O Kukamba Kudya ku Mundu Woso Mukonda Dya Ita, Nvula Mba Kalolo Kavulu—Ihi Izwela o Bibidya?

O ita mu ixi ya Ucrania, ni nvula mba kalolo kavulu, yene mufidisa o kudya kubhixila ku mundu woso. Bhenge-bhenge mu jixi jakatunda, o athu amu abhonza kyavulu phala kukala ni kudya kwasoko.

“O kudya ki kwene mu bhixila mu jixi javulu mukonda dya ita, nvula mba kalolo kavulu, mukonda we dya kwila o ima kala phéte ni ima yamukwa yate kalu kyavulu.”—António Guterres, seketa ya Nações Unidas, kizuwa kya 17 ya mbeji ya Kavwa, ka 2023.
“O ixi ya Russya ki yala dingi ni ujitu wa kukatula makudya mu ixi ya Ucrânia, o jingijiye amba kwila kiki kyanda bhangesa kukamba kudya ku mundu woso, kwandabhangesa we o kudya kukala kalu yavulu bhenge bhenge mu jixi ja kambe kitadi kala o jixi ku mbandu yaThunda ya Africa ni jixi ku Medio Oriente.”—Atalayar.com, kizuwa kya 23 yambeji ya Kavwa ka 2023.

Dilonge ihi izwela o Bibidya yalungu ni kukamba kudya ni kyebhi kyanda kala o ima kuhadya.

O Bibidya yakanena kwila kweji kala nzala ku mundu woso

Jezú wakanena: “Akwa ixi imoxi, anda bhânga mu ita, ni akwa ixi ya mukwá, kwanda kala nzala.”—Matesu 24:7.
O Bibidya mu divulu dya Dijingunwinu ditumbula mala awana amondala bhu jikabalu. Diyala dimoxi dilombolola ita. O diyala dya mukayela dilombolola nzala, mba dilombolola o kithangana kyoso kweji kamba kudya ni kwila o kudya eji kukusumbisa kalu yavulu. “Anga ngimona kabalu kaxikatela. O yó wa sambela-ku wakexile ni pezu bhu lukwaku. Anga ngivwa kala dízwi. . . dyamba ‘“kilu jitatu ja sevada mu denádyu dimoxi.’”—Dijingunwinu 6:5, 6.

O kikanenu kya Bibidya kya lungu ni kukamba kudya, kya mu dikumbidila mu izuwa yetu a itumbula mu Bibidya kala “izuwa isukidilaku.” (2Timote 3:1) Phala kudilonga dingi yalungu ni “izuwa isukidilaku” ni mala awana a mondala ku jikabalu kala kizwela o divulu dya Dijingunwinu, tala o vidyu O mundo mudou desde 1914 tanga we o milongi ni dyambu “A Nanhi o Kiuana Kia Mala a Mondala ku Jikabalu?”

Kyebhi o Bibidya itena ku kukwatekesa

Mu Bibidya mwala itendelesu yambote itena ku kwatekesa kudibhana ni ithangana yiyi yabhonzo, kate mwene mu maka alungu ni ima kuta kalu yavulu ni nzala. Tala ifika mu milongi ni dyambu “Como viver com menos dinheiro?”
O Bibidya itubhana we kidyelelu kya kwila o ima yanda kala kyambote. Yene ikanena o kithangana kyoso ‘Mu ngongo mwanda kala nzungule ya masa’ (Jisálamu 72:16) Phala kudilonga dingi yalungu ni kidyelelu kiki kyalungu ni hadya ni kumona se mukonda dyahi tutena ku ixikina, tanga o milongi ni dyambu “Você pode acreditar num futuro melhor.”