាខ្មែរទេ នោះជ្រើសរើសប្រកាសនវត្ថុណាទៀតដ៏សមរម្យ ដែលអាចត្រូវប្រើក្នុងការនិយាយជាមួយពួកអ្នកកាន់សាសនាអ៊ីស្លាម)។ សំរាប់ពត៌មានបន្ថែមអំពីសាសនាអ៊ីស្លាម សូមមើលសន្លឹកបន្ថែមក្នុងឯកសារកិច្ចបំរើព្រះរាជាណាចក្រយើង ខែកុម្ភៈ ឆ្នាំ១៩៩៨ (ភាសាអង់គ្លេស); សៀវភៅការវែកញែក ទំព័រ២៣-២៤ (ភាសាអង់គ្លេស); ហើយសៀវភៅមនុស្សលោកស្វែងរកព្រះ ជំពូកទី១២ (ភាសាអង់គ្លេស)។
ចំរៀង លេខ២០៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៥ ខែវិច្ឆិកា
ចំរៀង លេខ២១១
៨ នាទី: សេចក្ដីជូនដំណឹងតាមតំបន់។ ប្រាប់ពីការរៀបចំពិសេសសំរាប់ការផ្សព្វផ្សាយនៅថ្ងៃទី២៥ ខែវិច្ឆកា។
២៥ នាទី: «ការប្រើប្រាស់នូវបណ្ដាញកុំព្យូទ័រអ៊ីនថឺណេត—ប្រុងប្រយ័ត្ននឹងគ្រោះថ្នាក់!»។ ការពិគ្រោះតាមរយៈសំនួរនិងចម្លើយពីវគ្គ១-១៨ ក្នុងឯកសារកិច្ចបំរើព្រះរាជាណាចក្រយើង(ភាសាអង់គ្លេស)។ អានវគ្គ៤-៧,១២,១៦,១៧។
១២ នាទី: ពួកមាតាបិតា—តើអ្នកធ្វើការសិក្សាជាក្រុមគ្រួសារយ៉ាងទៀងទាត់ទេ? សុន្ទរកថានិងការពិគ្រោះជាមួយនឹងពួកអ្នកស្ដាប់។ ពន្យល់អំពីមូលហេតុដែលក្រុមគ្រួសារទាំងឡាយត្រូវតែសិក្សាជាមួយគ្នា។ (សូមមើលសៀវភៅណែនាំខាងសាលា ទំព័រ៣៧-៣៨) (ភាសាអង់គ្លេស)។ និយាយអំពីអ្វីដែលអាចធ្វើការរារាំងចំពោះការសិក្សាជាក្រុមគ្រួសារ ដូចតទៅនេះ: (១) មានអារម្មណ៍ថាពួកកូនៗគឺក្មេងពេកមិនអាចទទួលប្រយោជន៍ទេ (២) គិតថាការចូលរួមកិច្ចប្រជុំគឺគ្រប់គ្រាន់ (៣) អស់កម្លាំងដោយរវល់ពេក ហើយ (៤)ការបំបែកអារម្មណ៍ដោយការមើលទូរទស្សន៍។ (សូមមើល ទស្សនាវដ្ដីប៉មយាម ថ្ងៃទី១៥ ខែឧសភា ឆ្នាំ១៩៩៤ ទំព័រ១១-១២ (ភាសាអង់គ្លេស)។ អញ្ជើញមេគ្រួសារឲ្យប្រាប់ពីរបៀបដែលគេបានឈ្នះលើឧបសគ្គផ្សេងៗដើម្បីរក្សាឲ្យមានទម្លាប់ល្អសំរាប់ការសិក្សាជាក្រុមគ្រួសារ។ ចូរបញ្ជាក់ថា នេះត្រូវការនូវការព្យាយាម ការតាំងចិត្ត និងការជួយគ្នា។
ចំរៀង លេខ២១៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២២ ខែវិច្ឆិកា
ចំរៀង លេខ១៥៨
១០ នាទី: សេចក្ដីជូនដំណឹងតាមតំបន់ និងបទពិសោធន៍ខ្លះៗពីកិច្ចបំរើផ្សាយ។
