Чьлә

Бәрпьрсийаред мьһале тʹәхмин кьрьн, wәки гәләк рʹуспийарʹа лазьм ә епʹещә wәʹдә хәрщ кьн, сәва кӧ бьред щаһьл у әʹмьрда мәзьн һин кьн, wәки әwана али щьвате бькьн. Ле әw йәк дькарә гәләк чәтьн бә. Чьрʹа? Һәрге тӧ рʹуспи йи, тӧ зани wәки фәрз ә wәʹдә хәрщ ки сәва кӧ бьра һин ки. Тӧ зани, wәки гәләк бьра лазьм ьн кӧ али щьвата бькьн, сәва ԛәwи бьминьн у ӧса жи паше али щьватед тʹәзә бькьн (Иша. 60:22). Кʹьтеба Пироз дьбежә, кӧ тӧ гәрәке йед «дьн һин» ки. Ле дькарә чәтьн бә, wәки wәʹдә бьвини кӧ әwе йәке бьки. Чьмки тӧ гәрәке бьхәбьти у һʹәwщед малбәта хwә рʹази ки. Тӧ ӧса жи хәм дьки дәрһәԛа һʹәwщед щьвате у дәрһәԛа тьштед фәрзә дьн. Рʹаст ә гәләк тьшт һәйә wәки бькьн, ле әw йәк wе али һʹәму бьра бькә кӧ фәʹм бькьн, wәки wанрʹа лазьм ә һин бьн, сәва кӧ щьватеда һе зедә бькьн. Чахе гәләк бьред щерʹьбанди һәнә кӧ али щьвате бькьн, щьватеда һәр кәс wе кʹаре бьстинә. w15 1/4 1:2, 3

Чахе бьре тʹәзә щьватеда һе зедә щабдарийе дьстинә, әw гәрәке дьшьрмиш нәбә, кӧ тьштәки лап щурʹәки дьн бькә, демәк нә кӧ ча бәре дьһатә кьрьне. Мәʹна гӧһастьна әw һәйә йан һʹәwщәтийа щьвате йан жи рʹебәрийа жь тʹәшкиләта Йаһоwа. Бьра гәрәке гӧһастьна нәкә, сәва wе йәке чьмки әw ӧса дьхwазә. Һәрге тӧ бьре щабдар и, тӧ гәрәке бьди хәбате метода сәр һʹиме Кʹьтеба Пироз, чьмки ӧса тӧйе нишан ки ԛәдьр һьндава рʹуспийед щерʹьбанди, у хушк бьред тә жи wе итʹбарийа хwә тә биньн. Чахе тӧ һе зедә щерʹьбанди би, тӧйе бьди хәбате wан гӧһастьна, кʹижан кӧ wе али щьвате бькьн wәки пәй тʹәшкиләта Йаһоwа һәрʹьн, кӧ тʹьме пешда дьчә. Ахьрийеда, Йаһоwа дькарә али тә жи бькә, wәки тӧ жь һинкʹаре хwә зедәтьр шьхӧле гьринг бьки (Йуһʹн. 14:12). w15 1/4 2:17

Дьбәк дәрәща тә һаԛас чәтьн ә кӧ тӧ хwә мина Паwлос тʹәхмин дьки у лазьм ә wәки жь «дәве шер» хьлаз би (2 Тимтʹ. 4:17). Wәʹде wе чәтьнайе, гәләк фәрз ә wәки итʹбарийа хwә Йаһоwа бини. Мәсәлә, дьбәк тӧ мьԛати нәфәре хwәйи нәхwәш дьби. Тә Йаһоwарʹа дӧа кьрийә бона али тә бькә wәки сафикьрьна рʹаст бьки у ԛәwи би. Паши wе йәке, тӧ дьлрʹьһʹәтийе тʹәхмин дьки чахе зани кӧ Йаһоwа тә дьвинә у һʹале тә фәʹм дькә. У әw wе али тә бькә wәки сәбьр ки у амьн бьмини. Щара дьбәкә найе кʹьфше wәки Йаһоwа али тә дькә. Дьбәк тӧ у һʹәким тьштәкида һәврʹа нәрʹази нә. Йан гӧмана тә сәр кʹе йә кӧ wе бәр дьле тәда бен, дәwсе әwана шьхӧле тә һе хьраб дькьн. Тʹьме итʹьбарийа хwә Йаһоwа бинә, кӧ wе ԛәwате бьдә тә. Незики wи бә (1 Сам. 30:3, 6). Ахьрийе, чахе тӧ бьвини кӧ Йаһоwа ча али тә кьр, һәләԛәтийа тә wе тʹәви wи ԛәwи бә. w15 1/4 4:10, 11

Чаwа щьмәʹта Йаһоwа, әм хапийайи ниньн, кӧ Мире-щьн тʹӧнә йә. Әм заньн кӧ Мире-щьн кәсе реали йә. Ле әм жь кʹӧ заньн? Кʹьтеба Пироз мәрʹа гьли дькә, кӧ Шәйтʹан бь мәʹр тʹәви Һеwайе хәбәрда (Дәстп. 3:1-5). Әwи тʹәви Йаһоwа хәбәрдьда, дәрһәԛа Ибо (Ибо 1:9-12). Шәйтʹан дьхwәст wәки Иса бьщерʹьбинә (Мәт. 4:1-10). Чахе Иса сала 1914 бу Пʹадша, паши wе йәке Шәйтʹан дәстпекьр «шәрʹе хwә» тʹәви рʹункьрийед сәр әʹрде (Әʹйан. 12:17). Әw шәрʹ бәрдәwан дьбә, чьмки Мире-щьна дьхәбьтә wәки баwәрийа рʹункьрийа у «пәзед дьн» кʹӧта кә. Сәва әм дь ви шәрʹида сәркʹәвьн, гәрәке әм мьԛабьли Шәйтʹан һәрʹьн у тʹьме баwәрийа хwә ԛәwи хwәй кьн. Шәйтʹан гәләк ԛӧрʹә у бабах ә. Әw һәла һе нәтьрсийа жи бькә бьн шьке изьна Хwәде кӧ сәрwертийе бькә. У әw дьхәбьти кӧ ӧса бькә wәки йед дьн wи бьһʹәбиньн дәwса Йаһоwа. Ләма жи Шәйтʹан мәсәла мәзьн ә ԛӧрʹәбун у бабахбунеда. Чахе әм хwә жь бабахийе у ԛӧрʹәбуне дур дьгьрьн у шкәсти нә, бь wи щурʹәйи әм мьԛабьли Шәйтʹан дәрдькʹәвьн (1 Пәт. 5:5.). w15 1/5 2:3, 4

