O Jingijiye Abhange o Dikumbi Dya Kufundisa Phala Kuzukamesa Dingi o Dizubhilu—Ihi Izwela o Bibidya?

Mu kizuwa kya 24 ya mbeji ya Katatu ka 2023, o jingijiye abhangesa o dikumbi dya kufundisa kuzukama dingi mu kaxi ka usukua kiki kilombolola o dizubhilu dya mundu.

“O ‘Dikumbi dya Kufundisa’ dilombolola o ibhidi yanda tala o athu, kiki kyabhixila dingi mu kaxi ka usuku kya telesa mukonda dya ita mu ixi ya Ucrania, o kudikusa kwa jingulu ni kubhanga kalolo kavulu.”—AFP International Text Wire.
“Kya telesa o jingijiye azwela kwila o ‘Dikumbi dya Kufundisa’ adibhangesa kukala 90 a twithangana kupholo ande dya kaxi ka usuku—kifwa o kithangana kiki o athu abeta dingi kota mu kuzukama kwa alumajedone.”—ABC News.
“O kibuka kya jingijiye adimukisa kwila o dizubhilu dya athu oso kumundu dyazukama dingi mukulu ndenge.”—The Guardian.

O kwila o dizubhilu dya athu oso ni ixi yetu dyazukama mwene? O kwila twatokala kukala ni woma wa ima yanda bhita ku hadya? Ihi Izwela o Bibidya?

Ihi itutena kukingila kwila ibhite ku hadya

O Bibidya yamba kwila, “o ixi ya kalé, kyene ki yene kyene” ni kwila kwanda kala athu anda tunga mu ixi “o thembu yâ ki ibhu.” (Ndongixi 1:4; Jisálamu 37:29) Kyenyiki o athu kanda bwika o ixi kanda tena kubhangesa kwila mu ixi ki kukale mwenyu.

Maji, o Bibidya izwela yalungu ni dizubhilu dimoxi. Mu kifika, o Bibidya yamba kwila “o mundu wamubhita.”—1 Nzwá 2:17.

Phala kwijiya se ihi ilombolola o Bibidya mu kuzwela yalungu ni dizubhilu dya mundu, tanga o milongi ni dyambu “Será que o fim do mundo está chegando? O que é o Apocalipse?”
Phala kwijijya dingi yalungu ni kithangana kyeji bhita o ima ku mundu tanga o milongi ni dyambu, “Quando vai ser o fim do mundo?”

Tala o ima mu ukexilu watokala

O Bibidya itena kutukwatekesa kusanguluka sumbala ni ibhidi ku mundu. Kyebhi?

O Bibidya itubhana itendelesu itukwatekesa kizuwa ni kizuwa. (2 Timote 3:16, 17) Mu kifika, tanga o milongi ni dyambu “Como controlar as preocupações” phala kumona se kyebhi o Bibidya itena ku kukwatekesa kusanguluka ne mwene ni ibhidi ku mwenyu.
O Bibidya itubhana kidyelelu kyakidi kyalungu ni hadya. (Loma 15:4) Yene itutangela se ihi itutena kukingila kwila ibhite lelu ni ku hadya, kiki kitukwatekesa kusuluka ni kidyelelu ne mwene ni kumona o ima ibhita ku mundu.

Phala kutatula mbote mu milongi ya Bibidya, ni henda yoso twa mu kwixana phala kufikisa kudilonga o Bibidya netu.

a “O dikumbi dya dizubhilu adibhange phala kulondekesa ku athu oso kwila twazukama dingi kudizubhilu dya mundu mukonda dya ima ibhanga o jingijiya ituta mu kilwezu. O kifika kiki kitulembalesa o ibhidi itwanda dibhana nayu phala kubhuluka kumundu.”—Bulletin of the Atomic Scientists.