១០ នាទី: តើអ្នកមានអាកប្បកិរិយាយ៉ាងណាចំពោះកិច្ចការផ្សេងៗ? សុន្ទរកថាដោយអ្នកចាស់ទុំម្នាក់។ មានភារកិច្ចច្រើនណាស់ដែលជាចាំបាច់ដើម្បីរក្សានូវដំណើរការក្រុមជំនុំ ដូចជាការរៀបចំសំរាប់ផ្នែកកម្មវិធីប្រជុំ ការទៅទទួលអ្នកដទៃមកកិច្ចប្រជុំឬក៏ដឹកទៅផ្សព្វផ្សាយ ការជួយមនុស្សវ័យចាស់ ការសំអាត ជួសជុល និងការថែរក្សាសាលព្រះរាជាណាចក្រ រួមបញ្ចូលការកាប់ស្មៅហើយយកព្រិលចេញ។ តើអ្នកតបយ៉ាងណាពេលត្រូវគេសូមឲ្យជួយនោះ? អ្នកខ្លះប្រហែលមិនព្រមធ្វើ ខ្លះយល់ព្រមដោយស្ទាក់ស្ទើរ ឬក៏ខានបង្ហើយកិច្ចការនោះ។ ពិគ្រោះពីមូលហេតុដែលការទទួលព្រមនិងការបំពេញតាមនូវកិច្ចការនោះ គឺជាឯកសិទ្ធិដែលនាំឲ្យសប្បាយចិត្ត។ លើកទឹកចិត្តទាំងអស់គ្នាក្នុងក្រុមជំនុំ ឲ្យបង្ហាញការសុខចិត្តជួយដោយស្មោះស្ម័គ្រ។—ទំនុកដំកើង ១១០:៣; អេសាយ ៦:៨
២៥ នាទី: «ការប្រើប្រាស់នូវបណ្ដាញកុំព្យូទ័រអ៊ីនថឺណេត—ប្រុងប្រយ័ត្ននឹងគ្រោះថ្នាក់!»។ ការពិគ្រោះតាមរយៈសំនួរនិងចម្លើយពីវគ្គ១៩-៣៦ ក្នុងឯកសារកិច្ចបំរើព្រះរាជាណាចក្រយើងជាភាសាអង់គ្លេស។ អានវគ្គ ២៣-២៥ ហើយ ៣៤-៣៦។
ចំរៀង លេខ២២៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៩ ខែវិច្ឆិកា
ចំរៀង ២១៥
១០ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែវិច្ឆិកា។
១៥ នាទី: លើកទឹកចិត្តអ្នកថ្មីឲ្យចូលរួមកិច្ចប្រជុំ។ ការពិគ្រោះរវាងអ្នកចាស់ទុំម្នាក់នឹងអ្នកងារជំនួយមួយឬពីរនាក់ ដោយមានមូលដ្ឋានលើសៀវភៅស្តើងធ្វើតាមព្រះហឫទ័យរបស់ព្រះ ទំព័រ១៤-១៥ (ភាសាអង់គ្លេស)។ សើរើនូវមូលហេតុគឺជាសំខាន់ដែលអ្នកថ្មីចូលរួមកិច្ចប្រជុំ។ នៅទីនោះគេនឹងទទួលការណែនាំ សេចក្ដីលើកទឹកចិត្ត និងជំនួយមួយភាគធំ។ ប្រាប់ពីប្រជុំទាំងប្រាំប្រចាំសប្ដាហ៍ ដោយពន្យល់ពីប្រយោជន៍ពីប្រជុំនិមួយៗ។ ពិភាក្សារបៀបដែលប្រជុំនាំឲ្យមានចរិយាដែលបង្ហាញការគោរពចំពោះព្រះ ស្ថាបនាឡើងខាងវិញ្ញាណ ទាញយើងមកឯអង្គការរបស់ព្រះ និងជួយយើងបណ្ដុះបណ្ដាលឲ្យមានទំនាក់ទំនងយ៉ាងជិតស្និទ្ធជាមួយអ្នកដទៃ ហើយជួយយើងយល់គោលបំណងនៃកិច្ចបំរើរបស់យើង។ លើកទឹកចិត្តពួកអ្នកស្ដាប់ឲ្យប្រើសៀវភៅស្តើងនោះ ដើម្បីជំរុញអ្នកថ្មីចូលរួមកិច្ចប្រជុំ។
២០ នាទី: សេចក្ដីត្រូវការតាមតំបន់។
ចំរៀង លេខ២០៥ និងសេចក្ដីអធិស្ឋានបញ្ចប់។