Йаһоwа мәрʹа ахьрийа баш соз дайә. Чахе әм дьшьрмиш дьбьн дәрһәԛа wе ахьрийе, әм хwә бәхтәwар тʹәхмин дькьн у мерхасийе дьстиньн, чь кӧ мәрʹа лазьм ә wәки бәрдәwан кьн Хwәдерʹа ԛӧльх кьн. Тӧ дькари бьди бәр чʹәʹве хwә кӧ әʹмьре тә wе чь щурʹәйи бә чахе созед Йаһоwа бенә сери, фьрԛи тʹӧнә сәр әʹзмана бьжийи йан сәр әʹрде. Һәрге тӧ һивийа жийина һʹәта-һʹәтайе йи сәр әрде, бьдә бәр чʹәʹве хwә кӧ чаwа тӧ тʹәви һәвалед хwә әʹрде дьки щьнәт. У әwед кӧ рʹебәрийе wи шьхӧли дькьн бона тә хәм дькьн. Чаwа тӧ Йаһоwа һʹьз дьки, ӧса жи һәр кәсе дәр доре тә. Сьһʹәт-ԛәwата тә һәйә, ӧса жи дәрһәԛа тʹӧ тьшти хәм наки. Тӧ бәхтәwар и, чьмки тӧ дькари талант у фәрәсәтед хwә хәрщ ки бона аликʹарийе бьди йед майин у Йаһоwа рʹумәт ки. Йан жи тӧ али мәрьвед кӧ сах бунә дьки, wәки Йаһоwа нас кьн (Йуһʹн. 17:3; Кʹар. Шанд. 24:15). Чахе тӧ wан тьшта дьди бәр чʹәʹве хwә, бьзаньбә әw чʹирок ниньн. Әw һʹәму тьшт wе бенә сери, чьмки Хәбәра Хwәде ӧса дьбежә дәрһәԛа ахьрийе (Иша. 11:9; 33:24; 35:5-7; 65:22). w15 1/5 3:15

Иса бь кʹәрәмәт ав кьрә шәрава баш, кʹижан кӧ тʹера гәләк мәрьва кьр (Йуһʹн. 2:6). Бәле, Иса тʹӧ щар бона хьрабийе ԛәwата хwә нәдьда хәбате. Биньн бира хwә, кӧ чь ԛәwьми чахе Шәйтʹан Иса щерʹьбанд wәки кәвьр бькә нан. Иса ԛайил нәбу wәки ԛәwата хwә бона кʹара хwә бьдә хәбате (Мәт. 4:2-4). Ле әw һазьр бу ԛәwата хwә бьдә хәбате сәва кӧ али мәрьва бькә. Ле ча әм дькарьн чʹәʹв бьдьнә Иса? Әwи гот кӧ әм гәрәке дәствәкьри бьн (Луԛа 6:38). Мәсәлә әм дькарьн мәрьва тʹәглифи мала хwә кьн сәр нанхwарьне. Әм ӧса жи дькарьн паши щьвате wәʹдә хәрщ кьн, сәва кӧ али кәсәки бькьн, мәсәлә чахе бьра готара хwә һазьр кә, гӧһ бьдьне. Йан жи әм дькарьн аликʹарийе бьдьнә wан, кʹе даннасинкьрьнеда нәщерʹьбанди йә. Чахе әм али мәрьва дькьн, әм чʹәʹв дьдьнә мәрʹданийа Иса. w15 1/6 1:3, 4, 6

Һәрге әм Хwәдерʹа амьн бьминьн, әме бькарьбьн кʹәрәмәтәкә кӧ тʹӧ щар нәԛәwьмийә бьвиньн. Әw кʹәрәмәт әw ә, кӧ әм дькарьн wәʹде тәнгасийа мәзьн хьлаз бьн! У паши Һармәгәдоне жи, әме һе гәләк кʹәрәмәта бьвиньн. Һьнге һʹәму мәрьв wе сьһʹәт-ԛәwата кʹамьл бьстиньн (Иша. 35:5, 6; Әʹйан. 21:4). Мәрьв wе аза бьн жь бәрчʹәʹвка, гопала, кʹӧрсийед сәԛәта у жь һащәтед бона бьһистьне. Йед кӧ жь Һармәгәдоне хьлаз бьн, әwана гәләк шьхӧл wе бькьн. Әwана планета мәйә бәдәw, демәк Әʹрде, wе бь тʹәмами бькьнә щьнәт (Зәб. 115:16). Иро ԛӧльхкʹаред Хwәде чахе дьхуньн, кӧ чаwа Иса нәхwәш ԛәнщ дькьрьн, гәләк дьлгәрм дьбьн. Әw кʹәрәмәтед Иса, гӧмана мә ԛәwи дькьн кӧ әме ахьрийеда бь тʹәмами сьһʹәт-ԛәwат бьн (Әʹйан. 7:9). Әw ӧса жи мәрʹа әʹйан дькьн кӧ чаwа Кӧрʹе Хwәдейи пешьн инсанәте һʹьз дькә (Йуһʹн. 10:11; 15:12, 13). У дьлшәwатийа Исайә гьринг, мәрʹа дьдә кʹьфше, кӧ Йаһоwа һәр ԛӧльхкʹарәки хwә чьԛас зәʹф һʹьз дькә (Йуһʹн. 5:19). w15 1/6 2:16, 17

Сала 1914, дь Әwропайеда шәрʹ дәстпебу, у әw шәрʹ нава тʹәмамийа дьнйайеда бәла бу. Жь бо wи шәрʹи, хәлайа гьран дәстпебу. У сала 1918 чахе әw шәрʹ ида хьлаз дьбу, нәхwәшикә гьран бәла бу, у дьһа зәʹф мәрьв мьрьн жь wе нәхwәшийе, нә кӧ wәʹде шәрʹ. Әw һʹәму тьшт пʹарәкә «нишана» Иса бу. Әwе нишане избат кьр кӧ Иса сала 1914, ль әʹзмана бу Пʹадша (Мәт. 24:3-8; Луԛа 21:10, 11). Ве сале, Иса «чаwа әгит чу, wәки сәркʹәвә» (Әʹйан. 6:2). Әwи жь әʹзмана бәри Шәйтʹан у щьнед wи да, у авитә сәр әʹрде. Иро мәрьв әʹйан дьвиньн кӧ әw пʹехәмбәрти кʹижан кӧ ве рʹеза рʹожеда те готьне, ча те сери. w15 1/6 4:13

