Чьлә

Мәʹнийа хәмгинийе ида тʹӧнә. Ньһа дьле wе рʹьһʹәт ә, чьмки әwе дит кӧ баве wе Йәфтаһ сах-сьламәт жь шәрʹ вәгәрʹийа. Әw ԛизьк дьчә пешийа баве хwә у жь шабуне дәстпедькә бьрәԛьсә у бьстьре. Ле баве wе дәwса кӧ тʹәви wе ша бә, кʹьнща сәр хwә дьԛәльшинә у дькә ԛарʹин: «Һәй wах ԛиза мьн, тә пьшта мьн хwар кьр». Паше әw ԛиза хwәрʹа гьлийе ӧса дьбежә, кʹижан кӧ әʹмьре wе дьгӧһезьн, у нет у хwәстьнед wе һьлдьшиньн. Ле йәкә, ԛизьк баве хwә һелан дькә кӧ әwи ча соз дайә Йаһоwа, бьра ӧса жи бькә. Гьлийед wе әʹйан дькьн баwәрийа wейә ԛәwи. Әwе итʹбарийа хwә Йаһоwа дьани, wәки әw чь жи жь wе бьхwазә бона wе һәрә баш ә (Һʹакьм. 11:34-37). Баве wе Йәфтаһ wерʹа фьрнаԛ дьбә, чьмки әw занә ԛиза wи һазьр ә пьштгьрийа сонда wи бькә, у әw йәк wе Йаһоwа хwәш бе. Йәфтаһ у ԛиза wи, һʹәму тьштида итʹбарийа хwә Йаһоwа дьанин, һәла һе чахе wанрʹа чәтьн бу жи. Әwана сәд сәләфи баwәр бун кӧ ԛәбулкьрьна Хwәде жь һәр ԛӧрбане ԛимәттьр ә. w16.04 1:1, 2

Щара дьԛәwьмә әм дьлтәнг дьбьн, чьмки мәрьвед мәйи незик дьле мә дешиньн. Йан, дьбәкә нәхwәшийа мәйә гьран һәйә, йан жи кәсәк жь мәрьвед мәйи незик мьрийә. Чь жи һәбә, әм дькарьн дьлбинийе бьстиньн жь мәсәла Ибо мәрьве амьн (Иб. 1:18, 19; 2:7, 9; 19:1-3). Рʹаст ә әwи ньзаньбу чьрʹа һаԛас тәнгасийед wи һәнә, йәкә әwи ԛәwата хwә ӧнда нәкьр. Ле гәло чь али wи кьр кӧ сәбьр кә? Әw «жь Хwәде дьтьрсийа» у wи һʹьз дькьр (Иб. 1:1). Әwи хwәрʹа ԛәwи сафи кьр кӧ тʹьме дьле Йаһоwа ша кә, ча wәʹде башда ӧса жи wәʹде чәтьнайада. Йаһоwа али Ибо кьр wәки әw бьфькьрә сәр тьштед һʹәwас кӧ Йаһоwа бь сайа рʹӧһʹе хwәйи пироз кьрьбу. Чахе Ибо фькьри сәр wан тьшта, әw ида сәд сәләфи баwәр бу, кӧ Йаһоwа wе wәʹде лазьмда хьлазийа тәнгасийа wи бинә (Иб. 42:1, 2). У әw йәк бь рʹастийе жи ԛәwьми. Йаһоwа «сьргуна wи вәргәранд у . . . дӧ ԛат зедә мале wи йе бәре да wи». Ибо калбунеда «бь рʹожанва тʹербуйи мьр» (Иб. 42:10, 17). w16.04 2:11, 13

Әм сәрwахтийе дьдьнә кʹьфше, чахе пешда дьфькьрьн дәрһәԛа чәтьнайа кӧ дькарьн рʹасти мә бен. Әм гәрәке сәрwахтийе бьдьнә кʹьфше у фәсал бьн, чахе мәрьв дәрһәԛа проблемед политикайе хәбәрдьдьн. Мәсәлә, чахе әм мьзгина Пʹадшатийе мәрьварʹа гьли дькьн, хәбәрданеда әм пʹайа надьнә сәрwерәки йан партйакә политике, у нә жи wана нәһәԛ дькьн. Әм дина мәрьва дьдьнә сәр мәнийа проблема, нә кӧ сәр ве йәке кӧ политик ча дьхwазьн проблемед мәрьва сафи кьн. Әм гәрәке жь Кʹьтеба Пироз нишан кьн, кӧ чаwа Сәрwертийа Хwәде wе һʹәму проблемед мәрьва бь тʹәмами бьдә һьлдане сәр һʹәта-һʹәтайе. Һәрге кәсәк дькʹәвә дәʹwе дәрһәԛа тʹема зарʹбәркьрьне йан жи зәwаща жьн тʹәви жьн йан мер тʹәви мер, әм гәрәке wанрʹа гьли кьн принсипед Хwәде дәрһәԛа ве йәке. Һьн жи, әм гәрәке шьровәкьн кӧ әм ча wан принсипа жийина хwәда дьдьнә хәбате. Wәʹде хәбәрдана дәрһәԛа ве тʹеме, тʹәвнәбуйине хwәй кьн у шеwьр нәкьн кӧ ньһерʹандьна һʹӧкӧмәта йан сәрwера чаwа нә дәрһәԛа ве тʹеме. Һәрге кәсәк дьбежә кӧ лазьм ә ԛанунәке бьдьнә һьлдане, йан гәрәке ԛанунәкә тʹәзә дәрхьн, йан жи бьгӧһезьн, әм накʹәвьнә нава хәбәрдана ӧса у пьштгьрийе накьн. У әм ӧса жи зоре wи мәрьви накьн кӧ фькьред хwә бьгӧһезә. w16.04 4:8, 9

