ការសើរើឡើងវិញខាងសាលាកិច្ចបំរើព្រះធិបតេយ្យ
ការសើរើឡើងវិញដោយមិនមើលសៀវភៅ ហើយទាក់ទងពត៌មានដែលបានរៀនតាមរយៈសុន្ទរកថាសាលាកិច្ចបំរើព្រះធិបតេយ្យ ក្នុងកំឡុងសប្ដាហ៍ពីថ្ងៃទី៣ខែកញ្ញា ដល់ថ្ងៃទី២៤ខែធ្នូ ឆ្នាំ២០០១។ សូមកត់លើក្រដាសមួយសន្លឹកផ្សេង នូវចម្លើយចំពោះសំនួរទាំងប៉ុន្មានដែលអ្នកអាចឆ្លើយបាន ក្នុងកំណត់ពេលនោះ។
[សូមកត់សម្គាល់៖ ក្នុងកំឡុងពេលសរសេរសើរើឡើងវិញនេះ មានតែព្រះគម្ពីរទេដែលអាចយកមកប្រើ ដើម្បីនឹងឆ្លើយសំនួរនានា។ ឯកសារយោងដែលមានបន្ទាប់ពីសំនួរនិមួយៗ នោះសំរាប់ឲ្យអ្នកស្រាវជ្រាវផ្ទាល់ខ្លួន។ ប្រហែលជាមិនមានទំព័រនិងវគ្គលេខទាំងអស់ទេ កាលដែលសំដៅទៅលើទស្សនាវដ្ដីប៉មយាម។]
សូមឆ្លើយសេចក្ដីថ្លែងនិមួយៗជាបន្តបន្ទាប់នេះ ពិតឬមិនពិត:
១. ព្រះគម្ពីរចាត់ទុកការបញ្ចេញកំហឹងដោយឥតចេះទប់ចិត្តនោះ ជាអំពើដ៏អាក្រក់។ (ទំនុកដំកើង ៣៧:៨) [wE៩៩ ១៥/៨ ទំព័រ៨ វគ្គ២]
២. ទំនុកដំកើង ៥៨:៤ បង្ហាញយ៉ាងត្រឹមត្រូវថា ពស់វែកមាន«ត្រចៀក»តែមិនអាចប្រើពីព្រោះវាថ្លង់។ [អំនានព្រះគម្ពីរប្រចាំសប្ដាហ៍; សូមមើល Rbi8E ទំព័រ១៥៨៣]
៣. បណ្ដាស្ត្រីដែលប្រៀបដូចជា«កងទ័ពមួយយ៉ាងធំ» ដែលទំនុកដំកើង ៦៨:១១, ព.ថ. សំដៅចំពោះនោះ គឺជាស្ត្រីសាសន៍ផ្សេងដែលជាខ្ញុំកញ្ជះគេ ដែលពួកបុរសសាសន៍អ៊ីស្រាអែលបានរំដោះចេញពីសេវកភាព ពេលគេឈ្នះលើសាសន៍នានាដែលជាខ្មាំងសត្រូវនោះ។ [អំនានព្រះគម្ពីរប្រចាំសប្ដាហ៍; សូមមើល wE៨៦ ១៥/១០ ទំព័រ៣០ វគ្គ៦]
៤. ព្រះនាមរបស់ព្រះយេហូវ៉ាមានន័យថា «ទ្រង់ដែលបណ្ដាលឲ្យក្លាយទៅជា»។ [w៩៨ ១/៨ ទំព័រ៥ វគ្គ៣]
៥. ក្នុងធម្មទានរបស់ព្រះយេស៊ូនៅលើភ្នំ ទ្រង់បានសំដៅទៅលើការសន្យារបស់យើងចំពោះតែព្រះប៉ុណ្ណោះ ពេលទ្រង់មានបន្ទូលថា៖ «ត្រូវឲ្យចេញសំដីថាតែមែនៗ ឬទេៗប៉ុណ្ណោះ»។ (ម៉ាថ. ៥:៣៧) [wE៩៩ ១៥/៩ ទំព័រ៩ វគ្គ៥]
៦. ដូចបានកត់ទុកនៅទំនុកដំកើង ១១០:១ «ព្រះអម្ចាស់នៃទូលបង្គំ» សំដៅទៅលើព្រះយេស៊ូ។ [អំនានព្រះគម្ពីរប្រចាំសប្ដាហ៍; សូមមើល wE៩៤ ១/៦ ទំព័រ២៨ វគ្គ៥]
