Ihi Yamba o Bibidya Yalungu ni 6 Amazunda a Athu Afu ni Uhaxi wa COVID?

O kisangela kya Organização Mundial da Saúde (OMS) mu kizuwa kya 23 kya Kasambwadi ka 2022, kyambe kwila kwafu kyá 6.27 amazunda a athu ni uhaxi wa COVID-19. Maji mu kizuwa kya 5 kya Kasambwadi ka 2022, o kisangela kya Organização Mundial da Saúde kyazwelele kwila o athu ene mufwa ni uhaxi wa Covid avulu. Ene ambe kuma tunde kumuvu wa 2020 ni 2021, “o muxinda wa athu afu kikale ni uhaxi wa COVID-19 mba kana . . . kibhixila 14.9 amazunda.” O kwila o Bibidya izwela yalungu ni ima itena kutuluwalesa?

O Bibidya izwela yalungu ni mabhebhu

• Jezú wambe kwila kweji kala mabhebhu“ mba mauhaxi abhonzo,” mu kithangana a kixana “izuwa isukidilaku.—Luka 21:11, Nova Versão Internacional; 2 Timote 3:1.

O ima yazwela Jezú yamudikumbidila lelu. Phala kwijiya dingi tanga o milongi ni dyambu: “O que é o sinal dos “últimos dias” ou “fim dos tempos”?

O milongi ya Bibidya itukonda o malamba

• “O Nzambi mukwa kukonda o malamba a athu. . . u tukonda o malamba mu jiphaxi jetu joso.”—2 Kolindu 1:3, 4.

Avulu afundu muthu wakazola ene musanga o kiximbakatesu mu milongi ya Bibidya. Dilonge ni milongi ni dyambu “Como lidar com a dor—O que você pode fazer “ ni “A melhor ajuda para quem perdeu alguém.“

O Bibidya itulondekesa se nanyi utena kuzubha o maka oso

•  “O Utuminu wé wize. Vondadi yé a ibhange we mu ixi kala kyene mu ibhanga ku dyulu.”—Matesu 6:10.

Mu kithangana ni mbandu o “Utuminu wa Nzambi” wandabatula o maka “kà kala mukwa-bhata mu Jeluzaleme wila: Nga kata.” (Máluku 1:14, 15; Izaya 33:24) Tala o vidyu O Utuminu wa Nzambi Ihi? Phala kwijiya dingi yalungu ni utuminu yú wa dyulu ni ihi yandabhanga.

Twakwixana phala kwijiya dingi yalungu ni ihi yamba o Bibidya ni kwila o mwiji wé utena kukatula mbote mu milongi ya unjimu ni mu ikanenu isangulukisa.