កម្មវិធីសាលាកិច្ចបម្រើផ្សាយសម្រាប់ឆ្នាំ២០០៩

កម្មវិធីសាលាកិច្ចបម្រើផ្សាយសម្រាប់ឆ្នាំ២០០៩

ការណែនាំ

ក្នុងអំឡុងឆ្នាំ២០០៩ សាលាកិច្ចបម្រើផ្សាយនឹងមានកម្មវិធីដូចតទៅនេះ :

ប្រភពព័ត៌មាន : សេចក្ដីបកប្រែពីសមាគមខ្មែរនៃព្រះគម្ពីរបរិសុទ្ធ «ព្រះបន្ទូលរបស់ព្រះយេហូវ៉ា នោះរស់នៅ» ទស្សនាវដ្ដីប៉មយាម [w] ចាប់ពីថ្ងៃទី១ ខែមេសា ឆ្នាំ២០០៤ សៀវភៅរឿងព្រះគម្ពីររបស់ខ្ញុំ [my] សៀវភៅតើព្រះគម្ពីរពិតជាបង្រៀនយ៉ាងណា? [bh]។

កម្មវិធីសាលាគួរតែចាប់ផ្ដើមឲ្យទៀងពេលដោយការស្វាគមន៍ និងមានដូចបន្តបន្ទាប់នេះ។ បន្ទាប់ពីផ្នែកនីមួយៗហើយ អ្នកត្រួតពិនិត្យសាលានឹងអញ្ជើញអ្នកថ្លែងម្នាក់ៗជាបន្តបន្ទាប់។

គោលសំខាន់ៗពីអំណានគម្ពីរ : ១០នាទី។ អស់បួននាទី អ្នកចាស់ទុំឬអ្នកងារជំនួយដែលមានលក្ខណៈគ្រប់គ្រាន់ ត្រូវលើកឡើងនូវចំណុចសំខាន់ៗពីខណាមួយក្នុងអំណានសប្ដាហ៍នោះ។ ករណីលើកលែងបើអំណានសប្ដាហ៍នោះចាប់ផ្ដើមសៀវភៅថ្មី។ ក្នុងករណីនោះបួននាទីដំបូងត្រូវស្រង់ចេញពីទស្សនាវដ្ដីប៉មយាមដែលចាប់ពីថ្ងៃទី១ ខែមេសា ឆ្នាំ២០០៤មក គឺជា «ព្រះបន្ទូលរបស់ព្រះយេហូវ៉ា នោះរស់នៅ»។ ឧបមាថា សប្ដាហ៍ថ្ងៃទី៥ ខែមករា អំណានគម្ពីរសម្រាប់សប្ដាហ៍នោះគឺមកពីលោកុប្បត្តិ ជំពូក១-៥។ ដូច្នេះអ្នកដឹកនាំត្រូវលើកឡើងនូវចំណុចសំខាន់ៗពីរឬបី ពីសេចក្ដីផ្ដើមនៃសៀវភៅលោកុប្បត្តិនោះ ក្នុងទស្សនាវដ្ដីប៉មយាមថ្ងៃទី១ ខែមេសា ឆ្នាំ២០០៤ «ព្រះបន្ទូលរបស់ព្រះយេហូវ៉ា នោះរស់នៅ»។ គាត់ត្រូវបញ្ជាក់ចំណុចសំខាន់ៗស្របទៅតាមសេចក្ដីត្រូវការក្នុងតំបន់។ ទោះជាយ៉ាងណាក៏ដោយ ការពិគ្រោះពីអំណានគម្ពីរប្រចាំសប្ដាហ៍ ឬក៏បានស្រង់ចេញពីទស្សនាវដ្ដី«ព្រះបន្ទូលរបស់ព្រះយេហូវ៉ា នោះរស់នៅ»ក្ដី គោលបំណងសំខាន់ចម្បង គឺដើម្បីជួយអ្នកស្ដាប់ឲ្យយល់នូវមូលហេតុដែលព័ត៌មាននេះមានតម្លៃ និងរបៀបដែលពួកគេអាចអនុវត្តតាមព័ត៌មាននោះបាន។ អ្នកថ្លែងមិនគួរនិយាយឲ្យលើសបួននាទីដែលបានកំណត់សម្រាប់ផ្នែកដំបូងទេ។ គាត់ត្រូវទុក៦នាទីដើម្បីឲ្យអ្នកស្ដាប់បានរួមចំណែក។ អ្នកថ្លែងនឹងអញ្ជើញអ្នកស្ដាប់ឲ្យចូលរួមឆ្លើយយ៉ាងខ្លី ត្រឹម៣០វិនាទីឬខ្លីជាង នូវចំណុចខ្លះៗដែលបងប្អូនបានចាប់អារម្មណ៍និងទទួលប្រយោជន៍ពីអំណានគម្ពីរសប្ដាហ៍នោះ។ បន្ទាប់មក អ្នកត្រួតពិនិត្យសាលានឹងឲ្យសិស្សចេញទៅសាលផ្សេងរៀងៗខ្លួន។

