Ndunge Yakudilonga

Ihi Iwatokala Kudyanga o Kudilonga?

Etwenyoso ki twala ni kithangana kyavulu phala kudilonga ubheka. Ihi itutena kubhanga phala kukatula mbote mu kithangana kitwala nakyu? Kyadyanga, kana kubhanga o ima ni lusolo. Mu kidi, eye wandakatula dingi mbote mu kudilonga ima yofele, maji ni mwanyu woso, muveji dya kudilonga ima yavulu ni lusolo.

Kayadi, sola ihi iwandadyanga kudilonga. (Efe. 5:15, 16) Tala o jindunge jiji:

• Tanga o Bibidya izuwa yoso. (Jisá. 1:2) Utena kukayela o kitangelu kya Bibidya kya kyonge kya kaxi ka semana.

• Pelepalala o Milongi ya Mulangidi ni kyonge kya kaxi ka semana. Disokejeke kyambote phala utene kubhana itambwijilu.—Jisá. 22:22.

• Se wala dingi ni tu ithangana, sota kutala ni kutanga o milongi ya ubhe, kala o madivulu, jividyu ni milongi yala mu sayte jw.org.

• Dilonge maka uwawabhela. Utena kutokwesa dingi yalungu ni kibhidi kiwamudibhana nakyu, mba phata yosoyoso nange iwala nayu, mba maka amukwa uwamesena kutendela kyambote. Phala kwijiya dingi tala o mbandu “Exercícios Bíblicos” mu Site jw.org.