សេចក្ដីជូនដំណឹង
▪ ឧបករណ៍ផ្សាយសំរាប់ខែមករានិងកុម្ភៈ សៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មីនា: សៀវភៅចំណេះដែលនាំទៅដល់ជីវិតអស់កល្បជានិច្ច។ នឹងមានការខំព្យាយាមជាពិសេសដើម្បីចាប់ផ្ដើមការសិក្សាព្រះគម្ពីរតាមផ្ទះ។ មេសា: ទស្សនាវដ្ដីប៉មយាម។ ពេលដែលត្រឡប់ទៅជួបគេ បើបានបង្ហាញចំណាប់អារម្មណ៍ នោះអាចស្នើផ្ដល់ឲ្យគេជាវបានដែរ។ ស្នើផ្ដល់នូវសៀវភៅចំណេះ ឬក៏សៀវភៅស្តើងតម្រូវ ដោយមានគោលបំណងចង់ចាប់ផ្ដើមការសិក្សាព្រះគម្ពីរតាមផ្ទះ។
▪ បុណ្យរំឭកសំរាប់ឆ្នាំ២០០២នឹងត្រូវធ្វើនៅថ្ងៃទី២៨ ខែមីនា បន្ទាប់ពីថ្ងៃលិច។ បងប្អូនត្រូវជំរាបទុកជាមុនដូច្នេះ ដើម្បីឲ្យមានឱកាសធ្វើកិច្ចសន្យាសំរាប់សាលមួយផ្សេងទៀត ពេលមានក្រុមជំនុំជាច្រើនប្រើសាលព្រះរាជាណាចក្រតែមួយ ហើយត្រូវតែរកកន្លែងផ្សេងទៀត។ ពួកអ្នកចាស់ទុំគួររៀបចំជាមួយនឹងម្ចាស់សាលផ្សេងនោះ ឲ្យធានាថានឹងគ្មានការរំខានពីសកម្មភាពឯទៀតក្នុងសាលនោះ ដើម្បីឲ្យបុណ្យរំឭកអាចមានដំណើរការប្រកបទៅដោយសណ្ដាប់ធ្នាប់និងសន្ដិភាព។ ដោយសារពិធីនេះគឺសំខាន់ម្ល៉េះ នោះក្រុមអ្នកចាស់ទុំគួរជ្រើសអ្នកចាស់ទុំម្នាក់ដែលមានសមត្ថភាពច្រើន ជាជាងគ្រាន់តែដូរវេនគ្នាឬក៏ប្រើបងប្រុសដដែលៗរាល់ឆ្នាំ។ បើសិនជាមានបងប្រុសម្នាក់ដែលគឺជាអ្នកចាក់ប្រេងតាំង នោះជាករណីលើកលែង។
▪ ចាប់ផ្ដើមពីថ្ងៃទី១ ខែមករា ឆ្នាំ២០០១ អាចទទួលទស្សនាវដ្ដីប៉មយាមជាភាសាកាអុនដេនិងភាសាសេហ្សាលក្រេអូល បោះពុម្ពមួយខែម្ដង និងជាភាសាស៊ីឡូស៊ី បោះពុម្ពមួយខែពីរដង។
▪ ចាប់ផ្ដើមពីថ្ងៃទី៨ ខែមករា ឆ្នាំ២០០១ នឹងអាចទទួលទស្សនាវដ្ដីភ្ញាក់រឭក! ជាភាសាប៊ុលហ្គារីនិងភាសាអ៊ូឌូ បោះពុម្ពមួយខែម្ដង។
▪ អ្នកផ្សាយទាំងអស់គ្នាដែលមានវត្តមាននៅឯប្រជុំអប់រំកិច្ចបំរើចាប់ផ្ដើមពីថ្ងៃទី៨ ខែមករា អាចទទួលកាតសេចក្ដីបង្គាប់ជូនគ្រូពេទ្យ និងប័ណ្ណសម្គាល់សំរាប់កូនៗ។
▪ ចាប់ផ្ដើមពីខែកុម្ភៈ និងមិនផុតពីថ្ងៃទី៤ ខែមីនា សុន្ទរកថារបស់អ្នកត្រួតពិនិត្យតាមមណ្ឌលនឹងមានប្រធាន «ថ្ងៃជំនុំជំរះ តើជាអ្វីដ៏គួរឲ្យភិតភ័យ ឬគួរឲ្យសង្ឃឹមចង់បាន?»។