Сәд сала кемтьр паши сазкьрьна щьвата Мәсиһити, рʹабәрибун бәла бу, чаwа кӧ һатьбу пʹехәмбәртикьрьне (Кʹар. Шанд. 20:28-30; 2 Тʹеслн. 2:3, 4). Ләма жи, wи чахи һе зедә чәтьн бу, кӧ ԛӧльхкʹаред Хwәдейи рʹаст нас кьн. Бь сәда сал дәрбаз бун, у паше Йаһоwа бь Иса әʹйан кьр, кӧ дь пʹарьстгәһа Хwәдеда бь рʹастийе кʹе бун ԛӧльхкʹаред рʹаст. Бәрбь сала 1919 әʹйан бу, кӧ Хwәде кʹе ԛәбул дькә у кʹе дь пʹарьстгәһа wийә рʹӧһʹанида ԛӧльх дькә. Әwед кӧ пʹарьстгәһа Хwәдейә рʹӧһʹанида ԛӧльх дькьрьн гӧһастьне ӧса кьрьн, кӧ ԛӧльхкьрьн у һʹәбандьна wан һе Йаһоwа хwәш бе (Иша. 4:2, 3; Малх. 3:1-4). Бь wе йәке, дитьнока кӧ Паwлосе шанди сәда сала пешда дитьбу, дәстпебу бе сери. Дитьнока Паwлос һатийә гьликьрьне дь 2 Корьнтʹи 12:2-4-да. Дь ве дитьнокеда, Йаһоwа Паwлосрʹа әʹйан кьр, кӧ ахьрийеда чь гәрәке бьԛәwьмә. w15 1/7 1:6-8

Гәләк Мәсиһийед ве дьнйайе баwәр дькьн, кӧ әwана wе һәрʹьн ль әʹзмана, бь бәдәна мәрьви. Әwана ӧса жи дьфькьрьн, кӧ әwана wе бь чʹәʹве хwә бьвиньн, кӧ ча Иса вәдьгәрʹә сәр әʹрде сәва кӧ сәрwертийе бькә. Ле Кʹьтеба Пироз әʹйан нишан дькә, кӧ һатьна Иса wе нәйе дитьне, чьмки «нишана Кӧрʹе Инсан wе ль әʹзмен хӧйа бә», у кӧ Иса wе «ль сәр әʹwред әʹзмен» бе (Мәт. 24:30). Һьн жи Кʹьтеба Пироз дьбежә, кӧ «хун у гошт ль Пʹадшатийа Хwәде нькарьн wар бьн». Демәк, әwед кӧ wе һәрʹьнә ль әʹзман, пешийе гәрәке «бенә гӧһастьне, ньшкева, чаwа чʹәʹве хwә бьгьри-вәки, дәма борийа ахьрийе бе ледане» (1 Корн. 15:50-53). Жь wе йәке әм дьвиньн кӧ рʹункьрийед амьн, кʹижан кӧ һе сәр әʹрде нә, wе дәрберʹа бенә щьвандьне. w15 1/7 2:14, 15

Ода Щьвата әw щи йә, кʹидәре кӧ щьмәʹт тʹоп дьбә, сәва кӧ Йаһоwарʹа ԛӧльх кә. Щьват әw һәйә пʹешкʹеша жь Хwәде, у әw щьват али мә дькьн сәва кӧ һәләԛәтийа хwә тʹәви Хwәде ԛәwи кьн. Сәр щьватед мә, тʹәшкиләта wи рʹебәрийе дьдә мә у мә ԛәwи дькә. Рʹасти жи чьԛас ԛәдьрәки мәзьн ә бона мә кӧ Йаһоwа у Кӧрʹе wи, мә тʹәглиф дькьн кӧ һәр һʹәфти «жь сьфра» Йаһоwа бьхwьн (1 Корн. 10:21). Әм гәрәке тʹӧ щар бир нәкьн, кӧ әw тʹәглифкьрьн чьԛас мәхсус ә. Йаһоwа дьбежә, кӧ әw дьхwазә әм бенә щьвате, сәва кӧ wирʹа ԛӧльх кьн у ӧса жи һәвдӧ ԛәwи кьн (Ибрн. 10:24, 25). Әм Йаһоwа ԛимәт дькьн у ԛәдьре wи дьгьрьн, ләма жи әм щьватед хwә бәрʹнадьн, һәрге һʹәwщәти тʹӧнә кӧ бәрʹдьн. Әм рʹазибуна хwә бона щьвате дьдьнә кʹьфше бь wе йәке, чахе һазьр дьбьн у ӧса жи шьхӧлкʹарийе дькьн wәʹде щьвате. w15 1/7 4:3, 4

Әw тʹәми али мә дькә wәки әм бәрдәwам кьн һивийа рʹожа хьлазийе бьн. Ӧса жи тʹәшкиләта Йаһоwа тʹьме тинә бира мә кӧ әм «һивийа Рʹожа Хwәде бьн у һатьна wи ләз хьн», у һʹьш-аԛьле хwә бьдьнә сәр созе Йаһоwа дәрһәԛа дьнйа тʹәзә (2 Пәт. 3:11-13). Wәки пәйчуйед Исарʹа ԛьрʹна йәкеда лазьм бу кӧ бәрдәwам кьн һивийа рʹожа Йаһоwа бьн, ле иро илаһи мәрʹа һе фәрз ә бәрдәwам кьн һивийе бьн. Чьрʹа? Чьмки нишана кӧ Иса гот избат дькә, кӧ жь сала 1914 әw бу Пʹадша дь Пʹадшатийа Хwәдеда, у кӧ әм дьжин рʹожед хьлазийеда, демәк «ахьрийа ве дьнйайе». Мәсәлә, чаwа кӧ Иса пʹехәмбәрти кьр, һʹале ве дьнйайе һе хьраб дьбә у мьзгинийа хере дәрһәԛа Пʹадшатийе нава тʹәмамийа дьнйайе те даннасинкьрьне (Мәт. 24:3, 7-14). Иса нә гот, кӧ әw рʹожед ахьрийе wе чьԛас бькʹьшиньн, у ләма жи әм гәрәке һазьр бьн бона хьлазийе, кʹижан кӧ wе ньшкева бе. w15 1/8 2:4, 5

