O Kuila o Jikidistá a Tokala ku Sota Asaki?
O Bibidia i tambuijila
Kiene, a tokala. Jezú ua londekesa kuila o akaiedi’ê eji sota asaki, muéne uambe: “Oso a di sanza ka bhindamena kimbanda, kikale iá a kate.” (Matesu 9:12) Sumbala o Bibidia ki divulu dia milongo, maji iene iala ni itumu i tena ku kuatekesa oso ió a mesena ku sangulukisa Nzambi.
Dibhuidise
1. O kuila eme ngejiia kiambote o ukexilu iú ua ku saka? O Bibidia i tu tendelesa ku sota milongi ia kidi, ki tu tokala ku kala kála o kilalu “maka oso a zuela kuala athu, muene u a xikina.”—Jisabhu 14:15.
2. O kuila nga tokala ku sota dingi asaki a mukua n’a ngi tangela ihi ia banza ia lungu ni maka enhá. O Bibidia i zuela: “O nzungule ia jindongixi” i tena ku ku kuatekesa bhenge-bhenge se ua haxila kiavulu.—Jisabhu 15:22.
3. O kuila o ukexilu ua ku ngi saka, ki ua-nda ngi bhangesa ku kamba ku belesela o kijila kia Bibidia kia kuila ki tu tokala “kúdia . . . manhinga?”—Ikalakalu 15:20.
4. O kuila ku bhinga ku zambula mba ku saka ni uanga? O Bibidia i zuela kuila o “uanga,” kituxi bhu pholo ia Nzambi. (Ngalásia 5:19-21) Phala kuijiia se a mu zambula ni uanga mba kana, di bhuidise:
O kuila o musaki u saka o athu ni uanga?
O kuila o musaki u xikina kuila o jisandu jene ji bheka o uhaxi, mba o jinguma jene ji loua o athu?
O kuila o musaki u bhinga ji sata, u xingila, mba u bhanga ima iéngi ia uanga mu ku saka o athu?
5. O kuila nga lalama kiavulu ni uhaxi uami? O Bibidia i zuela: “Kalenu mu athu mua tetuluka, athu oso a m’ijiie na-kiu.” (Filipe 4:5) O ku kala u muthu ua tetuluka kua-nda ku kuatekesa ‘ku ta ku pholo o ima ia beta o kota,’ mu kifika, ku kala ni kithangana kia ku bheza Nzambi.—Filipe 1:10; Matesu 5:3.