សុន្ទរកថាទី១ : ៤នាទីឬខ្លីជាង។ បងប្អូនប្រុសៗត្រូវអាន។ សិស្សនេះត្រូវអានអំណានដែលបានកំណត់ឲ្យដោយគ្មានពាក្យផ្ដើមឬពាក្យបញ្ចប់។ អ្នកត្រួតពិនិត្យសាលាត្រូវជួយសិស្សរៀនអានឲ្យស្រួលយល់ន័យ ស្ទាត់ អានសង្កត់សំឡេងឲ្យយល់អត្ថន័យ ចេះឡើងចុះសំឡេង ផ្អាកនៅកន្លែងត្រឹមត្រូវ និងអានឲ្យមានបែបបទជាការសន្ទនា។

សុន្ទរកថាទី២ : ៥នាទី។ សុន្ទរកថានេះនឹងត្រូវជូនបងប្អូនស្រីៗ។ សិស្សដែលទទួលសុន្ទរកថានេះនឹងជ្រើសរើសលំដាប់រៀបចំមួយ។ សិស្សត្រូវប្រើប្រធានដែលបានជូន ឬប្រសិនបើមិនមានប្រធានទេ នោះសិស្សអាចជ្រើសរើសប្រធានដែលសមស្របនឹងប្រភពព័ត៌មានដែលបានផ្ដល់ឲ្យ។ លំដាប់រៀបចំសុន្ទរកថារបស់សិស្សគួរទាក់ទងនឹងកិច្ចផ្សព្វផ្សាយ ហើយមានប្រយោជន៍ក្នុងតំបន់ផ្សាយដែលបង្ហាញពីទិដ្ឋភាពពិតៗ។ ពេលសុន្ទរកថាមិនមានប្រភពព័ត៌មាន នោះសិស្សត្រូវស្រាវជ្រាវរកព័ត៌មានដោយខ្លួនឯងសម្រាប់សុន្ទរកថានោះ ដោយមើលក្នុងសៀវភៅផ្សេងៗរបស់អង្គការយើង។ អ្នកត្រួតពិនិត្យសាលានិងខំស្វែងយល់ពីរបៀបដែលសិស្សនោះពន្យល់ព័ត៌មាន និងរបៀបដែលគាត់យកបទគម្ពីរមកវែកញែកដើម្បីជួយម្ចាស់ផ្ទះឲ្យយល់ពីមូលហេតុ និងចំណុចសំខាន់ៗ។ អ្នកត្រួតពិនិត្យសាលានឹងកំណត់អ្នកណាជាអ្នកជំនួយរបស់សិស្ស។