Дьнйа тʹәзәда шабунәкә мәйә лапә мәзьн wе әw бә, кӧ һәләԛәтийа мәйә незик wе тʹәви Йаһоwа һәбә (Мәт. 5:3). Әме бь ԛӧльхкьрьна хwәйә Йаһоwарʹа, мьжул бьн, у жь wе йәке әме шабунәкә мәзьн бьстиньн. Чахе Йаһоwа ида ньһа әʹмьре мәда щийе пешийе дьгьрә, бь wе йәке әм һазьр дьбьн бона жийина дьнйа тʹәзәда (Мәт. 6:19-21). Әм ча дькарьн һе зедә шабуне бьвиньн жь ԛӧльхкьрьна хwәйә Йаһоwарʹа? Гавәк әw ә, кӧ нета дайньн пешийа хwә. Һәрге тӧ щаһьл и, бьфькьрә кӧ ча дькари ӧса бьжи кӧ һе зедә Йаһоwарʹа ԛӧльх ки? Тӧ дькари дь әʹдәбйәтед мәда леколин бьки дәрһәԛа щурʹә-щурʹә ԛӧльхкьрьна һәртʹьм. У нете бьдә пешийа хwә, кӧ жь wан щурʹе ԛӧльхкьрьне, йәке пек бини. Хәбәрдә тʹәви wан, йед кӧ гәләк сала Йаһоwарʹа ԛӧльх кьрьнә чаwа ԛӧльхкʹаред һәртʹьм. Һәрге тӧ әʹмьре хwә ԛӧльхкьрьнеда дәрбаз ки, тӧйе һе щерʹьбанди у һинкьри би. Әw йәк wе аликʹарийе бьдә тә бона ԛӧльхкьрьна тә дьнйа тʹәзәда. w15 1/8 3:13, 14

Мьлукти, сәбьркьрьн, у хwәгьртьн жи фәрз ьн (Галт. 5:23). Әw һʹӧнӧр али Мәсиһийе гьһишти дькьн, кӧ дәрәщед чәтьнда тәйах кә у бәрхwәнәкʹәвә, ӧса жи гӧмана хwә ӧнда накә чахе жь бо тьштәки ьлтәнг дьбә. Мәсиһийе гьһишти дь һинбуна хwәйә шәхсида принсипед Кʹьтеба Пироз дьгәрʹә, кʹижан кӧ али wи дькьн бьзаньбә чь йә рʹаст у чь йә нәрʹаст. Паше, чахе исафа wи бь Кʹьтеба Пироз һинкьри бә, әwе бькарьбә сафикьрьна бь билани бькә. Мәсиһийе гьһишти шкәсти йә, у ләма әw баwәр дькә, кӧ рʹебәри у принсипед Йаһоwа тʹьме һе баш ьн, нә кӧ йед wи. Әw мьзгинийа хере бь хирәт даннасин дькә у чьԛас дькарә аликʹарийе дьдә, сәва кӧ щьват йәктийеда бьминә. Фьрԛи тʹӧнә әм чьԛас wәхт Йаһоwарʹа ԛӧльх дькьн, һәр кәс жь мә дькарә пьрсе бьдә хwә: «Гәло әз дькарьм тьштәки бьгӧһезьм, сәва кӧ һе рʹьнд чʹәʹв бьдьмә Иса? Гәло әз чьда дькарьм пешда һәрʹьм?» w15 1/9 1:6, 7

Һьнә шагьрт Иса дитьн, кʹижан кӧ сәр гола Щәлиле пәйа дьчу. Пәтрус ль Иса кьрә гази у һиви кьр, кӧ әw жи дьхwазә сәр голерʹа пәйа һәрʹә щәм wи. Чахе Иса гот, кӧ әw бе бал wи, Пәтрус жь ԛәйьке пәйа бу у дәстпекьр сәр аверʹа һәрʹә щәм Иса. Ле паше, Пәтрус нӧԛи аве дьбу. Гәло чьрʹа? Чьмки әwи сәр фьртоне у пʹеле аве ньһерʹи, у тьрс кʹәтә дьле wи. Пәтрус ль Иса кьрә гази, кӧ әw али wи бькә у Иса дәрберʹа дәсте хwә дьрежи wи кьр у гьлийе жорʹе wирʹа гот (Мәт. 14:24-32). Баwәрийа Пәтрус ԛәwи бу. Ле чьрʹа әм дькарьн ӧса бежьн? Чахе Иса гази Пәтрус кьр, Пәтрус дәрберʹа жь ԛәйьке пәйа бу у сәр голерʹа пәйа чу. Әw баwәр бу, кӧ Хwәде фәрәсәте ӧса wе бьдә wи, ча кӧ дабу Иса. Ӧса жи чахе Иса әм тʹәглиф кьрьн, кӧ пәй wи һәрʹьн, мә хwә тʹәсмили Йаһоwа кьр у һатьнә ньхӧмандьне. Чьрʹа мә әw йәк кьр? Чьмки баwәрийа мә һьндава Йаһоwа у Иса әм һелан кьрьн, у мә итʹбарийа хwә wан дьани, кӧ wе али мә бькьн (Йуһʹн. 14:1; 1 Пәт. 2:21). w15 1/9 3:1, 3

Баве һʹьзкьри малбәта хwә жь ԛәзийа хwәй дькә. Ӧса жи Йаһоwа ча Баве һʹьзкьри мә хwәй дькә. Чаwа кӧ тӧ чʹәʹве хwә хwәй дьки чьмки ԛимәт дьки, ӧса жи Йаһоwа щьмәʹта хwә хwәй дькә, чьмки wана гәләк ԛимәт дькә (Зәкәр. 2:8). Һьлбәт һьнә жь ԛӧльхкʹаре Йаһоwа, мәсәлә Стәйфан у йед майин мьрьн, чьмки амьн бун. Йаһоwа һәр гав һәр ԛӧльхкʹарәки хwә хwәй накә, кӧ әw йәк нәйе сәре wан, ле әw бь тʹәмами щьмәʹта хwә хwәй дькә бь wе йәке, кӧ пешда wанрʹа дьбежә дәрһәԛа тʹәлькед Шәйтʹан (Әфәс. 6:10-12). Дәрһәԛа wан тʹәлька әм педьһʹәсьн жь Кʹьтеба Пироз у ӧса жи жь әʹдәбйәтед, кӧ тʹәшкиләта Йаһоwа дьдә мә. Мәсәлә, әм педьһʹәсьн дәрһәԛа хофийа интернете, пʹәрәһʹьзийе, ӧса жи филм, кʹьтеб у листькед, кӧ бь бенамусийе у зорбәтийе нә. Әʹйан ә, кӧ Йаһоwа мә һʹьз дькә у дьхwазә мә хwәй кә жь тʹәлькед Шәйтʹан. w15 1/9 4:15, , 17