Әм гәрәке мәрьва бькьнә шагьрт, wана бьньхӧминьн, у һин кьн, ле пешийа wе йәке әм гәрәке чь бькьн? Иса гот: «Һәрʹьн»! Дәрһәԛа ве тʹәмийе, зандарәки Кʹьтеба Пироз гьлийед ӧса гот: «‹Һәрʹьн› әw һәйә щабдарийа һәр баwәрмәнда, фьрԛи тʹӧнә һәрʹьн кʹучерʹа дәрбаз бьн йан һәрʹьн океанева дәрбаз бьн» (Мәт. 10:7; Луԛа 10:3). Гәло Иса дьхwәст бьгота кӧ пәйчуйед wи һәр кәс башԛә хьзмәт кә? Йан әwи дьхwәст кӧ әwана тʹәвайи бь организә мьзгине бәла кьн? Фәʹмдари йә, мәрьвәк нькарьбу бьчуйа щәм «һʹәму мьләта». Демәк, бона wи шьхӧли лазьм бун гәләк мәрьв. Әw йәк жь гьлийед Иса һатә кʹьфше, чахе әwи шагьртед хwә тʹәглиф кьр кӧ бьбьнә «нечʹирванед мәрьва» (Мәт. 4:18-22). Иса нәдьгот дәрһәԛа нечʹирванийа бь чәнгәле, демәк чахе нечʹирван рʹудьне у һивийе йә, һʹәта кӧ мәʹсик бе бькʹәвә чәнгәле. Ле әwи дьгот дәрһәԛа нечʹирванийа бь тʹора. Әw хәбатәкә гьран бу, кʹижанирʹа лазьм бу ԛәwата гәләка у йәкти (Луԛа 5:1-11). w16.05 2:3, 4

Әм ча дькарьн ньһерʹандьна Йаһоwа бьзаньбьн? Гәләк фәрз ә кӧ Кʹьтеба Пироз бьхуньн у леколин бькьн. Чахе әм әве йәке дькьн, wе баш бә әм пьрсед ӧса бьдьнә хwә: «Әw информасийа дәрһәԛа Йаһоwа, рʹийед wи, у ньһерʹандьна wи мьн чь һин дькә?» Әм гәрәке чʹәʹв бьдьнә Даwьде зәбурбеж, йе кӧ ньвиси: «Йа Хӧдан, тӧ һини мьн бькә рʹийед хwә, нишани мьн бьдә алийед хwә. Бь рʹастийа хwәрʹа нишани мьн бьдә, жь бо мьн бьбә һиндар. Чьмки тӧ йи жь бо мьн Хwәдайе рьзгаркʹар [хьлазкʹар]. Һевийа мьн һәргав тӧ йи» (Зәб. 25:4, 5, ИМ). Чахе әм Кʹьтеба Пироз дьхуньн, әм гәрәке бьфькьрьн кӧ әм кʹидәре дькарьн бьдьнә хәбате чь кӧ мә хwәнд. Пьрсед ӧса бьдьнә хwә: «Әз ча дькарьм әве информасйайе бьдьмә хәбате малбәтеда, мәкʹтәбеда, у хьзмәтийеда?» Чахе әме сафи кьн кӧ кʹидәре әм дькарьн әве информасйайе бьдьнә хәбате, һьнге мәрʹа wе дьһа һеса бә фәʹм бькьн кӧ чаwа бьдьнә хәбате. w16.05 3:9, 11

Йаһоwа Кʹьтеба Пирозда кʹьфш кьр, кӧ рʹуспи гәрәке чь щурʹәйи бьн (1 Тимтʹ. 3:2-7). Демәк Йаһоwа жь wан бьра, йед кӧ бона щьвате хәм дькьн, һе зедә дәʹwа дькә. Әw жь wан һивийе йә кӧ әwана мәсәла баш бьн. Хенщи ве йәке, әwана щабдар ьн бәр Йаһоwа бона щьвате, кʹижан кӧ әwи «бь хуна Кӧрʹе хwә» ԛазанщ кьрийә. Жь ве йәке әм дьвиньн, кӧ бона Йаһоwа щьват гәләк ԛимәт ә (Кʹар. Шанд. 20:28). Йаһоwа дьхwазә кӧ бь сайа хәмкьрьна рʹуспийа, әм хwә хwәйкьри тʹәхмин кьн (Иша. 32:1, 2). Чахе әм Кʹьтеба Пирозда дьхуньн дәʹwакьрьнед сәва рʹуспийа, әм дьвиньн кӧ Йаһоwа чьԛас зәʹф бона мә хәм дькә. Ле жь wан дәʹwакьрьна, һәр Мәсиһи дькарә кʹаре бьстинә у һин бә. Чьмки Йаһоwа жь мә һәр кәси һивийе йә кӧ әм бәрбьһер бьн у аԛьлда гьран бьн (Фили. 4:5; 1 Пәт. 4:7). Чахе рʹуспи «нәхше ԛәнщ» ьн, әм дькарьн жь wана һин бьн у «чʹәʹв бьдьнә баwәрийа wан» (1 Пәт. 5:3; Ибрн. 13:7). w16.05 5:8-10