សុន្ទរកថាទី៣ : ៥នាទី។ សុន្ទរកថានេះអាចជូនបងប្រុសឬបងស្រីក៏បាន។ សិស្សត្រូវពន្យល់តាមប្រធានដែលបានជូនឲ្យ ឬបើសុន្ទរកថាមិនមានប្រធាន នោះសិស្សអាចជ្រើសរើសប្រធានដែលសមនឹងប្រភពព័ត៌មានដែលបានជូន។ ពេលសុន្ទរកថាមិនប្រាប់ប្រភពព័ត៌មាន នោះសិស្សត្រូវស្រាវជ្រាវរកព័ត៌មានដោយខ្លួនឯងសម្រាប់សុន្ទរកថានោះ ដោយមើលក្នុងសៀវភៅផ្សេងៗរបស់អង្គការយើង។ ពេលបងប្អូនប្រុសៗទទួលសុន្ទរកថានេះ គាត់អាចថ្លែងដោយគិតដល់ប្រយោជន៍បងប្អូនក្នុងសាលប្រជុំតែម្ដង។ ពេលបងប្អូនស្រីៗទទួលសុន្ទរកថានេះ គាត់ត្រូវថ្លែងតាមលំនាំសម្រាប់សុន្ទរកថាទី២។ សូមកត់សម្គាល់ថា ប្រធាននៃសុន្ទរកថាដែលមានផ្កាយ ត្រូវជូនចំពោះតែបងប្អូនប្រុសៗប៉ុណ្ណោះ ប៉ុន្តែជាការល្អបើឲ្យអ្នកចាស់ទុំឬអ្នកងារជំនួយថ្លែង។

ឱវាទ : ១-២នាទី។ អ្នកត្រួតពិនិត្យសាលានឹងមិនជម្រាបប្រាប់ជាមុននូវលក្ខណៈនៃការនិយាយដែលអ្នកថ្លែងសុន្ទរកថាកំពុងតែហាត់នោះទេ។ ក្រោយសុន្ទរកថាទី១ ទី២និងទី៣ អ្នកត្រួតពិនិត្យសាលានឹងលើកឡើងលក្ខណៈដ៏ល្អដែលគួរឲ្យសរសើរស្តីអំពីរបៀបសិស្សថ្លែងសុន្ទរកថា ដោយពន្យល់ពីមូលហេតុដែលសុន្ទរកថានោះគឺមានប្រសិទ្ធភាព និងលើកបញ្ជាក់ពីកូនសៀវភៅវិធីបង្កើនសមត្ថភាពនិយាយនិងបង្រៀន។ ក្រោយចប់ប្រជុំឬនៅពេលផ្សេងទៀត អ្នកត្រួតពិនិត្យសាលាអាចជូនឱវាទតាមតម្រូវការរបស់សិស្សម្នាក់ៗដើម្បីជួយឲ្យសិស្សរីកចម្រើនទៀត។

កំណត់ពេល : សុន្ទរកថាទាំងអស់មិនត្រូវថ្លែងឲ្យលើសពេលកំណត់ទេ ហើយឱវាទរបស់អ្នកត្រួតពិនិត្យក៏មិនត្រូវលើសពេលដែរ។ ពេលដែលសុន្ទរកថាទី១ ទី២ ឬទី៣លើសម៉ោង អ្នកត្រួតពិនិត្យគួរបញ្ឈប់សុន្ទរកថានោះដោយរបៀបស្លូតបូត។ ស្តីអំពីបងប្អូនប្រុសៗដែលមានគោលសំខាន់ពីអំណានគម្ពីរ បើហួសពេលកំណត់គាត់ត្រូវទទួលឱវាទដោយផ្ទាល់។ បងប្អូនទាំងអស់គ្នាត្រូវយកចិត្តទុកដាក់មើលប្រវែងសុន្ទរកថាឲ្យបានត្រឹមត្រូវ។ កម្មវិធីទាំងមូលមានរយៈពេល៣០នាទី។