▪ ក្រុមជំនុំទាំងឡាយគួរធ្វើការរៀបចំដ៏ស្រួលបួលដើម្បីធ្វើពិធីបុណ្យរំឭកឆ្នាំនេះ នៅថ្ងៃទី៨ ថ្ងៃអាទិត្យ ខែមេសា បន្ទាប់ពីថ្ងៃលិច។ ទោះបីសុន្ទរកថានោះអាចចាប់ផ្ដើមមុនថ្ងៃលិចក៏ដោយ ការហុចវត្ថុតំណាងមិនត្រូវចាប់ផ្ដើមទាល់តែក្រោយថ្ងៃលិចហើយ។ សូមស៊ើបសួរប្រភពពត៌មានផ្សេងៗតាមតំបន់អ្នក ឲ្យដឹងថាថ្ងៃលិចកើតឡើងនៅពេលណានៅតំបន់របស់អ្នក។ ដោយព្រោះគ្មានប្រជុំផ្សេងទៀតនៅថ្ងៃនោះក្រៅពីប្រជុំចេញទៅផ្សព្វផ្សាយ នោះគួរមានការរៀបចំធ្វើការសិក្សាទស្សនាវដ្ដីប៉មយាម នៅពេលមួយផ្សេងទៀត។ អ្នកត្រួតពិនិត្យតាមមណ្ឌលត្រូវតែកែប្រែកម្មវិធីប្រជុំរបស់គាត់សំរាប់សប្ដាហ៍នោះស្របទៅតាមកាលៈទេសៈតាមតំបន់។ ទោះជាគឺល្អជាងបើសិនជាក្រុមជំនុំនិមួយៗអាចមានពិធីបុណ្យរំឭករបស់ក្រុមជំនុំផ្ទាល់ក៏ដោយ ក្រុមជំនុំនិមួយៗមិនតែងតែមានលទ្ធភាពធ្វើអ៊ីចឹងទេ។ នៅកន្លែងណាដែលតាមធម្មតាមានក្រុមជំនុំជាច្រើនប្រើសាលព្រះរាជាណាចក្រតែមួយ នោះប្រហែលជាក្រុមជំនុំមួយឬក៏ពីរអាចប្រើកន្លែងមួយផ្សេងទៀតក្នុងពេលមួយយប់នោះ។ បើសិនជាមានលទ្ធភាព យើងជូនយោបល់ថា គួរមានយ៉ាងតិច៤០នាទីរវាងកម្មវិធីនិមួយៗដើម្បីឲ្យទាំងអស់គ្នាអាចទទួលប្រយោជន៍ពេញលេញពីពិធីនោះ ទាំងលើកទឹកចិត្តអ្នកថ្មីដែលចាប់អារម្មណ៍។ ក៏ត្រូវគិតពីស្ថានភាពចរាចរ កន្លែងផ្ញើឡានម៉ូតូ រួមបញ្ចូលការទម្លាក់ដាក់ឬក៏ទទួលអ្នកជំនិះ។ ក្រុមអ្នកចាស់ទុំគួរសម្រេចថាការរៀបចំណាដែលល្អបំផុតតាមតំបន់។
▪ សុន្ទរកថាសាធារណៈពិសេស សំរាប់ពេលបុណ្យរំឭកឆ្នាំ២០០១ នឹងត្រូវថ្លែងនៅថ្ងៃអាទិត្យទី១ ខែមេសា។ ប្រធានសុន្ទរកថានោះគឺ «តើអ្នកណាអាចត្រូវសង្គ្រោះបាន?»។ នឹងមានគម្រោងសុន្ទរកថា។ ក្រុមជំនុំទាំងឡាយដែលនឹងទទួលអ្នកត្រួតពិនិត្យតាមមណ្ឌលជាភ្ញៀវ ឬមានសន្និបាតតាមមណ្ឌល ឬក៏សន្និបាតពិសេស ចំថ្ងៃអាទិត្យនោះ ត្រូវតែមានសុន្ទរកថាពិសេសនៅសប្ដាហ៍ចាប់ផ្ដើមថ្ងៃទី៩ ខែមេសា។ គ្មានក្រុមជំនុំណាដែលគួរមានសុន្ទរកថានោះមុនថ្ងៃទី១ ខែមេសា ឆ្នាំ២០០១ទេ។
▪ ប្រកាសនវត្ថុថ្មីដែលអាចទទួលបាន:
ចំណេះដែលនាំទៅដល់ជីវិតអស់កល្បជានិច្ច—ភាសាចិន (តាមសូរស័ព្ទ)