សេចក្ដីជូនដំណឹង
◼ ឧបករណ៍ផ្សាយសម្រាប់ខែមករា : តើព្រះគម្ពីរពិតជាបង្រៀនយ៉ាងណា? ប្រសិនបើម្ចាស់ផ្ទះមានសៀវភៅនេះហើយ សូមស្នើផ្ដល់សៀវភៅដែលមាន១៩២ទំព័របោះពុម្ពលើក្រដាសសាកពណ៌ ឬសៀវភៅមួយណាក៏បានដែលបានបោះពុម្ពមុនឆ្នាំ១៩៩២។ កុម្ភៈ : គន្លឹះនៃសុភមង្គលគ្រួសារ ឬព្រះគម្ពីរ បន្ទូលនៃព្រះឬពាក្យសំដីនៃមនុស្ស? មីនា : តើព្រះគម្ពីរពិតជាបង្រៀនយ៉ាងណា? សូមមានចិត្តខ្នះខ្នែងហើយសង្វាតព្យាយាមដើម្បីចាប់ផ្ដើមបង្រៀនគម្ពីរ។ មេសា : ទស្សនាវដ្ដីប៉មយាម។ សូមខំប្រឹងព្យាយាមត្រឡប់ទៅជួបមនុស្សថ្មីៗដែលចាប់អារម្មណ៍ហើយបានមកស្ដាប់សុន្ទរកថាពិសេស និងអស់អ្នកដែលមកចូលរួមបុណ្យរំលឹក តែមិនទាន់បានចូលរួមយ៉ាងសកម្មជាមួយនឹងក្រុមជំនុំ។ ការធ្វើដូច្នេះនឹងបើកឱកាសឲ្យយើងអាចចាប់ផ្ដើមបង្រៀនគម្ពីរនៅតាមផ្ទះដល់អស់អ្នកដែលមិនទាន់យល់ព្រមទទួលនៅឡើយ។
◼ ចាប់ផ្ដើមនៅសប្ដាហ៍ទី១ក្នុងខែមីនា សុន្ទរកថាសាធារណៈថ្មីសម្រាប់អ្នកត្រួតពិនិត្យមណ្ឌលមានចំណងជើងថា«ចូរបដិសេធការស្រមើស្រមៃរបស់ពិភពលោកនេះ ហើយស្វែងរករាជាណាចក្ររបស់ព្រះដែលមានពិតប្រាកដ»។
◼ ក្រុមជំនុំទាំងឡាយគួររៀបចំឲ្យបានល្អ ដើម្បីធ្វើពិធីបុណ្យរំលឹកឆ្នាំនេះ គឺនៅថ្ងៃព្រហស្បតិ៍ ទី៩ ខែមេសា បន្ទាប់ពីថ្ងៃលិច។ យកល្អឲ្យក្រុមជំនុំនីមួយៗធ្វើពិធីបុណ្យរំលឹកដោយឡែកៗពីគ្នា។ នៅតំបន់ណាដែលក្រុមជំនុំជាច្រើនប្រើសាលប្រជុំតែមួយ នោះប្រហែលជាក្រុមជំនុំមួយឬក្រុមជំនុំឯទៀតអាចប្រើកន្លែងផ្សេងទៀតនៅយប់នោះ។ ប្រសិនបើអាចធ្វើទៅបាន គួរមានយ៉ាងតិចបំផុត៤០នាទីចន្លោះកម្មវិធីក្រុមជំនុំទាំងពីរ ដើម្បីឲ្យទាំងអស់គ្នាអាចទទួលប្រយោជន៍យ៉ាងពេញលេញពីការសេពគប់បន្ទាប់ពីពិធីនោះចប់។