៧. ក្នុងសៀវភៅទំនុកដំកើង មានព្រះនាមយេហូវ៉ាប្រមាណ៧០០ដង និងពាក្យកាត់ គឺ«យ៉ា» ៤៣ដង ដែលសរុបទាំងអស់នោះ មានព្រះនាមរបស់ព្រះប្រមាណ៥ដងជាមធ្យមក្នុងទំនុកនិមួយៗ។ [si ទំព័រ១០៤ វគ្គ២៣]
៨. គំនិតនិយមមួយនៅសព្វថ្ងៃនេះគឺគេថា នៅពេលណាមួយផែនដីយើងនេះនឹងត្រូវវិនាសអស់រលីង មិនថានៅនាអនាគតឆាប់ៗខាងមុខនេះ ឬយូរទៅមុខទៀត។ [w៩៨ ១/៩ ទំព័រ៣ វគ្គ៣]
៩. បើនិយាយឲ្យចំទៅ ការសិក្សាសៀវភៅសុភាសិត គឺជាការសិក្សាប្រាជ្ញារបស់សាឡូម៉ូនផ្ទាល់។ [si ទំព័រ១០៦ វគ្គ១]
១០. យោបល់ក្នុងព្រះគម្ពីរដែលយើងរកឃើញនៅសុភាសិត ២១:១៧ ឲ្យយើងជៀសវាងនូវការ«ចូលចិត្តតែនឹងការលេងសប្បាយ» នោះបញ្ជាក់ថា ការលេងសប្បាយជាអំពើដ៏ខុសឆ្គង ដោយព្រោះវាស៊ីពេលពីការធ្វើអ្វីៗដែលសំខាន់ជាង។ [អំនានព្រះគម្ពីរប្រចាំសប្ដាហ៍; សូមមើល wE៩៧ ១/១០ ទំព័រ២៧ វគ្គ៧]
សូមឆ្លើយសំនួរនានាដូចតទៅនេះ:
១១. ពេលដែលព្រះគម្ពីរចែងអំពីព្រះ ថាមាន‹ព្រះទ័យស្ដាយ›អំពីអ្វីដែលទ្រង់បានធ្វើនោះ តើមានន័យអ្វី? (១សាំ. ១៥:១១; លោក. ៦:៦) [w៩៨ ១/៧ ទំព័រ៦ វគ្គ៤-ទំព័រ៧ វគ្គ១]
១២. តើព្រះយេហូវ៉ានាំឲ្យអ្នកតែងបទទំនុកដំកើងទទួល«សិរីល្អ»អ្វី? (ទំនុក. ៧៣:២៤) [អំនានព្រះគម្ពីរប្រចាំសប្ដាហ៍; សូមមើល wE៨៦ ១៥/១២ ទំព័រ២៨ វគ្គ៣]
១៣. តាមអ្វីដែលកត់ទុកនៅទំនុកដំកើង ៨៤:១-៣ តើអ្នកតែងបទទំនុកដំកើងបង្ហាញអារម្មណ៍បែបណា ស្តីអំពីឯកសិទ្ធិបំរើព្រះ? [អំនានព្រះគម្ពីរប្រចាំសប្ដាហ៍; សូមមើល wE៩៧ ១៥/៣ ទំព័រ៨ វគ្គ៥-៧]
១៤. តើរ៉ូម ២:៤, ៥ បង្ហាញយ៉ាងណាថា ព្រះយេហូវ៉ាមិនតែងតែប្រើសមត្ថភាពយល់ធ្លុះរបស់ទ្រង់ ដើម្បីជ្រាបដឹងពីអ្វីៗទាំងអស់ជាមុន ឬកំណត់ទុកជាមុននូវអ្វីដែលមនុស្សធ្វើនោះទេ? [w៩៨ ១/៧ ទំព័រ៨ វគ្គ២]
