កម្មវិធីប្រជុំអប់រំកិច្ចបម្រើ
សប្ដាហ៍ចាប់ផ្ដើមថ្ងៃទី១៣ ខែតុលា
ចម្រៀងលេខ៧៧
១០ នាទី : សេចក្ដីជូនដំណឹងតាមតំបន់។ សូមពន្យល់ពីការចែកចាយនូវខិត្តប័ណ្ណពិសេសដែលនឹងចាប់ផ្ដើមនៅថ្ងៃទី២០ ខែតុលា ហើយសូមលើកទឹកចិត្តទាំងអស់គ្នាឲ្យទៅយកខិត្តប័ណ្ណមួយចំនួន ប្រសិនបើមិនទាន់បានយកទេ។ សូមពន្យល់យ៉ាងខ្លីពីពាក្យផ្សាយគំរូស្តីពីទស្សនាវដ្ដីប៉មយាម ថ្ងៃទី១ ខែតុលា ទំព័រ១០។ អញ្ជើញអ្នកផ្សាយឲ្យប្រាប់ពីបទពិសោធន៍ តាំងពីពេលពួកគាត់ផ្ដល់ទស្សនាវដ្ដីនេះអស់រយៈបីបួនសប្ដាហ៍មកហើយ។
៣៥ នាទី : «ការរៀបចំថ្មីសម្រាប់កិច្ចប្រជុំក្រុមជំនុំ»។a បើមានពេលគ្រប់គ្រាន់ សូមបើកអានខគម្ពីរនិងអញ្ជើញអ្នកស្ដាប់ឲ្យលើកឡើងខគម្ពីរក្នុងចម្លើយ។
ចម្រៀងលេខ៦៦
សប្ដាហ៍ចាប់ផ្ដើមថ្ងៃទី២០ ខែតុលា
ចម្រៀងលេខ៤៨
៥ នាទី : សេចក្ដីជូនដំណឹងតាមតំបន់។ សូមជ្រើសរើសសេចក្ដីជូនដំណឹងពីកិច្ចបម្រើព្រះ។
១០ នាទី : សេចក្ដីត្រូវការតាមតំបន់។
៣០ នាទី : «ការសិក្សាគម្ពីរដោយខ្លួនឯងនិងជាក្រុមគ្រួសារ គឺសំខាន់ណាស់!»។b បើមានពេលគ្រប់គ្រាន់ សូមបើកអានខគម្ពីរនិងអញ្ជើញអ្នកស្ដាប់ឲ្យលើកឡើងខគម្ពីរក្នុងចម្លើយ។
ចម្រៀងលេខ៦៣
សប្ដាហ៍ចាប់ផ្ដើមថ្ងៃទី២៧ ខែតុលា
ចម្រៀងលេខ៧១
១០ នាទី : សេចក្ដីជូនដំណឹងតាមតំបន់។ សូមអានសេចក្ដីរាយការណ៍ពីគណនី ព្រមទាំងសំបុត្រដែលបញ្ជាក់ថាបានទទួលវិភាគទាន។ សូមធ្វើការពិគ្រោះជាសង្ខេបពីទស្សនាវដ្ដីប៉មយាមថ្ងៃទី១ ខែវិច្ឆិកា រួចអញ្ជើញអ្នកស្ដាប់ឲ្យរៀបរាប់អំពីចំណុចសំខាន់ខ្លះៗក្នុងអត្ថបទដែលពួកគាត់នឹងយកមកប្រើពេលទៅផ្សាយ។ សូមរៀបចំឲ្យមានការបង្ហាញពីរបៀបដែលអាចផ្ដល់ទស្សនាវដ្ដីនីមួយៗ ដោយប្រើយោបល់នៅទំព័រ១០ ឬពាក្យផ្សាយឯទៀតដែលធ្វើឲ្យមនុស្សក្នុងតំបន់ផ្សាយចាប់អារម្មណ៍។
២០ នាទី : រក្សាចិត្តអំណរក្នុងកិច្ចបម្រើផ្សាយ។ សុន្ទរកថាដែលលើកទឹកចិត្ត មានមូលដ្ឋានពីទស្សនាវដ្ដីប៉មយាមថ្ងៃទី១ ខែតុលា ឆ្នាំ២០០៥ ទំព័រ១៥-១៧ វគ្គ១១-១៧។ សូមសម្ភាសអ្នកផ្សាយម្នាក់ឬពីរនាក់ដែលបានបម្រើព្រះយេហូវ៉ាយ៉ាងស្មោះត្រង់យូរឆ្នាំមកហើយ។ តើពួកគាត់អាចរក្សាឲ្យមានចិត្តអំណរយ៉ាងដូចម្ដេច ទោះជាមនុស្សមិនបង្ហាញចំណាប់អារម្មណ៍?