Жь кʹижан тьшта әм гәрәке дьле хwә хwәй кьн? Мәсәлә, ԛӧрʹәбуна нәрʹаст, гӧнәкьрьн, у кемасийа баwәрийе. Әw тьшт дькарьн нәһельн кӧ әм гӧрʹа Хwәде бькьн (Дан. 5:1, 20; Ибрн. 3:13, 18, 19). Шеwьр кьн дәрһәԛа Узийа Падша, кижан кӧ паше ԛӧрʹә бу (2 Дир. 26:3-5, 16-21). Пешийе Узийа «чʹәвʹе Хӧданда» тьштед рʹаст дькьр, у әwи Хwәде «дьгәрʹийа». Ле паше, «дьле wи . . . бьльнд бу», чьмки ԛәwата wи мәзьн бу, ле әw ԛәwат Хwәде да wи! Әwи һәла һе жи дьхwәст бьхуре бьшәwьтинә. Wи нәдькʹәт әве йәке бькә, чьмки тʹәне изьна кʹаһинед жь рʹькʹьнйата Һарун һәбу. Паше, чахе кʹаһина wи сущдар кьрьн, кӧ бьхуре нәшәwьтинә, Узийайе ԛӧрʹә сәр wан һерс кʹәт! Ахьрийа ве йәке чь бу? Хwәде Узийа ньмьз кьр, у паше әw бь кʹотибуне мьр (Мәтʹлк. 16:18). Һәрге әм жь ԛӧрʹәбуне дур нибьн, әм дькарьн дәстпекьн бьфькьрьн кӧ әм жь йед дьн баштьр ьн. Ӧса жи дькарә бьԛәwьмә кӧ әм инкʹар кьн ширәтед кӧ сәр һʹиме Кʹьтеба Пироз мәрʹа дьдьн (Рʹом. 12:3; Мәтʹлк. 29:1). w16.06 2:3, 4

Тӧ ча дьньһерʹи сәр wан хушк у бьра, йед кӧ култура wан щӧдә дьбә жь йа тә? Зьмане wана, стила кʹьнщхwәкьрьна wана, хәйсәтед wана у хwарьнед wан, дькарьн гәләк жь йе тә щӧдә бьн. Ле тӧ ча ни һьндава wан, тӧ хwә жь wан дур дьгьри, у тʹәне тʹәви мьләте хwә һәвалтийе дьки? Йан, тӧ ча ни һьндава бәрпьрсийаре щьвата хwә, йан бәрпьрсийаре мьһале йан филиале, йе кӧ щаһьл ә у нә жь мьләте тә у култура тә йә? Һәрге әм фәсал нибьн, әw щӧдәбун дькарә зийане бьдә йәктийа кӧ нава щьмәʹта Йаһоwада нә. Ле ча әм дькарьн хwә хwәй кьн жь ве йәке? Паwлос һьнә ширәт да Мәсиһийед кӧ Әфәсида дьжитьн. Әw шәһәр дәwләти бу у ль wе дәре щурʹә-щурʹә мьләт дьжитьн (Әфәс. 4:1-3). Пешийе Паwлос дәрһәԛа һьнә һʹӧнӧра хәбәрда. Әwи дьгот дәрһәԛа мьлуктийе, шкәстийе, сәбьре, у һʹьзкьрьне. Әw һʹӧнӧр мина стунед ԛәwи нә, кʹижан кӧ ԛәwи дьгьрьн мале. Ле хенщи стунед ԛәwи, ӧса жи лазьм ә тʹьме мале хwәй кьн, сәва кӧ зийан мале нәкʹәвә. Паwлос Мәсиһийед Әфәсида ширәт кьр, кӧ гьран бьхәбьтьн сәва «йәктийа рʹӧһʹ» хwәй кьн. w16.06 3:17, 18

Шәйтʹан дьхwазә кӧ әм хӧламтийе Һәбукерʹа бькьн, дәwса кӧ Хwәдерʹа (Мәт. 6:24). Мәрьвед кӧ ԛәwата хwә хәрщ дькьн сәва һәбуке тʹоп кьн, бь рʹастийе бәхтәwар ниньн. Жийина wан дәрбаз дьбә бь wе йәке, кӧ тʹәне хwәстьнед хwә биньн сери. Ле һе хьраб әw ә, кӧ әwана рʹӧһʹанида вала нә, у жийина wан бь кӧл-дәрда тʹьжә йә (1 Тимтʹ. 6:9, 10; Әʹйан. 3:17). Әв мина ве йәке йә, чаwа кӧ Иса мәтʹәлокеда дәрһәԛа «тохьмрʹәш» гьли кьр. Иса гот кӧ чахе мьзгинийа дәрһәԛа Пʹадшатийе «нава стьрийада» те чандьне, «хwәстьна тьштед дьн дькʹәвьнә наве у хәбәре дьхәньԛиньн, әw бе бәр дьминьн» (Марԛ. 4:14, 18, 19). Әм ньһа незики хьлазийа wе дьнйайе дьбьн, ләма жи ньһа wәʹде wе йәке нинә, кӧ әм һәбуке хwәрʹа тʹоп кьн. Әм гәрәке һивийе нибьн кӧ һәбука мә, чьԛас жи әw ԛимәт бә, wе тʹәви мә хьлаз бә тәнгасийа мәзьнда (Мәтʹлк. 11:4; Мәт. 24:21, 22). w16.07 1:5, 6