១៥. បើបណ្ដាគ្រីស្ទានពីសម័យដើមជឿទៅលើការសោយរាជ្យមួយពាន់ឆ្នាំរបស់ព្រះយេស៊ូ ដូចបានចែងមកក្នុងសៀវភៅវិវរណៈ តើមានឥទ្ធិពលអ្វីខ្លះដែលនាំឲ្យពួកគ្រីស្ទានដែលជាអ្នកក្បត់ជំនឿ បដិសេធចោលនូវសេចក្ដីបង្រៀនមួយនោះពីព្រះ? [wE៩៩ ១/១២ ទំព័រ៦ វគ្គ៣-ទំព័រ៧ វគ្គ៥]
១៦. តើបណ្ដាគ្រីស្ទានគួរដាក់កំរិតអ្វី ទៅលើការ«គិត»អំពីរឿងរបស់អ្នកដទៃ? (ភី. ២:៤, ព្រះគម្ពីរភាសាខ្មែរសម្រាយ) [wE៩៩ ១/១២ ទំព័រ២៩ វគ្គ១]
១៧. ដោយទំនុកដំកើង ១២៨:៣, ព.ថ. រៀបរាប់អំពីកូនប្រុសប្រៀបដូចជា «ពន្លកដើមអូលីវ»នៅជុំវិញតុរបស់បុរសម្នាក់ តើប្រហែលជាមានន័យអ្វី? [អំនានព្រះគម្ពីរប្រចាំសប្ដាហ៍; សូមមើល wE០០ ១៥/៨ ទំព័រ៣០ វគ្គ៤]
១៨. បើយើងចាត់ទុកកិច្ចការរបស់ព្រះជាអ្វីដ៏គួរឲ្យអស្ចារ្យនោះ តើនេះអាចមានអានុភាពអ្វីលើយើង? (ទំនុក. ១៣៩:១៤) [អំនានព្រះគម្ពីរប្រចាំសប្ដាហ៍; សូមមើល wE៩៣ ១/១០ ទំព័រ១៥ វគ្គ១៨]
១៩. ហេតុអ្វីបានជាសុភាសិត ៥:៣, ៤ រៀបរាប់អំពីលទ្ធផលដែលមកពីការធ្វើអំពើអសីលធម៌ ជាអ្វីដែល«ល្វីងដូចជាស្លែង» និង«មុតដូចជាដាវមានមុខ២»? [អំនានព្រះគម្ពីរប្រចាំសប្ដាហ៍; សូមមើល wE០០ ១៥/៧ ទំព័រ២៩ វគ្គ២]
២០. សមស្របនឹងសុភាសិត ១៤:២៩ តើការចេះវិនិច្ឆ័យអាចជួយយើងយ៉ាងណា ដើម្បីជៀសវាងនឹងផលវិបាកដែលមកពីការមិនចេះអត់ធ្មត់ និងកំហឹងដោយឥតចេះទប់? [អំនានព្រះគម្ពីរប្រចាំសប្ដាហ៍; សូមមើល w៩៧ ១/៦ ទំព័រ២២ វគ្គ៧-៨]
សូមរកពាក្យឬក៏ឃ្លាណាដែលត្រូវការ ដើម្បីបំពេញសេចក្ដីថ្លែងនិមួយៗជាបន្តបន្ទាប់នេះ:
២១. _________________________របស់យើងគឺស្រេចទៅលើ_________________________របស់យើងផ្ទាល់។ (រ៉ូម ៦:២៣) [w៩៨ ១/៧ ទំព័រ៨ វគ្គ១]
២២. ទីសំអាងក្នុងលំហអាកាសនិង_________________________យើងនេះ បញ្ជាក់ប្រាប់អំពីវត្តមានរបស់_________________________មួយអង្គ។ [w៩៨ ១/៩ ទំព័រ៦ វគ្គ២]
