Mukonda Dyahi o Kudizemba Kwavulu mu Ngongo?—Ihi Izwela o Bibidya?

Lelu twene mu kwivwa lwavulu athu kudixinga, kudibhanga kyaibha mukonda dya unguma ni kathombo, twene we mu kwivwa ita yavulu.

“Mukonda dya ita yamubhita mu ixi ya Izalayele ni Gaza, ni mukonda we dya yó ene muswinisa o unguma, lelu o athu mu internete amuzwela kyavulu yalungu ni kudizemba m’ukulu ndenge.”—The New York Times, 15 ya Kamoxi ka, 2023.
“Tunde o kizuwa kya 7 ya mbeji ya Kamusasadi, o kudizemba, ni madiskulusu aswinisa o athu kudizemba, ni usweya mukonda dya kudizemba, kwa mudibhandekesa kyavulu ku mundu woso.”—Dennis Francis, mwendexi wa Assembleia Geral das Nações Unidas 3 kya Kamoxi ka, 2023.

O madiskulusu aswinisa o athu kudizemba, ni usweya, ni ita itwene mu mona lelu, ki yamateka ngó kubhita mu izuwa yetu kana. Mu kidi o Bibidya izwela yalungu ni athu m’ukulu athu “dimi dyâ a di [zwikile] kala xibhata” awabhelele kuluwa ita ni kubhanga usweya. (Jisálamu 64:3; 120:7; 140:1) Maji ne kiki o Bibidya ilondekesa kwila o kudizemba kutwamumona lelu kwala ni kilombolwelu kya dikota.

Mukonda dyahi o kudizemba kwavulu mu izuwa yetu?

O Bibidya izwela yalungu ni ima iyadi ilondekesa se mukonda dyahi o kwene kudizemba kwavulu lelu.

1. Yene yakanena o kithangana kyoso ’o henda ya athu avulu yeji zoza’ (Matesu 24:12) Muveji dya kulondekesa henda, o athu eji kala ni ukexilu ubhangesa o kudizemba kudibandekesa dingi.—2 Timote 3:1-5.
2. O kudizemba kwavulu lelu kulondekesa kwila Satanaji o Dyabhu mwene wamufunyisa o athu kukala ni ukexilu yu. O Bibidya izwela kwila “o ngongo yoso yala bhu maku a kadya-phemba.”—1 Nzwá 5:19; Dijingunwinu 12:9, 12.

Maji o Bibidya izwela we kwila, kwakambe ngó, Nzambi wanda zubha o kudizemba kwoso mu ngongo. Kikyene ngo kyanda bhanga Nzambi, mwene wanda zubha we o hadi yoso ijila mukonda dya kudizemba. O Bibidya yatange kiki:

“Nzambi wanda kondona o masoxi moso kumesu mâ, kikwanda kala dingi kufwa, né ngó mukôndo, né kudila, né ndolo. Mukonda o ima ya dyangele-ku, yabhiti kyá.”—Dijingunwinu 21:4.