Шәбәԛе хwәйе рʹәзе тьрийа чу базаре, сәва кӧ хәбатчийа бьвинә бона рʹәзе тьрийед хwә. Әwи чәнд мәрьв дит, йед кӧ ԛайил бун бьхәбьтьн бь wи һәԛи чьԛас кӧ әwи готә wан, у wана дәстпекьр бьхәбьтьн. Ле хwәйе рʹәзе тьрийарʹа һе зедә хәбатчи лазьм бун, ләма әw диса чу базаре у тʹәмамийа рʹоже һе зедә у зедә хәбатчи дит. Әwи wанрʹа һәма әw һәԛ соз да, чьԛас кӧ соз дабу хәбатчийед кӧ шәбәԛда хәбат дәстпекьрьбун. Чахе ида бу евар, әwи гази һʹәму хәбатчийа кьр, у һʹәмушкарʹа һәԛ мина һәв да. Фьрԛи тʹӧнәбу әwана тʹәмамийа рʹоже хәбьтин йан сьһʹәтәке, әwи мәрʹдани да кʹьфше у һʹәмушкарʹа һәԛ мина һәв да. Чахе әwед кӧ тʹәмамийа рʹоже дьхәбьтин әw йәк дитьн, wана дәстпекьр бькьнә кӧтә-кӧт. Ле хwәйе рʹәзе тьрийа щаба wан да: Нә һун ԛайил бун тʹәви һәԛе кӧ мьн wәрʹа гот? Чьма изьна мьн тʹӧнә, кӧ һаԛаси бьдьм хәбатчийед хwә, чьԛаси әз дьхwазьм? Һун һʹәвсудийе дькьн, кӧ әз мәрʹд ьм? (Мәт. 20:1-15). Әw сәрһатийа Иса дәрсәкә фәрз дьдә мә дәрһәԛа һʹӧнӧрәки Йаһоwа. Кʹьтеба Пирозда әw һʹӧнӧр гәләк щар те хәбьтандьне. Әw һʹӧнӧр һәйә ԛәнщийа нәһежа (2 Корн. 6:1). w16.07 3:1, 2

Хьлази гәләк незик ә. Ләма илаһи ньһа гәләк фәрз ә кӧ әм мьзгинийа Пʹадшатийе бәла кьн! (Марԛ. 13:10). Әв мьзгини әʹйан дькә ԛәнщийа нәһежа жь Йаһоwа, у әwе йәке әм гәрәке бира хwәда хwәй кьн. Чахе әм мьзгинийе бәла дькьн, нета мә әw ә кӧ Йаһоwа рʹумәт у һӧрмәт кьн. Әм әве йәке дькарьн бькьн, чахе мәрьварʹа гьли дькьн дәрһәԛа һʹәму кʹәрәмед Йаһоwа, кʹижан кӧ дьнйа тʹәзәда әw wе сәр мәрьвада бьбаринә. Әм гәрәке мәрьварʹа бежьн кӧ Хwәде жь бо ԛәнщийа хwәйә мәзьн wе wан һʹәму соза бинә сери. Чахе әм мәрьварʹа шәʹдәтийе дьдьн, әм дькарьн wанрʹа шьровәкьн кӧ бьн сәрwертийа Мәсиһ, инсанәт wе бь тʹәмами кʹаре бьстинә жь кʹьрине. Әм гәрәке шьровәкьн кӧ бь сайа ве кʹьрине ахьрийеда һʹәму мәрьв wе бьбьнә беԛьсур. Кʹьтеба Пироз дьбежә: «Әʹфьрине хwәха жи жь wе хӧламтийа пʹучʹ аза бьн у тʹәви азайи у рʹумәта зарʹед Хwәде бьн» (Рʹом. 8:21). Әw йәк wе тʹәне бь сайа ԛәнщийа Йаһоwайә мәзьн бе стандьн. w16.07 4:17-19

Кʹьтеба Пироз синора данайнә у набежә кӧ пешийа һәләԛәтийа сексуали йан жи паше, чь изьн ә бькьн у чь на. Ле Кʹьтеба Пирозда те готьне дәрһәԛа кʹьфшкьрьна һʹьзкьрьне у назькайе (Стр. Слм. 1:2; 2:6). Мер у жьн wе йәкеда гәрәке бь нәрми бьн һьндава һәвда. Һʹьзкьрьна ԛәwи һьндава Хwәде у ӧса жи һьндава һәвдӧ, али мер у жьн дькә кӧ һәләԛәтийа хwәйә баш ӧнда нәкьн. Һьнә зәwащада һәләԛәтийа мер у жьн хьраб бу у һьнәкада жи лап һатә һьлшандьне, жь бо ньһерʹандьна порнографийе. Һәгәр хwәстьна ӧса пешда те гәрәке зу жь хwә дур хьн. Демәк һәгәр хwәстьна wә пешда те кӧ һʹәwщед хwәйә сексуали рʹази кьн нә кӧ зәwащеда ле жь зәwаще дәр, һун гәрәке зу хwә хьлаз кьн жь wе хwәстьне. Нәрʹаст ә тʹәви кәсәки дьн флирте бькьн, ләма жи әм гәрәке хwә жь ве йәке хwәй кьн. Әм гәрәке тʹьме бира хwәда хwәй кьн, кӧ Хwәде һәр фькьре мә у һәр кьред мә дьвинә. Әw йәк wе али wә бькә тʹьме дьле Йаһоwа ша кьн у wирʹа амьн бьминьн (Мәт. 5:27, 28; Ибрн. 4:13). w16.08 2:7-9