១៥ នាទី : ការរក្សាការពារអត្តសញ្ញាណរបស់យើង ជាជនគ្រីស្ទាន។ សុន្ទរកថាដែលមានមូលដ្ឋានទៅលើទស្សនាវដ្ដីប៉មយាមថ្ងៃទី១ ខែឧសភា ឆ្នាំ២០០៥ ទំព័រ២៩-៣១ វគ្គ៧-១៤។ សូមជួយអ្នកស្ដាប់ឲ្យយល់ពីរបៀបដែលយើងអាចធ្វើឲ្យអត្តសញ្ញាណខ្លួនជាគ្រិស្តសាសនិកមានមូលដ្ឋានរឹងមាំ។
ចម្រៀងលេខ៦២
សប្ដាហ៍ចាប់ផ្ដើមថ្ងៃទី៣ ខែវិច្ឆិកា
ចម្រៀងលេខ៤៧
១០ នាទី : សេចក្ដីជូនដំណឹងតាមតំបន់។ រំលឹកអ្នកផ្សាយឲ្យដាក់សេចក្ដីរាយការណ៍សម្រាប់ខែតុលា។
២០ នាទី : កម្មវិធីសាលាកិច្ចបម្រើផ្សាយសម្រាប់ឆ្នាំ២០០៩។ ថ្លែងដោយអ្នកត្រួតពិនិត្យសាលា ជាការពិគ្រោះជាមួយអ្នកស្ដាប់ពីការផ្លាស់ប្ដូរថ្មីស្តីពីសាលានេះ សូមមើល«ការណែនាំ»នៅសន្លឹកបន្ថែមនៃកម្មវិធីសាលាកិច្ចបម្រើផ្សាយ។ ចូរផ្ចង់អារម្មណ៍ទៅលើការផ្លាស់ប្ដូរថ្មីដែលនឹងត្រូវរៀបចំឡើង។ ចូរលើកទឹកចិត្តទាំងអស់គ្នាឲ្យ រៀបចំនិងថ្លែងសុន្ទរកថារបស់ខ្លួនដោយចិត្តឧស្សាហ៍ ផ្ដល់ចម្លើយអំពីគោលសំខាន់ៗពីអំណានគម្ពីរ និងធ្វើតាមយោបល់ដែលបានផ្ដល់ឲ្យរៀងរាល់សប្ដាហ៍ពីកូនសៀវភៅវិធីបង្កើនសមត្ថភាពនិយាយនិងបង្រៀន។
១៥ នាទី : ចូរបង្កើនសមត្ថភាពខាងការបង្រៀន។ ដឹកនាំដោយអ្នកត្រួតពិនិត្យកិច្ចបម្រើ ឬអ្នកចាស់ទុំឯទៀតដែលមានពិសោធន៍ ហើយសូមពន្យល់យ៉ាងខ្លី និងលើកបញ្ជាក់អំពីកត្ដាសំខាន់ៗប្រាំយ៉ាងដែលបានកំណត់ទុកនៅទស្សនាវដ្ដីប៉មយាមថ្ងៃទី១ ខែមករា ឆ្នាំ២០០៨ ទំព័រ១៦-១៩ វគ្គ៥-១៨។ សូមសម្ភាសអ្នកផ្សាយម្នាក់ ឬពីរនាក់ដែលទទួលអារម្មណ៍ថាព័ត៌មាននេះ បានជួយពួកគាត់ឲ្យបង្កើនសមត្ថភាពខាងការបង្ហាត់បង្រៀនសិស្ស។
ចម្រៀងលេខ៣៤
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។