Katula Mbote ku Sata ya Jezú
Lumoxi ku muvu, o Jimbangi ja Jihova ni jimidi ni jimidi ja asonyi ku mundu woso, andadyongeka phala kulembalala o kufwa kwa Jezú, kala kyatutumu mwene. (Luka 22:19) O kyônge kiki kitukwatekesa kutendela o valolo ya yoso yabhange Jezú, wabhana o mwenyu wê phala kukula o athu mu ngongo. Kilondekesa we kyebhi o sata yê itukwatekesa kikale kindala kikale kuhadya.—Nzwá 3:16.
Kikale se muvu yú wandakala mu kyônge kiki kya Lembalasa mba kana, kyebhi o kufwa kwa Jezú kutena kukubhekela mbote? Jezú walongo kwila twatokala kubhanga ima iyadi:
1. Kudilonga yalungu ni Nzambi ni Jezú. Jezú kyoso kyazwela ni Tat’e wene mu dyulu, mwene wambe kiki: “Kiki kilombolola mwenyu wakalelaku: Kwila athu akwijiye eye u Nzambi yakidi imoxi-élele, ni kwijiya we Jezú Kidistu, yó wa mutumikisa eye.”—Nzwá 17:3.
2. Enda kala ki wamudilonga. Jezú walongo kwila twatokala kubelesela o ilongesu yê. Mu kifika, kudisukilu dya Diskulusu dyabhange ku Mulundu, mwene waximana yó “wívwa o maka [mê], ni kwa kumbidila.” (Luka 6:46-48) Kyene we kimoxi, mu kizuwa kyengi, Jezú wambe kiki: “Kindala mwejiya kyá o ima yiyi, maji mwanda zediwa se mu ikumbidila.”—Nzwá 13:17.
Wamesena kudilonga dingi yalungu ni Nzambi ni Jezú? Wandala jindunge jalungu ni kyebhi ki utena kubelesela o ima iwamudilonga? Tala kulwiji o ima itena kukukwatekesa.
Kudilonga o Bibidya
Twene mukwatekesa athu avulu kwijiya o Bibidya ni kubelesela o milongi yê ku mwenyu wâ.
Phala kwijiya dingi yalungu ni kyebhi ki utena kudilonga o Bibidya, ndé kumbandu Kudilonga o Bibidya ni Kikwatekesu Kya Muthu.
Tala o vidyu Katula Mbote mu Kudilonga o Bibidya phala kumona kyebhi kikala o kudilonga o Bibidya ni Jimbangi ja Jihova.
Yônge ya Jimbangi ja Jihova
O Jimbangi ja Jihova adyongeka luyadi ku semana mu jinzo ja ubhezelu ajixana Kididi kya Ubhezelu. Mu yônge yiyi, twene mudilonga o Bibidya ni kwijiya kyebhi ki tu ikumbidila ku mwenyu wetu.
Mu yônge yiyi athu oso atena kubokona; phala kubokona, eye kubhingi kukala Mbangi ya Jihova. Mukonda dya dyembu mu watungu, eye utena kusola kuya ku Kididi kya Ubhezelu mba kukala kubhata ni kwivwa o kyônge bhu kaxi ka vidyokonferensya.
Tala o vidyu Ihi Yene Mu Bhanga Bhu Kididi Kya Ubhezelu? phala kwijiya bhofelele ihi iwanda kwivwa ni kumona mu yônge yetu.
Phala kwijiya kwoso kwene mubhita o yônge mu dyembu dyé, ndé kumbandu Yônge ya Jimbangi ja Jihova.
Madivulu ni jividyu mu internete
Jimbandu javulu ni jividyu mu saite yiyi jitena kukukwatekesa kwijiya dingi o ilongesu ya Jezú ni valolo ya kufwa kwê.
Mu kifika, phala kwijiya kyebhi o kufwa kwa muthu umoxi kutena kubheka mbote ku jimidi ni jimidi ja athu, tanga o jimbandu “Ihi Ilombolola o Izwelu, Jezú Ubhulula?” ni “Mukonda Diahi Jezú ua Tale Hadi iu Uafu?” mba tala o vidyu Mukonda Diahi Jezú Uafu?