របៀបរស់នៅជាគ្រិស្តសាសនិក
ចូរប្រព្រឹត្តដូចយ៉ូសែបដោយរត់ចេញពីអំពើប្រាសចាកសីលធម៌
យ៉ូសែបទុកគំរូល្អឲ្យយើងបើយើងត្រូវល្បួងឲ្យប្រព្រឹត្តអំពើប្រាសចាកសីលធម៌ខាងផ្លូវភេទ។ រាល់ដងដែលប្រពន្ធរបស់ចៅហ្វាយគាត់ព្យាយាមទាក់ទាញចិត្តគាត់ឲ្យរួមដំណេកជាមួយនាង គាត់បដិសេធ។ (លោ. ៣៩:៧-១០) គាត់តបឆ្លើយថា៖ «ធ្វើដូចម្ដេចឲ្យខ្ញុំប្រព្រឹត្តការដែលអាក្រក់យ៉ាងធំនេះទៅបាន ធ្វើយ៉ាងនោះនឹងមានបាបនៅចំពោះព្រះផង?» នេះបង្ហាញថាគាត់បានគិតរួចទៅហើយ អំពីទស្សនៈរបស់ព្រះយេហូវ៉ាស្ដីអំពីភាពស្មោះត្រង់ក្នុងចំណងអាពាហ៍ពិពាហ៍។ ក្រោយមក ពេលដែលនាងចាប់ទាញសម្លៀកបំពាក់របស់គាត់ គាត់រត់ចេញពីទីនោះភ្លាម ជាជាងបង្អែបង្អង់ហើយឲ្យនាងមានឱកាសធ្វើឲ្យការតាំងចិត្តរបស់គាត់ចុះខ្សោយ។—លោ. ៣៩:១២; ១កូ. ៦:១៨
សូមទស្សនាវីដេអូចូររត់ចេញពីអំពើប្រាសចាកសីលធម៌ រួចមកឆ្លើយសំណួរដូចតទៅនេះ៖
តើជីនបានជួបស្ថានភាពអ្វី?
តើជីនបានសួរខ្លួននូវសំណួរអ្វីពេលមីខ្យូងសុំគាត់ឲ្យជួយធ្វើលំហាត់គណិតវិទ្យារបស់នាង?
តើការស្នើសុំរបស់មីខ្យូងមានឥទ្ធិពលយ៉ាងណាទៅលើជីន?
តើជីនបានធ្វើអ្វីដើម្បីទទួលជំនួយ?
តើជីនបានធ្វើអ្វីដើម្បីរត់ចេញពីអំពើប្រាសចាកសីលធម៌?
តើអ្នកបានទទួលមេរៀនអ្វីខ្លះពីវីដេអូនេះ?