Йаһоwа али щьмәʹта хwә дькә, сәва кӧ бькарьбьн мьзгинийа хере бьпарезьн у мафе мә һәбә мьзгинийа хере бәла кьн (Фили. 1:7). Мәсәлә, чахе һьнә сәрwера дьхwәстьн шьхӧле мәйи хьзмәтийе бьдьнә сәкьнандьне, мә бәр диwане хwә хwәй дькьр. Жь сала 2 000, нав тʹәмамийа дьнйайеда, әм диwанада wәкә 268 щара сәркʹәтьн, жь wан сәркʹәтьна 24 щар дь Диwана Әwропайеда бу, йа бона Мафе Мәрьва. Рʹасти жи әʹйан ә, кӧ тʹӧ кәс нькарә дәсте Хwәде бьдә сәкьнандьне! (Иша. 54:17) Бәлакьрьна мьзгине нав тʹәмамийа дьнйайе, әw жи избаткьрьн ә кӧ Хwәде али мә дькә (Мәт. 24:14; Кʹар. Шанд. 1:8). У йәктийа кӧ нава хьзмәткʹаред Йаһоwада һәйә, йед кӧ жь һʹәму мьләта нә, дькарә тʹәне бь аликʹарийа Йаһоwа һәбә. Әw йәкти тʹәк ә! Һәла һе әw мәрьвед кӧ Йаһоwарʹа хьзмәт накьн жи, дьбежьн: «Рʹасти жи Хwәде нав wәда йә» (1 Корн. 14:25). Избаткьрьнед мә гәләк ьн, кӧ Хwәде тʹәви щьмәта хwә йә (Иша. 66:14). w15 1/10 1:13, 14

Кʹьтеба Пироз мә ширәт дькә, кӧ әм бь тʹәмами тьштед ве дьнйайе нәдьнә хәбате. Әw ӧса жи те һʹәсабе кӧ гәләк wәʹде хwә хәрщ нәкьн сәр wан тьшта, чь кӧ әв дьнйа дьдә мә (1 Корн. 7:29-31). Рʹаст ә һьнә тьштед ве дьнйайе нә хьраб ьн, ле әw тьшт дькарьн гәләк wәʹдә жь мә бьстиньн. Мәсәлә, дьбәкә мә хwәш те тьштәкива мьжул бьн, кʹьтеба бьхуньн, телевисоре бьньһерʹьн, һәрʹьнә щийе һʹәwас, дькʹанада тьшта бькʹьрьн, тьшта пебьһʹәсьн дәрһәԛа техноложийед тʹәзә йан тʹьштед дьн. Гәләк жи, һʹьз дькьн нәмәка бьньвисьн дь интернетеда, йан нучәйа дьньһерʹьн йан әʹламәтийед дәрһәԛа спорте. Ле хоф әw ә кӧ һәрге әм wан тьштава бенә гьредане. (Wаиз 3:1, 6). Һәрге әм wәʹде хwә сәр wан тьшта чь кӧ фәрз ниньн зәʹф хәрщ дькьн, wәде мә ида wе нәминә бона тьште һе фәрз, демәк бона хьзмәтийе Йаһоwарʹа (Әфәс. 5:15-17). Шәйтʹан һʹәму тьшти дькә сәва кӧ әм тьштед ве дьнйайева мьжул бьн у хьзмәтийа хwә Йаһоwарʹа паш хьн. Шәйтʹан әw йәк дь ԛьрна йәкеда жи дькьр, у әw рʹожа иро һе зедә дькә (2 Тимтʹ. 4:10). Ләма әм гәрәке кʹур хwә бьщерʹьбиньн, у дина хwә бьдьнә рʹеза ве рʹоже. w15 1/10 3:7, 8

Чахе Маноаһ әв әʹламәти жь жьна хwә пеһʹәсийа кӧ wе жерʹа кӧрʹ бьбә, әw гәләк ша бу. Ле Маноаһ ӧса жи кʹур дьфькьри кӧ чахе әw бьбә бав, әw wе бәр Хwәде щабдар бә бона зарʹе. Гәло әwи у жьна wи ча гәрәке зарʹа хwә һин кьрана, кӧ әwи Йаһоwа һʹьз бькьра у жерʹа ԛӧльх кьра? Чьмки wи чахи Исраеледа гәләк мәрьва тьштед хьраб дькьрьн. Маноаһ жь Йаһоwа лава кьр кӧ диса мьлйакʹәте хwә бьшинә у гот: «Йа Хӧдан, әз лава дькьм, бьла зьламе Хwәде, йе кӧ тә шандьбу диса wәрә у кʹа әме бона лаwьке кӧ бьбә чь бькьн, һини мә бькә» (Һʹакьм. 13:1-8). Һәрге зарʹед wә һәнә, дьбәкә һун фәʹм дькьн кӧ Маноаһ чь дьфькьри. Чьмки щабдарийа wә жи әw ә кӧ али зарʹед хwә бькьн, wәки әwана Йаһоwа нас кьн у һʹьз кьн (Мәтʹлк. 1:8). Wәʹде ԛӧльхкьрьна тʹәви малбәте, һун дькарьн али зарʹед хwә бькьн кӧ дәрһәԛа Йаһоwа у Кʹьтеба Пироз һе зедә пебьһәʹсьн. Һьлбәт, хенщи кӧ һәр һʹәфти ԛӧльхкьрьна тʹәви малбәте тʹәви wан дәрбаз кьн, диса һе зедә тьшт лазьм ә кӧ бькьн (Ԛан. Дщр. 6:6-9). Чь диса дькарә али wә бькә, кӧ зарʹед хwә һин кьн, wәки әwана Йаһоwа һʹьз кьн у жерʹа хьзмәт кьн? w15 1/11 1:1, 2