Бь wе занәбуна рʹаст, Мәсиһийед Колоси гәрәке һәр алийава ль Хwәде хwәш бьһатана «чаwа лайиԛи Хӧдан ә». Әwе йәке гәрәке али wан бькьра кӧ «һәр ԛәнщикьрьнеда хwәйибәр бьн», илаһи бәлакьрьна мьзгинийеда (Колс. 1:10). Бәле, хьзмәткʹаред Йаһоwа, гәрәке тʹьме Кʹьтеба Пироз бьхуньн у леколин бькьн, сәва хьзмәтийеда һе пешда һәрʹьн. Ӧса жи әм гәрәке али wан бькьн тʹәви кʹе әм һинбуна Кʹьтеба Пироз дәрбаз дькьн, демәк хwәндәкʹаред Кʹьтеба Пироз, кӧ әwана жи тʹьме Хәбәра Хwәде бьхуньн у леколин кьн. Әм хwәха гәрәке избат бьн кӧ чьԛас фәрз ә әw йәк. Бь рʹастийе, мәрʹа гәрәке бьбә хәйсәт, кӧ Кʹьтеба Пироз бьхуньн у леколин бькьн. Әм дькарьн пьрсед ӧса бьдьнә хwә: «Чахе хwәйе мале фькьред ӧса дьбежә, кʹижан нә ль гора Кʹьтеба Пироз ә йан пьрсед чәтьн дьдьнә мьн, гәло әз дькарьм щабед сәр һʹиме Кʹьтеба Пироз бьдьмә wи? Һәрге әм мәрийарʹа гьли дькьн кӧ әм чьԛас кʹаре дьстиньн жь һинбуна Кʹьтеба Пирозә шәхси, әм дькарьн wана һелан кьн, кӧ әwана жи жь хwәндьна у леколинкьрьна Кʹьтеба Пироз кʹаре бьстиньн. w16.08 4:3, 4

Гәләк фәрз ә wәки әм хwә жь тьштед ве дьнйайе хwәй кьн. Әw дьнйа тʹьжә йә бь һинкьрьнед ԛәлп, философийе у тьштед хьраб, мәсәлә бенамуси, кʹьшандьна щьхаре, зедә вәхwарьна ичʹке у хәбьтандьна наркотикайе. Хенщи wе йәке, әм гәрәке бәрдәwам кьн мьԛабьли ԛьсуред хwә шәрʹ кьн у шабуне ӧнда нәкьн (2 Корн. 10:3-6; Колс. 3:5-9). Дьжмьнед мә ԛәwи нә. Ле гәло әм дькарьн wана алт кьн? Бәле әм дькарьн, ле әв йәк нәһеса йә. Паwлос хwә бәрамбәри wи мәрьви кьр, кӧ бь кʹӧлма шәрʹ дькә. Әwи дәрһәԛа хwә гот: «Жь бо ве йәке әз беарманщ набәзьм, әз бадиһәwа кʹӧлма хwә навежьм һәwайе» (1 Корн. 9:26, ИМ). Чаwа мәрьве кӧ хwә жь дьжмьн хwәй дькә бь кʹӧлма, ӧса жи әм гәрәке шәрʹ кьн мьԛабьли дьжмьнед хwә. Ве йәкеда Йаһоwа али мә дькә. Әw мә һин дькә кӧ ча дьжмьнед хwә алт кьн. Хәбәра хwәда әw рʹебәрийа дьдә мә, кʹижан кӧ дькарьн әʹмьре мә хьлаз кьн. Хенщи wе йәке, Йаһоwа бь әʹдәбйәтед кӧ әм дьстиньн, бь щьвата у щьватед мәзьн али мә дькә у мә ширәт дькә. Бәле, әм гәрәке гӧһ бьдьнә һʹәму ширәт у рʹебәрийед Йаһоwа. w16.09 2:2, 3

Иса дәwса кӧ кʹара хwә бьгәрʹийа, бәре әʹwльн аликʹари дьда мәрьва. Чьмки бь wе йәке, әwи ԛьрара Хwәде дьани сери. Әм жи гәрәке дур бьн жь кʹьнщ у хәмьландьна ӧса, кʹижан дьбәкә мә хwәш те, ле дькарә бьбә кәвьре лькʹӧмандьне бона wан, кʹерʹа әм мьзгинийе бәла дькьн (Рʹом. 15:2). Де-бавед Мәсиһи борщдар ьн зарʹед хwә һин кьн, wәки әwана принсипед жь Кʹьтеба Пироз биньн сери. Әw те һʹәсабе wәки әwана гәрәке баwәр бьн, кӧ зарʹед wан дьхwазьн дьле Хwәде ша кьн бь кʹьнщ у хәмьландьна хwә (Мәтʹлк. 22:6; 27:11). Де-бав дькарьн бь рʹабун-рʹуньштьна хwә зарʹед хwәрʹа бьбьнә мәсәлә. У ӧса жи бь һʹьзкьрьн wана һин кьн, кӧ Хwәде рʹумәт кьн. Ча баш ә, чахе де-бав зарʹед хwә һин дькьн кӧ кʹидәре у ча кʹьнще лайиԛ дәстхьн! Әw те һʹәсабе кӧ әwана гәрәке нә кӧ тʹәне бьжберьн wан кʹьнща кʹижан wан хwәш те, ле ӧса жи wан, кʹижан кӧ wе wана әʹйан кьн ча хьзмәткʹаред Йаһоwа Хwәде. w16.09 3:13, 14

