KUMATEKA KUZWELA NI MUTHU
DISÁ 3
Bhanga Mbote
Kitumu: “O mukwa henda . . . wa batama.” —1 Ko. 13:4.
Ihi Yabhange Jezú
1. Tala o VIDYU, mba tanga Nzwá 9:1-7. Mukusuluka xinganeka ku ibhwidisu yiyi:
Kyadyanga ihi yabhange Jezú? Wadyanga kusaka o kifofo inga wadyangela kumutudila o njimbu yambote?—Tanga Nzwá 9:35-38.
Mudyé, mukonda dyahi o diyala wakexile ni vondadi yakwivwa kyambote o njimbu yambote?
Kima Kyahi Kitulonga o Phangu ya Jezú
2. O muthu wandakala ni vondadi ya kutwivwa se mwene umona kwila twamusuwu.
Kayela Jezú
3. Mukwatele henda. Xinganeka kyebhi kyamudivwa o muthu.
Dibhwidise kiki: ‘Mwene nange wathandanganya ni ihi? Ihi yandabeta kumukwatekesa ni kumuwabhela?’ O kubhanga kiki, kyandakukwatekesa kubhanga mbote ni muxima woso.
Londekesa kwila wasuwu o muthu mukwivwa kyoso mwene kyamuzwela. Se mwene ukutangela kyebhi kyamudivwa, mba ukutangela maka amudibhana nau mwene, kana kusota kuzwela kima kyengi.
4. Zwela kyambote ni kuxila kwoso. Kyoso muthu ki umukwatela henda, anga umesena kumukwatekesa ni kidi kyoso, mwene wandatena kwijiya mu uzwelelu wé-eye. Dilange ni uzwelelu wé ni mbimbi yé. Kana kuzwela ima yandabhangesa o muthu kudivwa kyaibha.
5. Kwatekesa. Sota ithangana yatokala phala kukwatekesa o muthu mu ibhindamu yê. Kyoso kitubhanga mbote ku muthu, mwene wandajikula o muxima phala kuzwela n’etu.