Рʹаст ә һун нькарьн мина Иса дьла бьхуньн, ле һун дькарьн зарʹед хwә фәʹм кьн. Йаһоwа дькарә али wә бькә, кӧ һун нава зарʹед хwәда һӧнӧред баш бьвиньн. Һәрге зарʹа wә дьле wә бешинә жи, тʹӧ щар нәбежьн у һәла һе нәфькьрьн жи, кӧ әw йәки хьраб ә, йан жи кӧ әw тʹәне проблема тинә. Дәwсе, бежьн кӧ һун wида һӧнӧред баш дьвиньн у баwәр ьн, кӧ әw дьхwазә тьштед рʹаст бькә. Дина хwә бьдьне кӧ әw чьда пешда чуйә у пʹайе wи бьдьн. Чахе те стандьн һе зедә щабдарийа бьдьн wи, сәва кӧ али wи бькьн кӧ әw һʹӧнӧред баш нав хwәда пешда бинә. Иса тʹәви шагьртед хwә һәма ӧса дькьр. Саләк у нив паши рʹастһатьна тʹәви Натʹанйел, Иса щабдарикә фәрз да wи. Әwи Натʹанйел кьрә шандийе хwә, у Натʹанйел бь амьни әw шьхӧл кьр, кʹижан кӧ Иса дабу wи (Луԛа 6:13, 14; Кʹар. Шанд. 1:13, 14). Тʹӧ щар зарʹа хwәрʹа нәбежьн, кӧ әw тʹьме тьшта нә һаԛас баш дькә, дәwсе пʹайе wи бьдьн у wи ԛәwи кьн. Wирʹа бьдьнә кʹьфше кӧ әw дькарә wә у Йаһоwа ша кә, у кӧ әw дькарә фәрәсәтед хwә бьдә хәбате, бона хьзмәткьрьна Йаһоwарʹа. w15 1/11 2:15, 16

Жь дәстпебуна рʹожед пашьн сала 1914-да тʹәне чәнд һʹәзар хьзмәткаред Хwәде һәбун. Кʹома бьчʹук йа хушк-бьред рʹункьри жь һʹьзкьрьна һьндава мәрьва һелан бун, у ӧса жи рʹӧһʹе Хwәдейи пироз али wан кьр, кӧ wана мьзгина дәрһәԛа Пʹадшатийе бәла дькьрьн у нәньһерʹин сәр чәтьнайа. Ле әwе йәке чь кʹар ани? Иро әʹлаләтәкә мәзьн, гӧмана кʹижани жийина һʹәта-һʹәтайе сәр әʹрде йә, те тʹопкьрьне. Сәр тʹәмамийа дьнйайе wәкә 8 000 000 Шәʹдед Йаһоwа дь 115 400 щьватада зедәтьр һәнә, у әв һәжмар чьԛас дьчә зедә дьбьн. Мәсәлә 275 500 зедәтьр мәрьв сала 2014-да һатьнә ньхӧмандьне у бунә Шәʹдед Йаһоwа. Әw те һʹәсабе кӧ һәр һʹәфти wәкә 5 300 мәрьв һатьнә ньхӧмандьне. Тʹәшкиләта мә һе мәзьн дьбә, чьмки әм Хwәде баwәр дькьн у баwәр ьн кӧ Кʹьтеба Пироз Хәбәра wи йә (1 Тʹеслн. 2:13). Рʹаст ә Шәйтʹан пәй мә дькʹәвә у мә нәфрʹәт дькә, ле Йаһоwа мә кʹәрәм дькә! (2 Корн. 4:4). w15 1/11 4:12, 14, 16

Експертед Кʹьтеба Пироз гәләк кʹур леколин кьрьнә бь һәзара манускрипт, пʹаред манускрипта у wәлгәрандьнед Кʹьтеба Пироз йед кәвьн. У чахе wана әw манускрипт у wәлгәрандьн һьмбәри һәв кьрьн, wана тедәрхьстьн кӧ тʹәне һьнә рʹезада фьрԛи һәйә, у һьн жи әw фьрԛи гәләк бьчʹук ьн. Бәле, әʹламәтийа Кʹьтеба Пироз нә һатийә гӧһастьне. Мәрьвед дьлтʹәмьз кӧ Кʹьтеба Пироз һин дьбьн, жь бо леколинкьрьнед манускрипта баwәр дькьн кӧ әв кʹьтеб кʹижан щәм wан иро һәйә, жь бина бәр Хwәде йә. Рʹаст ә гәләк мәрьв мьԛабьли Кʹьтеба Пироз дәрдькʹәтьн, ле йәкә әw һатә wәлгәрандьне сәр 2 800 зьмана зедәтьр. Рʹаст ә гәләк мәрьв Хwәде баwәр накьн, ле йәкә Хәбәра wи нава тʹәрихийеда кʹьтеба лапә бәлабуйи йә. Һьнә wәлгәрандьнед Кʹьтеба Пироз нәһеса нә бона хwәндьне йан жи нә лап рʹаст ьн, ле жь wана һәчʹи зәʹф әʹламәтийа фәʹмдари дьдьн дәрһәԛа гӧмане у жийина һʹәта-һʹәтайе. w15 15/12 1:13, 14

Жь бо гьлийед мә мәрьв дькарьн йан хwә һе баш тʹәхмин кьн йан һе хьраб. Гәләк мәрьв дьнйа Шәйтʹанда дьдьнә хәбате «готьнед тал», кʹижан кӧ wәк «тиред» йане «wәк шур» ьн, сәва кӧ дьле мәрьва бешиньн у зийане бьдьнә wан (Зәб. 64:3, ИМ). Гәләк мәрьв хәбәрдана ӧса һин дьбьн жь филма йан жь телевисйоне кӧ дьньһерʹьн. Ле Мәсиһи тʹӧ щар гәрәке нәдьнә хәбате әw хәбәре сәрт у нә лайиԛ дь хәбәре хwәда у нә жи дь һәнәке хwәда. Һәнәк баш ә, чьмки дькарә хәбәрдана мә һʹәwас кә. Ле әм тʹӧ щар гәрәке ӧса хәбәрнәдьн, кӧ кәсәки бәһʹӧрмәт кьн йан жи кәсәки бьдьнә хәйдандьне сәва хатре ве йәке кӧ йед дьн бькʹәньн. Кʹьтеба Пироз мә һин дькә кӧ әм хwә дур бьгьрьн жь хәбәрдана «кʹьфьри-зьфьри». У ӧса жи дьбежә: «Тʹӧ щар бьра жь дәве wә хәбәрәкә хьраб дәрнәйе, пештьри тьштед кӧ кери гӧһдара тен у кʹаре дьдьнә wан» (Әфәс. 4:29, 31). w15 1/12 3:10