Иса чаwа дәрсдар, гьлийед хwә дьгьһйандә дьле мәрьва, чьмки әwи Йаһоwа, Хәбәра wи у мәрьв һʹьз дькьр (Луԛа 24:32; Йуһʹн. 7:46). Сәва кӧ гьлийед wә дьле зарʹед wә бьгьрә, һун жи гәрәке ӧса бь һʹьзкьрьн бьн у Йаһоwа һʹьз бькьн, чаwа Иса (Ԛан. Дщр. 6:5-8; Луԛа 6:45). Ләма де-бавно, тʹьме бьхуньн у леколин бькьн Кʹьтеба Пироз у әʹдәбйәтед мәйи дьн, сәва һе зедә пебьһʹәсьн дәрһәԛа әʹфринед Йаһоwа (Мәт. 6:26, 28). Ӧса, һуне занәбуна хwә зедә кьн у Йаһоwа һе ԛимәт кьн. У паше, һуне ида бькарьбьн дәрһәԛа Йаһоwа зарʹед хwә һе рʹьнд һин кьн. Де-бавно чахе һун һе зедә дәрһәԛа Йаһоwа педьһʹәсьн, һуне бьхwазьн малбәта хwәрʹа жи гьли кьн. Ле әʹсә нинә дәрһәԛа ве йәке хәбәрдьн тʹәне wәʹде һазьрбуна бона щьвате, йан wәʹде ԛӧльхкьрьна тʹәви малбәте. Һун дькарьн wәʹде аза жи хәбәрдьн тʹәви wан. Ле зоре нәкьн кӧ тʹәви зарʹа хәбәрдьн. Әw хәбәрдан гәрәке офисиали нибә, ле ча хәбәрдана һәр рʹожи. w16.09 5:6, 7

Чахе әм сәр зьмане хәриб нькарьн Кʹьтеба Пироз кʹур фәʹм кьн, әw йәк дькарә зийане бьдә рʹӧһʹанийа мә. Ԛьрʹна пенщада Б.Д.М., чахе Нәһәмийа һатә Оршәлиме, әwи дит wәки һьнә зарʹед Щьһу йед кӧ жь дилтийа Бабилоне вәгәрʹийанә, зьмане Ибрани ньзаньн у әw бәрхwә кʹәт. Әwан зарʹа нькарьбун Хәбәра Хwәде фәʹм кьн, ләма һәләԛәтийа wан тʹәви Йаһоwа сьст бу (Нәһәм. 8:2, 8). Һьнә де-бав кӧ Мәсиһи нә у хьзмәт дькьн ль дәшта зьмане дьн, тедәрхьстьн wәки зарʹед wан рʹӧһʹанида һьнәки сьст бунә. Чьрʹа? Чахе әм сәр зьмане хәриб дьхуньн, дьбәкә әв йәк һаԛас дьле мә нәгьрә, чьԛас кӧ мә сәр зьмане хwә бьхwанда. Хенщи ве йәке, чахе мәрʹа чәтьн ә хәбәрдьн сәр wи зьмани, әм дькарьн әʹщьз бьн у рʹӧһʹанида сьст бьн. Ләма чахе әм дәшта зьманәки дьнда хьзмәт дькьн, әм гәрәке мьԛати хwә бьн wәки рʹӧһʹанида нәкʹәвьн у һәләԛәтийа хwә тʹәви Йаһоwа ӧнда нәкьн (Мәт. 4:4). w16.10 2:4-6

Баwәри, һʹӧнӧрәки гәләк ԛимәт ә, у әw һʹӧнӧр нә бал һʹәму мәрьва һәйә (2 Тʹеслн. 3:2). Ле Йаһоwа баwәри дайә һʹәму хьзмәткʹаред хwә (Рʹом. 12:3; Галт. 5:22). Әм гьшк гәрәке жь Йаһоwа рʹази бьн, кӧ әwи баwәри дайә мә. Иса гот wәки Баве wийи әʹзмана, бь сайа wи мәрьва незики хwә дькә (Йуһʹн. 6:44, 65). Чахе әм баwәрийа хwә Иса тиньн, әм дькарьн бона гӧне хwә бахшандьне бьстиньн. У әв йәк рʹе вәдькә кӧ әм дькарьн бьбьнә достед Йаһоwа у ахьрийеда жийина һʹәта-һʹәтайе бьстиньн (Рʹом. 6:23). Ле мә чь кьрийә кӧ кʹәрәмед ӧса баш бьстиньн? Бь рʹастийе, әм һежа ниньн кӧ wан кʹәрәма бьстиньн, чьмки әм гӧнәкʹар ьн у һежайи мьрьне нә (Зәб. 103:10). Ле йәкә Йаһоwа нав мәда тьштед баш дитийә, у ләма бь ԛәнщийа хwәйә кӧ әм һежа ниньн, дьле мә вәкьр wәки әм мьзгинийе ԛәбул кьн. У мә баwәрийа хwә Иса у ԛӧрбана wи ани, ләма әм дькарьн һивийа жийина һʹәта-һʹәтайе бьн (1 Йуһʹн. 4:9, 10). w16.10 4:1, 2