២៣. «ទីកំបាំងនៃព្រះដ៏ខ្ពស់បំផុត» គឺជាទី_________________________សំរាប់អស់អ្នកដែលគាំទ្រខាងព្រះ ស្តីអំពីរឿងចំណោទទាក់ទង_________________________។ នេះជា«ទីកំបាំង» ឬអ្វីដែលមនុស្សដែល_________________________នោះ មិនអាចដឹងបាន។ (ទំនុក. ៩១:១) [អំនានព្រះគម្ពីរប្រចាំសប្ដាហ៍; សូមមើល wE៨៦ ១៥/១២ ទំព័រ២៩ វគ្គ៦]
២៤. ‹ការមិនភ្លេចបណ្ដាព្រះគុណណារបស់ព្រះយេហូវ៉ា› តាមមើលទៅជាប់ទាក់ទងនឹងការ__________________________________________________«ព្រះគុណណា» ឬក៏ការប្រព្រឹត្តរបស់ទ្រង់ដែលប្រកបទៅដោយសេចក្ដីសប្បុរសដ៏ស្មោះ ដូចបានពិពណ៌នាក្នុងបទទំនុកដំកើងទី១០៣។ (ទំនុកដំកើង ១០៣:២) [អំនានព្រះគម្ពីរប្រចាំសប្ដាហ៍; សូមមើល wE៩៩ ១៥/៥ ទំព័រ២១ វគ្គ៥-៦]
២៥. សុភាសិតជាសេចក្ដីដែលមានខ្លឹមសារ ទាំងរៀបរាប់ដោយ_________________________ ក៏មានគោលដៅ_________________________។ [si ទំព័រ១០៧ វគ្គ៦]
សូមរើសរកចម្លើយមួយណាដែលត្រឹមត្រូវ ក្នុងសេចក្ដីថ្លែងនិមួយៗជាបន្តបន្ទាប់នេះ:
២៦. ថ្វីបើដាវីឌមានហេតុខឹងនឹងរបៀបដែលសូលប្រព្រឹត្តលើគាត់ក៏ដោយ នោះដាវីឌបានទប់ចិត្តដោយព្រោះ (គាត់ជ្រាបថា សូលជាមនុស្សមិនគ្រប់ល័ក្ខណ៍ ហើយអ្នកបំរើព្រះត្រូវតែចេះអត់ឱនទោស; គាត់បានប្រមូលអារម្មណ៍គិតអំពីទំនាក់ទំនងរបស់គាត់ជាមួយព្រះយេហូវ៉ា; គាត់ដឹងថា ការថ្កោលទោសអ្នកដទៃគឺមិនល្អទេ)។ (១សាំ. ២៤:៦, ១៥) [wE៩៩ ១៥/៨ ទំព័រ៨ វគ្គ៧]
២៧. អស់អ្នកណាដែលនៅស្រេកឃ្លានខាងវិញ្ញាណ គួរពិនិត្យមើល (ព្រះគម្ពីរ; សៀវភៅកូរ៉ាន; វិទ្យាសាស្ត្រ) និងយល់អំពីអ្វីដែល (អ្នកវិទ្យាសាស្ត្រ; ពួកទស្សនវិទូ; ព្រះ) ប្រទានឲ្យគេ។ (អេសា. ៤៨:១៧) [w៩៨ ១/១០ ទំព័រ៤ វគ្គ៣]
២៨. យ៉ូសែបមានកម្លាំងទប់ទល់នឹងការលួងលោមរបស់ប្រពន្ធប៉ូទីផារឲ្យប្រព្រឹត្តអំពើអសីលធម៌នោះ ដោយព្រោះ(គាត់ដឹងអំពីក្រិត្យវិន័យលោកម៉ូសេដែលកាត់ទោសអំពើសហាយស្មន់; គាត់កោតខ្លាចយ៉ាងខ្លាំងនឹងឋានៈសំខាន់របស់ប្ដីនាង; គាត់ចាត់ទុកទំនាក់ទំនងរបស់គាត់ជាមួយព្រះយេហូវ៉ា ពិតជាមានតម្លៃបំផុត)។ (លោក. ៣៩:៧-៩) [wE៩៩ ១/១០ ទំព័រ២៩ វគ្គ៣]