Кʹома рʹебәрийе нәмәк бьрара шанд, сәва кӧ wанрʹа бежә wәки әwана жь һьнә тьшта хwә дур бьгьрьн. «Дь һьнә зьманада, гьлийед хьлазийе жь wе рʹезе һатә wәлгәрандьне бь wан хәбәра «сьһʹәт-ԛәwата баш wәрʹа», у ӧса жи әw гьли дькарә бе һʹәсабе «ԛәwи бьн». Бәле, жь wан гьлийа те кʹьфше кӧ тʹәбийәти йә әм гьшк дьхwазьн, wәки сьһʹәт-ԛәwата мә баш бә. Чьмки әм гӧнәкʹар ьн, әм нькарьн хwә жь һʹәму нәхwәшийа хwәй кьн. У чахе әм нәхwәш дькʹәвьн, әм жь Йаһоwа һивийе ниньн кӧ әw мә бь кʹәрәмәт ԛәнщ кә. Ле әм дькарьн һивийа ахьрийа баш бьн, чахе Хwәде бь тʹәмами мә ԛәнщ кә. Дь Әʹйанти 22:1, 2, Йуһʹәннайе шанди дәрһәԛа «ава жийине» у «дара жийине» гьли дькә, кʹижан кӧ һәр кәса wе ԛәнщ кә. Әw найенә һʹәсабе һьнә дәрман кӧ дькарьн иро йан дьнйа тʹәзәда мә ԛәнщ кьн. Ле әw те һʹәсабе һʹәму тьшт чь кӧ Йаһоwа у Иса wе бькьн, сәва кӧ әм һʹәта-һʹәтайе бьжин (Иша. 35:5, 6). w15 1/12 4:17, 18

Йаһоwа дәрһәԛа wәʹде ньһа кӧ әм дьжин, пешда гот: «Дь wан рʹожанда жь һәр тәwре зьманед нәтәwәйанда [щьмәʹтада] дәһ кәс пе даwа кәсәки Щьһудива бьгьрьн у wе бь готьна: ‹Әм бь wәрʹа һәрʹьн, жь бәр, мә бьһистьн кӧ Хwәде бь wәрʹа йә!› » (Зәкәр. 8:23). Әw дәһ кәс кӧ «даwа кәсәки Щьһудива» дьгьрьн, бь симболик тенә һʹәсабе мәрьв гӧмана ке жи жийина сәр әʹрде йә. У бона wан ԛәдьр ә кӧ шьхӧлкʹарийе дькьн тʹәви рʹункьрийа, демәк «Исраела Хwәде», чьмки заньн кӧ Йаһоwа wана кʹәрәм дькә (Галт. 6:16). Чаwа кӧ Зәкәрйа пʹехәмбәр, Иса жи гот кӧ нава щьмәʹта Хwәдеда wе йәкти һәбә. Иса дәрһәԛа пәйчуйед хwә гот, кӧ әwана жь дӧ кʹома нә, әw һәнә «кәрийе пези бьчук» у «пәзед дьн». Ле әwи гот кӧ әwана wе «кәрик» бьн у «шьванәки» wан wе һәбә (Луԛа 12:32; Йуһʹн. 10:16). w16.01 4:1, 2

Әм гәрәке рӧһанийа хwә хwәй кьн. Чьмки әм дьжин ве дьнйайеда кӧ бьн һʹӧкӧме Шәйтʹанда йә, у һьн жи әм гӧнәкʹар ьн, ләма жи һеса дькарьн дәстпекьн нәрʹаст бьфькьрьн у бьжин ӧса ча әв дьнйа. Әм дькарьн рʹӧһʹе wе дьнйайе бәрамбәри чʹем бькьн, кижан кӧ мә дькʹьшинә ль wедәре, кʹидәре кӧ әм нахwазьн һәрʹьн. Сәва кӧ ава чʹем мә нәбә алики дьн, әм гәрәке хwә аве хьн мьԛабьли ԛәwата аве. Бь wи щурʹәйи әм гәрәке ԛәwате бьдьнә хәбате, сәва кӧ рʹӧһʹе wе дьнйайе мә нәбә алики дьн. Wәде хьзмәтийе, әм дина хwә дьдьн сәр тьштед рʹӧһʹани кӧ керһати нә, нә кӧ сәр wан тьшта кʹижан кӧ дькарьн баwәрийа мә сьст кьн (Фили. 4:8). Бәлакьрьна мьзгине баwәрийа мә һе ԛәwи дькә, у дькә бира мә дәрһәԛа созед Хwәде у принсипед wийи бь һʹьзкьрьн. Әw йәк ӧса жи али мә дькә кӧ һʹащәте хwәйә рʹӧһʹани хwәй кьн (Әфәс. 6:14-17). Һәрге әм дь шьхӧлед рʹӧһʹанида кʹар бькьн, wи чахи wе wәʹде мә тʹӧнә бә хәм кьн дәрһәԛа проблемед хwә, у әw йәк али мә дькә кӧ әм хwә хwәй кьн. w16.01 5:12, 13

Дина хwә бьдьн ль сәр һʹьзкьрьна Рʹутʹ һьндава Йаһоwа. Әw йәк Боаз әʹщебмайи кьр, кʹижани кӧ паше дӧа ль Рʹутʹ кьр, чьмки әwе сьтʹар бьн пʹәре Йаһоwа дьгәрʹийа (Рʹутʹ 2:12). Әw йәк тинә бира мә кӧ ча щущька чʹьвике дькәʹвә бьн пʹәре де-баве хwә сәва бе хwәйкьрьне (Зәб. 36:7; 91:1-4). Йаһоwа бона Рʹутʹ һәма бавәки ӧса бу. Йаһоwа әw кʹәрәм кьр бона баwәрийа wе, у Рʹутʹ тʹӧ щар пʹошман нәдьбу бона сафикьрьна хwә. Иро гәләк мәрьв дәрһәԛа Йаһоwа педьһʹәсьн, ле һе сафи накьн кӧ сьтʹаре щәм wи бьгәрʹьн. Әwана паш дьхьн кӧ хwә тʹәсмили wи кьн, у бенә ньхӧмандьн. Һәрге һун жи паш дьхьн, у һе сафи накьн кӧ хwә тʹәсмили Йаһоwа кьн, һәла хwә бьпьрсьн кӧ чьрʹа һун паш дьхьн. Һәр кәс хӧданәкирʹа йан кәсед дьнрʹа хьзмәт дькә (Йешу 24:15). Ле wе бь билани бә һәрге тʹәне Хwәдейе рʹастрʹа хьзмәт кьн, кʹижан кӧ һежа йә, у щәм wи сьтʹаре бьгәрʹьн. Чахе һун хwә тʹәсмили Йаһоwа бькьн, бь ве йәке һуне бьдьнә кʹьфше баwәрийа хwә һьндава wи. Ле әw wе али wә бькә кӧ һун бәрдәwам кьн wирʹа хьзмәт кьн, фьрԛи тʹӧнә һун дьбәкә рʹасти кʹижан чәтьнайа бен. Әw йәк Йаһоwа бона Рʹутʹ кьр. w16.02 2:6, 7