Паwлосе шанди нәʹмед хwәда дәрһәԛа бьра баш хәбәрдьда. Тʹәви һьнәка әwи бь сала рʹеwити дькьр, у дькарьн бежьн wәки әwи кемасийед wан жи заньбу. Ле әwи тʹьме дәрһәԛа wан гьлийед ширьн дьгот у пʹайе wан дьда. Мәсәлә, Паwлос Тимотʹейо һʹәсаб дькьр ча «лаwе хwәйи дәлал у һьндава Хӧданда амьн». Паwлос итʹбарийа хwә Тимотʹейо дани кӧ әw wе бона Мәсиһийед дьн хәм бькә (1 Корн. 4:17; Фили. 2:19, 20). Паwлосе шанди дәрһәԛа Тито щьвата Коринтʹирʹа ньвиси: «Әw һәвал у хәбаткʹаре тʹәви мьн ә бона wә» (2 Корн. 8:23). Бәле, гьлийед Паwлос гәләк дьлгәрм кьрьн Тимотʹейо у Тито. Паwлос сәва бьра ԛәwи кә, гәләк щар дьчу wан щийа, кʹидәре кӧ әʹмьре wи дькʹәтә бьн ԛәзийайе. Мәсәлә, Паwлос у Барнабас Листрайеда рʹасти пәйкʹәтьна һатьн, ле йәкә диса жи вәгәрʹийанә wедәре сәва кӧ шагьртед тʹәзә бьшьдиньн у дьл бьдьнә wан, wәки әwана баwәрийеда бьминьн (Кʹар. Шанд. 14:19-22). Паше wе йәке чахе Әфәсида әʹлаләтәкә мәзьн пәй Паwлос кʹәт, әwи wедәре дьл да хушк-бьра (Кʹар. Шанд. 20:1). w16.11 1:10, 11

Йаһоwа рʹебәрийа пʹара тʹәшкиләта хwәйә сәр әʹрде дькә. Әw мә һин дькә у ширәт дькә бь аликʹарийа «хӧламе амьн у сәрwахт», кʹижан кӧ бьн рʹебәрийа «сәре щьвине» Иса Мәсиһда нә (Мәт. 24:45-47; Әфәс. 5:23). Әw хӧламе амьн, мина кʹома рʹебәрийе йа ԛьрʹна йәке, Хәбәра Хwәде гәләк ԛимәт дькә. Кʹьтеба Пироз тʹәмийе дьдә, wәки әм тʹьме бенә щьвате (Ибрн. 10:24, 25). Әw ӧса жи тʹәмийе дьдә wәки фәʹмкьрьна мә һьндава һинкьрьнед Кʹьтеба Пироз йәк бә. Хәбәра Хwәде мә ширәт дькә, кӧ әм гәрәке Пʹадшатийа Хwәде әʹмьре хwәда дайньн щийе пешийе (Мәт. 6:33). Хенщи ве йәке, Хәбәра Хwәде мәрʹа дьбежә wәки әм гәрәке мал бь мал у wан щийа кӧ гәләк мәрьв ьн, мьзгинийе бәла кьн (Мәт. 28:19, 20; Кʹар. Шанд. 5:42; 17:17; 20:20). Хәбәра Хwәде ӧса жи рʹуспийа ширәт дькә, wәки әwана мьԛат бьн кӧ щьват рʹӧһʹанида тʹәмьз бьминьн (1 Корн. 5:1-5, 13; 1 Тимтʹ. 5:19-21). У ӧса жи Йаһоwа мә һʹәмуйа ширәт дькә wәки әм хwә физики у рʹӧһʹанида тʹәмьз хwәй кьн (2 Корн. 7:1). w16.11 3:7, 8

Гәләк сала пешийа Шәрʹе Һʹәмдьнйайе йа I, Чарлз Теиз Рассел у һәвалед wи тедәрхьстьн, wәки Мәсиһийед ве дьнйайе рʹастийа Кʹьтеба Пироз һин накьн. Ләма wана сафи кьр wәки тʹӧ тьштида тʹәви религийа ԛәлп нибьн. «Бьрща Ԛәрәwьлийе йа Сийоне», сала 1879-да гьлийед ԛәwи һатьнә готьне дәрһәԛа ньһерʹандьна wан: «Һәр дер, кʹижан кӧ хwә һʹәсаб дькә ча ԛизәкә бькʹьрʹ у бука Мәсиһ, ле бь рʹастийе әw тʹәви ве дьнйайе (щәнәwьре) йәктийеда нә у пьштгьрийе ве дькә, бь готьна Кʹьтеба Пироз әw те һʹәсабе дера ԛав», демәк пʹарәкә Бабилона Мәзьн (Әʹйан. 17:1, 2). Әw жьн у меред амьн рʹьнд заньбун, wәки әwана гәрәке ча бьн һьндава религийа ԛәлп. Wана фәʹм кьр кӧ һәрге әwана бәрдәwам кьн нава религийа ԛәлпда бьн, Хwәде wе кʹәрәма хwә нәдә wан. Ләма гәләк Леколинкʹаред Кʹьтеба Пироз нәʹмә ньвисибун wәки әwана жь дера дьчьн. w16.11 5:2, 3

Дьбәкә wә рʹожа Евара Биранина мьрьна Иса, рʹезед Рʹомайи 8:15-17-да хwәндийә wәки Мәсиһийед бь рʹӧһʹе пироз кʹьфшкьри ча тедәрдьхьн, кӧ әwана һатьнә бьжартьне бона жийина ль әʹзмана. Wан резада те шьровәкьрьне wәки рʹӧһʹе пироз хwәха тʹәви рʹӧһʹе wан шәʹдәтийе дьдә. Әw сәри, бәре әʹwльн сәва Мәсиһийед бьжарти йә. Әwана дьстиньн «рʹӧһ», у һивийе нә wәки бьбьнә зарʹед Хwәде у «бьгьһижьнә азайийа ԛальбе [бәдәна] хwә» (Рʹом. 8:23). Бәле, ахьрийа wан әw ә, кӧ әwана сәр әʹзмана бьбьнә кӧрʹед Хwәде. Хwәде сәр һʹиме ԛӧрбана Иса гӧнед wан бахшанд, у wана рʹаст һʹәсаб кьр сәва әwана бьбьнә кӧрʹед wийи рʹӧһʹани (Рʹом. 3:23-26; 4:25; 8:30). Рʹомайи сәре 8, ӧса жи керһати йә бона wан, йед кӧ һивийа жийина һʹәта-һʹәтайе сәр әʹрде нә. Хwәде wан мәрьва жи һʹәсаб дькә ча мәрьвед рʹаст. Ләма әwана жи дькарьн кʹаре бьстиньн жь Рʹомайи сәре 8. w16.12 2:1-3