២៩. អ្នកសរសេរបទទំនុកដំកើងទី១១៩ ប្រាកដជាមានការអបអរយ៉ាងជ្រាលជ្រៅចំពោះ (ព្រះបន្ទូល ឬក្រិត្យក្រមរបស់ព្រះ; ជីវិតជាអំណោយទានមួយ; សេចក្ដីសង្ឃឹមឲ្យបានសង្គ្រោះ) ដែលបានរៀបរាប់ក្នុងខនិមួយៗនៃសៀវភៅទំនុកដំកើងជិតទាំងអស់។ [អំនានព្រះគម្ពីរប្រចាំសប្ដាហ៍; សូមមើល w០០ ១/២ ទំព័រ៩ វគ្គ៥; wE៨៧ ១៥/៣ ទំព័រ២៤ វគ្គ២]
៣០. ក្នុងពីរជំពូកដំបូងនៃសំបុត្ររបស់ប៉ុលទៅ (អ្នកនៅទីក្រុងរ៉ូម; អ្នកនៅស្រុកកាឡាទី; សាសន៍ហេព្រើរ) យើងឃើញមានសេចក្ដីជាច្រើនត្រូវបានស្រង់ចេញពីបទទំនុកដំកើង ស្តីអំពី (ឋានៈខ្ពស់ជាង; បុណ្យជ្រមុជទឹក; កិច្ចបំរើផ្សាយនៅលើផែនដី) របស់ព្រះយេស៊ូគ្រីស្ទ។ [si ទំព័រ១០៥ វគ្គ២៨]
សូមរកផ្ទឹមបទគម្ពីរនានា ជាមួយនឹងសេចក្ដីនិមួយៗដូចតទៅនេះ:
ម៉ាថ. ២០:២៥-២៧; សុ. ១៤:១៥; ១៨:១៧; លោក. ៣៩:៨, ៩; ហេ. ១៣:១៨
៣១. យើងត្រូវចាត់ទុកទំនាក់ទំនងរបស់យើងជាមួយព្រះ ជាអ្វីដែលមានតម្លៃបំផុត ដើម្បីមានកម្លាំងបដិសេធមិនព្រមធ្វើអំពើដ៏ខុសឆ្គង។ [wE៩៩ ១/១០ ទំព័រ២៩ វគ្គ ៣]
៣២. បណ្ដាគ្រីស្ទានមិនអាចធ្វើពាណិជ្ជកម្មបែបណាដែលមិនទៀងត្រង់ ឬបដិសេធនឹងគោលការណ៍ត្រឹមត្រូវដែលផ្ដល់ប្រយោជន៍ឲ្យអ្នកដទៃ។ [wE៩៩ ១៥/៩ ទំព័រ១០ វគ្គ២]
៣៣. គ្រីស្ទានគួរមានអារម្មណ៍ស្រួលជាមួយនឹងគ្នា ដែលរួមបញ្ចូលពេលនៅជាមួយអ្នកចាស់ទុំក្រុមជំនុំផងដែរ។ [wE៩៩ ១/១២ ទំព័រ២៩ វគ្គ៣]
៣៤. មនុស្សដែលមានប្រាជ្ញានិងចេះវិនិច្ឆ័យនោះ ថ្លឹងថ្លែងអំពីលទ្ធផលពីការប្រព្រឹត្តរបស់ខ្លួន និងមិនធ្វើតាមអ្វីដែលអ្នកដទៃនិយមតាមដោយព្រោះតែជាអ្វីដ៏ប្រជាប្រិយនោះទេ។ [អំនានព្រះគម្ពីរប្រចាំសប្ដាហ៍; សូមមើល gE៩៤ ៨/១២ ទំព័រ១៦ វគ្គ១]
៣៥. ទោះជាទស្សនៈរបស់បុគ្គលម្នាក់មើលទៅដូចជាសមហេតុផលនិងត្រឹមត្រូវក៏ដោយ គឺជាការប្រកបទៅដោយប្រាជ្ញាបើទទួលស្ដាប់រឿងទាំងសងខាងមុននឹងធ្វើការសន្និដ្ឋាន។ [si ទំព័រ១១១ វគ្គ៣៦]