O Ita mu Ucrânia Yamubhekela Nzala Kumundu Woso

Mu mbeji ya Kasambwadi mu kizuwa kya 19 ka 2022, o kibuka kya Conselho de Segurança das Nações Unidas adizwelesa ni 75 mayala afuma ndenge, ya ambe kuma “kumundu woso kwala nzala mukonda dya COVID-19, kuma kwamulunguluka, o ima yamubhonza kyavulu kumundu woso mukonda dya ita mu Ucrânia, sayi ididi o nzala yamudibandekesa.” Mukusuluka, o mukwetu wadilongo o uhete wa kubhongolola o jimbongo (economista) wambe kuma o “ita itena kubhekela nzala kumundu woso.” O Bibidya yakanena kwila kwejikala nzala yavulu mu izuwa yetu, ni kwila yene we itukwatekesa kwijiya kyebhi kitutena kudibhana ni maka enya.

O Bibidya yakanena kwila kwejikala nzala

•  Jezú wakanena kwila: “Akwa ixi imoxi, anda bhânga mu ita, ni akwa ixi ya mukwá, kwanda kala nzala.”—Matesu 24:7.

•  O divulu dya Dijingunwinu dijimbulula yalungu ni mayala awana amondala mujikabalu. O mujikabalu jiji, umoxi ulombolola ita. O kabalu kamukwa kamumukayela kalombolola nzala, kiki o kithangana kyejibhonza kukala ni kudya ni kwila o kudya kwejita kitadi kyavulu. “Anga ngimona kabalu kaxikatela. O yó wa sambela-ku wakexile ni pezu bhu lukwaku. Anga ngivwa kala dízwi . . . Dyene dyambe, ‘Kilu imoxi ya tiliku yejita o kitadi kyoso kyafuta kumukalakadi mukizuwa kyamuvimba! Kilu jitatu ja sevada yejita we o kitadi kyoso kyafuta kumukalakadi mukizuwa kyamuvimba.’”— Dijingunwinu 6:5, 6, Nova Versão Internacional.

O polofesiya yiyi ya Bibidya yamudikumbidila lelu o thembu a ixana “izuwa isukidilaku.” (2 Timote 3:1) Phala kwijiya dingi yalungu ni “izuwa isukidilaku” ni mayala awana amondala kujikabalu atumbula mudivulu dya Dijingunwinu, tala o vidyu ni dyambu: O mundo mudou desde 1914 ni kutanga o milongi ni dyambu “A Nanhi o Kiuana Kia Mala a Mondala ku Jikabalu?”

O Bibidya itena kutukwatekesa kyebhi?

•  O Bibidya itubhana itendelesu yambote itena kutukwateksa kudibhana ni ibhidi imoneka, kala o kukamba o kudya ni kukamba o kitadi phala kusumba o kudya. Mukifika tala o milongi i utena kutanga “Como viver com menos dinheiro?”

•  O Bibidya itubhana kidyelelu kya kwila o ima yandalunguluka. O kikanenu kiki kyalungu ni kithangana kyambe o Bibidya kwila “mu ngongo mu kale nzungule ya masa” ni kwila oso andakala ni kudya kwavulu. (Jisálamu 72:16) Phala kwijiya dingi yalungu ni kidyelelu kya Bibidya yalungu ni hádya ni mukonda dyahi eye utena kudyelela mu maka enya, tanga o milongi ni dyambu: “Você pode acreditar num futuro melhor.”