អ្នកជូនឱវាទរង : បើមានបងប្រុសម្នាក់ទៀតដែលមានសមត្ថភាពក្រៅពីអ្នកត្រួតពិនិត្យសាលា នោះក្រុមអ្នកចាស់ទុំអាចជ្រើសរើសគាត់ឲ្យធ្វើជាអ្នកជូនឱវាទរង។ ប្រសិនបើក្រុមជំនុំមានអ្នកចាស់ទុំច្រើននោះ រាល់ឆ្នាំអ្នកចាស់ទុំផ្សេងទៀតដែលមានសមត្ថភាព អាចបំពេញមុខងារនេះ។ ភារកិច្ចរបស់គាត់គឺ ត្រូវជូនឱវាទដោយផ្ទាល់បើចាំបាច់ ចំពោះបងប្អូនប្រុសៗណាដែលមានគោលសំខាន់ពីអំណានគម្ពីរ។ អ្នកជូនឱវាទរងនេះមិនចាំបាច់ជូនឱវាទដល់អ្នកចាស់ទុំនិងអ្នកងារជំនួយជារៀងរាល់ដងដែលពួកគាត់ថ្លែងសុន្ទរកថាឡើយ។

លំហាត់សាឡើងវិញដោយសំណួរនិងចម្លើយ : ២០នាទី។ ពីរខែម្ដង អ្នកត្រួតពិនិត្យសាលានឹងធ្វើការសើរើឡើងវិញដោយសំណួរនិងចម្លើយ។ ការរៀនសាឡើងវិញនេះនឹងធ្វើឡើងក្រោយពីបានលើកគោលសំខាន់ៗពីអំណានគម្ពីររួចហើយ ដូចដែលបានពន្យល់ខាងលើ។ ការរៀនសាឡើងវិញនេះនឹងមានមូលដ្ឋានលើព័ត៌មានដែលបានត្រូវពិគ្រោះក្នុងកម្មវិធីសាលាក្នុងអំឡុងពេលពីរខែកន្លងទៅ រួមទាំងសប្ដាហ៍ដែលរៀនសាឡើងវិញនោះដែរ។ បើក្រុមជំនុំរបស់អ្នកមានសន្និបាតប្រចាំមណ្ឌល ឬមានទស្សនកិច្ចរបស់អ្នកត្រួតពិនិត្យមណ្ឌលនៅសប្ដាហ៍ដែលត្រូវមានលំហាត់សាឡើងវិញ លំហាត់សាឡើងវិញ គួរធ្វើនៅសប្ដាហ៍បន្ទាប់ពីនោះ។ ប៉ុន្តែសុន្ទរកថាទី១ ទី២ និងទី៣ គួរប្ដូរទៅសប្ដាហ៍ដែលមានសន្និបាតប្រចាំមណ្ឌល ឬទស្សនកិច្ចរបស់អ្នកត្រួតពិនិត្យមណ្ឌលវិញ។ មិនគួរផ្លាស់ប្ដូរកម្មវិធីដែលបានកំណត់ពីអំណានគម្ពីរ ឬគោលសំខាន់ពីអំណាននោះឡើយ។

កម្មវិធី

ថ្ងៃទី៥ ខែមករា អំណានគម្ពីរ : លោកុប្បត្តិ ១-៥

ទី១ : លោកុប្បត្តិ ៣:១-១៥

ទី២ : (my រឿងទី១)

ទី៣ : តើកិច្ចការអ្វីដែលមិនមែនឥតប្រយោជន៍? (១កូ. ១៥:៥៨)

ថ្ងៃទី១២ ខែមករា អំណានគម្ពីរ : លោកុប្បត្តិ ៦-១០

ទី១ : លោកុប្បត្តិ ៩:១-១៧

ទី២ : តើនេះជាបំណងព្រះទេដែលឲ្យមនុស្សឈឺចាប់នោះ? (bh ទំព័រ៣-៧)

ទី៣ : តើព្រះរៀបចំផែនដីយ៉ាងណាដើម្បីជាកន្លែងគួរឲ្យចង់រស់នៅ? (my រឿងទី២)

ថ្ងៃទី១៩ ខែមករា អំណានគម្ពីរ : លោកុប្បត្តិ ១១-១៦

ទី១ : លោកុប្បត្តិ ១៤:១-១៦

ទី២ : ដោយសារព្រះបានបង្កើតមនុស្ស តើទ្រង់មានគោលបំណងអ្វីសម្រាប់ពួកគេ? (my រឿងទី៣)