Jimbangi ja Jihova ni Mavuwa—Ihi Izwela o Bibidya?

Mu kizuwa kya 27 ya Katatu ka 2023, athu avulu Andalembalala o Kizuwa kya Mavuwa mba Ujibhanganga, kizuwa kiki ene mukilembalala ku mundu woso. O ujibhangana wabhiti 75 amivu kudima, nange utena kukubhangesa kudibhwidisa se mukonda dyahi Nzambi kabhange kima phala kufidisa o usweya wenyo phala ki ubhite.

• Phala kwijiya ihi izwela o Bibidya, tanga o milongi “Mukonda Dyahi Kwabhite Mavuwa? Mukonda Dyahi Nzambi ka Fidisa o Mavuwa Phala Kabhite?”

O Jijude atale hadi yavulu. Ni vondadi yoso a jibhaku jimidi ni jimidi ja Jijude. Athu akamukwa a azukutisa we, ya a ajibha mu kithangana kyenyokyo kya Ujibhanganga. Amoxi exile Jimbangi ja Jihova, a azukutisa mukonda dya kuxikana mu Bibidya.

• Phala kwijiya dingi, tanga o milongi “O que aconteceu com as Testemunhas de Jeová durante o Holocausto?”

“Dizubhilu di mwene mu kinga”

Athu avulu ala ni woma wa kwila o ujibhanganga wenyó utena dingi kubhita. Twazediwa mukonda o Bibidya itanga kwila, ku hadya kikwanda kala dingi ujibhanganga.

• “Kuma ixinganeku yoso i ngala ku mi xinganeka na-yu, nga ijiya kyambote mwene, eme ngi Jihova, ixinganeku ia wembu, ki ya phulu, kana, nda ngi mi bhane dizubhilu di mwene ku kinga.”—Jelemiya 29:11.a

O kidyelelu kiki, kyanda dikumbidila kyoso Jihova Nzambi kyandazubha o kuwibha ni hadi yoso yene mu ngongo. Kwakambe ngo mwene kakithangana:

• Wanda bwika akwa phulu ene mubhanga kyaibha ku akwa.—Jisabhu 2:22.

• Wanda saka oso yó ene mutala hadi.—Dijingunwinu 21:4.

• Wanda fukununa oso yó afu.—Nzwá 5:28, 29.

Eye utena kudyelela ku ikanenu itubhana o Bibidya. Phala kwijiya se mukonda dyahi utena kudyelela, twakubhingi kwila udilonge o Bibidya n’etu, kikubhingi kufuta kitadi.