Чахе Абишә дьхwәст Шаwул бькӧжә, әwи бь ве йәке дьхwәст амьнийа хwә һьндава Даwьд бьдә кʹьфше. Ле әw йәк нәрʹаст бу, у ләма Даwьд wи да сәкьнандьне, чьмки заньбу кӧ изьн тʹӧнә «дәсте хwә дьрежи мәсиһийе Хӧдан бькә» (1 Сам. 26:9-11). Жь ве мәсәле әм дәрсәкә фәрз һин дьбьн: Чахе әм гәрәке сафи кьн кӧ пешийе кʹера амьн бьминьн, әм гәрәке бьфькьрьн дәрһәԛа принсипед Кʹьтеба Пироз, кʹижан кӧ дәрәща мәда дькарьн али мә бькьн. Амьни жь дьл те, ле дьле мәрьва хапинок ә (Йерәм. 17:9). Ләма әw мәрьве кӧ Хwәдерʹа амьн ә, һеса дькарә амьнийа хwә һьндава һәвале незик йан мәрьвед незик дайнә щийе пешьн, һәла һе һәрге жи әw мәрьв тьштед нәрʹаст дькә. Әм гәрәке гәләк фәсал бьн илаһи һьнге, чахе кәсәк мәрьве мәйи незик жь рʹастийе дәрдькʹәвә. Әм гәрәке бира хwәда хwәй кьн кӧ амьнийа мә Йаһоwарʹа гәрәке сәр щийе пешьн бә (Мәт. 22:37). w16.02 4:5, 6

Чьрʹа гәрәке тӧ избат би ве йәкеда? Wәрә әм шеwьр кьн мәсәла Тимотʹейо. Тимотʹейо Ньвисар рʹьнд заньбу. Әw «жь зарʹотийе» жь дийа хwә у пирька хwә һатә һинкьрьне. Ле йәкә Паwлос wи ширәт кьр у готә wи: «Нава wан тьштада бьминә, чь кӧ һин буйи у чьда избат буйи» (2 Тимтʹ. 3:14, 15, ДТʹ). Тимотʹейо хwәха «избат» бу кӧ рʹасти дитийә. Әwи рʹасти ԛәбул кьр нә жь бо ве йәке, чьмки дийа wи у пирька wи wирʹа готьн кӧ ԛәбул кә, ле әw дьфькьри сәр wан тьшта чь кӧ педьһʹәсийа у wан тьштада избат дьбу (Рʹом. 12:1). Анәгори wе йәке һәрге тӧ кʹур һинбуна хwәйә шәхси бьки, әw йәк wе али тә бькә, кӧ щаба хwә бьди сәр пьрса, һʹәму шькед дьле хwәда кʹӧта ки, у баwәрийа хwә ԛәwи ки (Кар. Шанд. 17:11). w16.03 2:3, 4,7

Бьдә бәр чʹәʹве хwә Исраела wәʹде бәре, чахе щәжьна Оршәлимеда пәсьне Йаһоwа дьдан пʹарьстгәһеда. Wана һʹәму тьшт чь кӧ лазьм бу бона рʹеwитийе һазьр кьрьн, паше әwана тʹәвайи рʹе кʹәтьн у али һәв дькьрьн. Пʹарьстгәһеда wана тʹәвайи пәсьне Йаһоwа дьдан у жерʹа хьзмәт дькьрьн. Рʹожа иройин чаwа кӧ әм һазьр дьбьн бона жийина дьнйа тʹәзә, мәрʹа лазьм ә йәктийеда бьн у һʹәму тьшти бькьн чь кӧ дькарьн, сәва тʹәви һәв һәвкʹарийе бькьн. Бьфькьрьн дәрһәԛа кʹәрәмед кӧ һивийа мә нә! Әм ида жь ве дьнйа бетьфаԛ дур ьн. Әм ньһа пе чʹәʹве хwә дьвиньн кӧ ча пʹехәмбәртийа Ишайа у Миха тенә сери. Бь рʹастийе жи, щьмәʹта Хwәде бь йәкти һьлдькʹьшьнә сәр «чʹийайе Хӧдан» (Иша. 2:2-4; Мих. 4:2-4). Рʹасти жи, хьзмәткьрьна мә Хwәдерʹа wан «рʹожед хьлазийеда» гәләк дьле wи ша дькә, у әw жь мә рʹази йә. Ле wәʹдәки, wе чьԛас хwәш бә чахе әм бәхтәwар у ша бьн, чьмки әме бьжин wи wәʹдәйи кӧ һʹәму инсанәт әʹдьлайеда, йәктийеда у һәвкʹарийеда Йаһоwарʹа хьзмәт бькьн! w16.03 3:16, 17

Һьнә бьрарʹа дькарә чәтьн бә wәʹдә хәрщ кьн, wәки дь щьватеда бьред дьн һин кьн. Һьнәк ӧса дькарьн дьшьрмиш бьн: «Дь щьватеда һәнә тьштед дьһа фәрз, у гәрәке ләз бенә кьрьне. Һәрге әз ньһа бьред дьн һин нә кьм, әw wе сәр щьвате һʹӧкӧм нәбә». Бәле, бона тьштед дьн жи лазьм ә рʹуспи ләз дина хwә бьдә, ле һәрге рʹуспи һинкьрьна бьра пашхә, әw дькарә бь рʹастийе зийане бьдә щьвате. Рʹуспи гәрәке дәрһәԛа тьштед фәрз зу хәм бькьн. Һәрге рʹуспи әглә дьбә кӧ бьра һин кә, зу йан дәрәнг щьватеда wе тʹӧнә бьн бьред һинбуйи, сәва хәм бькьн дәрһәԛа һʹәму тьштед кӧ гәрәке бенә кьрьне. Демәк тʹӧ щар дьшьрмиш нәбьн, wәки йед дьн һин кьн фәрз нинә. Рʹуспийед кӧ хәм дькьн дәрһәԛа ахьрийа щьвате у wәʹдә дьвиньн сәва кӧ йед дьн һин кьн, әwана билан ьн у гәләк ԛимәт ьн бона хушк бьред хwә (1 Пәт. 4:10). w15 1/4 1:4, ,6, 7