O Kwila o Internete Yamubhekela Maka Kwa Mon’é?—⁠Kyebhi o Bibidya Itena Kukwatekesa o Jitata

“O minzangala akate mu kilunji, o ilunji yâ kiyale kyambote. Twatokwesa étu twa mono kwila o internete yene yabeta kota mukukatesa o minzangala.”—Dr. Vivek Murthy, musaki mukwa Estados Unidos, New York Times, 17 Kavwa ka 2024.

Kyebhi o jitata kyatena kulanga o twana ku ilwezu ya internete? O Bibidya ibhana milongi yambote.

Ihi yatokala kubhanga o jitata

Dilonge o itendelesu yiyi ibhana o Bibidya.

“Yó wa sunguluka-phe mba wadimuka, u zonga kyambote kyoso kyenda.”—Jisabhu 14:15.

Mukonda dya ilwezu yala mu internete, kana kubanza kwila mon’é kala ukala ni internete. Ande dya kwehela mon’é kukala mu internete, dyanga hanji kutonginina se mwene wanda belesela o itumu iwamubhana yalungu ni kithangana kyatokala ku ngastala mu internete ni kwila wanda kala ni makamba ambote, wanda dituna we kwivwa mba kutanga milongi yabolo.

• Phala kwijiya dingi, tanga o milongi “Devo deixar meu filho usar redes sociais?” ni “Ensine seu filho adolescente a usar as redes sociais com segurança.”

“[Mu bhanga] ima yambote ni kithangana.”—Efezu 5:16.

Se wehela mon’é kukala mu internete, mubhane itumu mba muxindile jimbambe janda mukwatekesa kwijiya kukalakala ni internete, mu jimbulwile se kyebhi o kubelesela o itumu iwanda mubhana, kwanda mulanga phala kadite ku ilwezu ya internete. Jikula o mesu, talesa kyebhi kyala o ukexilu wa mon’é, se u mona kwila kwale kyambote nange kwanda bhinga kumufidisa kukala mu internete.

• Tala o vidyu mu quadro yazele Aluka: Londekesa Unjimu mu Kusola Makamba mu Internete phala kukwatekesa mon’é kumona se mukonda dyahi twatokala kudilanga.

Dilonge Dingi

O Bibidya yamba kwila etu twala mu ‘ithangana yabhonzo kudibhana nayu.’ (2 Timote 3:1-5) O Bibidya itubhana we itendelesu itena kutukwatekesa kudibhana ni maka. Mu mbandu yiyi wanda sangamu 20 a jimbandu jatundu mu Bibidya, kifwa jimbandu janda kwatekesa o jitata ni twana na kale ni kilunji kyambote.