Nguvulu Webhi u Wanda Sola?—Ihi izwela o Bibidya?

Kwakambe ngó tusemana kupholo, mu jixi javulu kumundu woso, kwanda bhita o kithangana kya kusola o mwendexi wa ixi. Athu avulu amusota kwijiya se mwendexi webhi anda sola.

Ihi ilondekesa o Bibidya?

O athu kala ni kutena kwa kubhanga yoso yamesena

O Bibidya ilondekesa kwila o jinguvulu katena kubhanga yoso yamesena.

• “Kana kudyelela jingana mu ngongo, mba mon’a muthu walembwa kubhandulula, kuma ku mon’a muthu kana-ku kubhuluka kwa kima. Mukonda an’athu kubhwima kwâ kúbhwa, ene anga a vutuka ku mavu; mu kizuwa kyenyókio, o ilunji yé yoso ya di boto.”—Jisálamu 146:3, 4.

Né mwene se o muthu mwendexi wambote, sayi kizuwa wanda fwa. Mukiki, mwene katena kubhanga kima phala kwila o mwendexi u mubhingana mu unguvulu usuluka mukubhanga o ima yambote yakexile mubhanga mwene.—Ndongixi 2:18, 19.

Mu kidi, o Bibidya ilondekesa kwila o athu ka abhange phala kuditumina.

• Njila yenda o muthu ki yene bhu lukwaku lwa muthu-mwène.”—Jelemiya 10:23.

O kwila mu izuwa yetu, sayi mwendexi utena kutumina ni kuyuka kwoso?

Mwendexi amusolo kwala Nzambi

O Bibidya ilondekesa kwila Jihova wasolo muthu wala ni kutena kwa kutumina ni kuyuka kwoso: Jezú Kidistu. (Jisálamu 2:6) Jezú mwene o sobha ya Utuminu wa Nzambi, o nguvulu wa mutumina tunde ku dyulu.—Matesu 6:10

O kwila wanda sola kuxikina Jezú kala Sobha? O Bibidya ilondekesa o valolo ya dikota ya kusola kubhanga kiki:

• “Bhombenu mona, ki mu kinge kya thathamana; kuma hinu mu diwana ku muya, njinda yê ki i wama kala túbhya. Enyóphe a zediwa oso a dyelela kwa Mwene.”—Jisálamu 2:12.

Kindala kyene o kithangana phala kusola. O kikanenu kya Bibidya kilondekesa kwila Jezú wamateka kutumina kala sobha tunde kumuvu wa 1914, ni kwila kwakambe ngó o Utuminu wa Nzambi wa kabhingana o jinguvulu joso.—Daniyele 2:44.

Phala kwijiya dingi se kyebhi ki utena kukwatekesa Jezú kala sobha tanga o milongi ni dyambu “Sola Kukwatekesa o Utuminu wa Nzambi Kindala!”