Бь wан гьлийа Иса гәло чь дьхwәст бьгота? Әwи нә гот wәки чәтьнайи у хәмед мә wе тʹӧнә бьн. Дәwсе, Иса дьхwәст шагьртед хwәрʹа бьгота wәки бефәйдә йә гәләк хәма бькьн у гәләк бәрхwә кәвьн, чьмки әw йәк чәтьнайа сафи накә. Хәмед мәйи рʹоже бәси мә нә, ләма әм гәрәке хwәрʹа дәрда зедә нәкьн, у дәрһәԛа бәре йан ахьрийе гәләк нәфькьрьн. Щара әм дьбәкә гәләк хәма бькьн, дәрһәԛа чәтьнайа, кӧ әм дьфькьрьн wәки ахьрийеда wе рʹасти мә бен. Ле нәлазьм ә wәки һун гәләк бәрхwә кʹәвьн сәва ве йәке, чь кӧ һун ньзаньн wе бьбә йан на. Ле чьрʹа? Чьмки әw тьшт дькарьн нә жи бьԛәwьмьн у ӧса хьраб нибьн ча әм дьфькьрьн. Хенщи ве йәке, әм гәрәке бир нәкьн wәки һʹәму тьшт дәсте Хwәдеда йә, у кӧ әм дькарьн һʹәму хәмед хwә бавежьн сәр wи. Һун гәрәке дӧдьли нәбьн кӧ Хwәде дькарә кʹәрәма хwә бьдә йед амьн, у али wан бькә, wәки хәма нәкьн сәва тьштед бәре, рʹожа иройин у сәва ахьрийе. w16.12 3:13, 16

Чахе Шаwул бу пʹадша, әw мәрьвәки шкәсти бу (1 Сам. 9:1, 2, 21; 10:20-24). Ле һьнә wәʹдә шунда, әw бу йәки хwәрʹази у кʹӧбар. Мәсәлә, щарәке Филипи мьԛабьли Исраелийа дәркʹәтьн. Бона ве йәке, пʹехәмбәре Хwәде Самуйел готә Шаwул, wәки wе бе Гилгале у Йаһоwарʹа ԛӧрбане бьдә. Шаwул һивийа wи бу, ле әw дәрәнги дькʹәт. Һьн жи Исраелийа Шаwул һиштьн, ләма Шаwул тʹәвһәв бу. Дьԛәwьмә әw фькьри: «Әз гәрәке тьштәки бькьм, у һьн жи зу». Шаwул һивийа Самуйел нәсәкьни, у хwәха Йаһоwарʹа ԛӧрбан да. Ле изьна wи тӧнә бу әw йәк бькьра, у ләма Йаһоwа сәр wи һерс кʹәт (1 Сам. 13:5-9). Чахе Самуйел һатә Гилгале, әw ль Шаwул һьлат. Шаwул хwә һәԛ дәрдьхьст, ле йед майин нәһәԛ кьр. Әwи нә жи һʹәсаб дькьр wәки әwи шашикә мәзьн кьр (1 Сам. 13:10-14). Жь wи wәʹдәйи дәстпекьри, Шаwул диса гәләк кьред нәрʹаст кьр, у ләма ахьрийеда әwи пʹадшатийа хwә ӧнда кьр, у һе хьраб, әwи ԛәбулкьрьна Йаһоwа ӧнда кьр (1 Сам. 15:22, 23). Дәстпекеда әʹмьре Шаwул баш бу, ле ахьрийа wи гәләк хьраб хьлаз бу (1 Сам. 31:1-6). w17.01 3:1, 2

Даwьд мәрьвәки амьн бу, ле һәла һе әwи жи щарәке гӧне гьран кьр. Әwи тʹәви Бат-Шәбайе бенамуси кьр (2 Сам. 11:1-21). Даwьд чь кӧ кьрьбу, ида нькарьбу шашийа хwә рʹаст кьра. Әwи ӧса жи нькарьбу хwә хьлаз кьра жь бәред шашийед хwә. Жь бо шашийед хwә, Даwьд тʹәмамийа әʹмьре хwәда щәфа дькʹьшанд (2 Сам. 12:10-12, 14). Ләма Даwьдрʹа гәләк лазьм бу баwәри. Әwи гәрәке итʹбарийа хwә Йаһоwа бьанийа, wәки әw wе бьбахшинә wи, һәрге әw гӧне хwә бинә рʹуйе хwә. Ӧса жи әwи гәрәке баwәр кьра кӧ Хwәде wе али wи бькә сәва әw тәйах кә бәр wан тәнгасийа, кӧ жь бо гӧнед wи пешда һатьн. Әм гьшк гӧнәкʹар ьн ләма жи гӧна дькьн. Һьнә шашийед мә мәзьн ьн, һьнә жи бьчʹук ьн. Щара әм нькарьн шашийед хwә рʹаст кьн, у бона ве йәке кӧл-дәрда дькʹьшиньн (Галт. 6:7). Ле әм итʹбарийа хwә созе Хwәде тиньн, кӧ һәрге әм бь дьл у щан гӧне хwә биньн рʹуйе хwә, Йаһоwа wе wәʹде чәтьнайа али мә бькә. Әw һәла һе wан чәтьнайада жи wе али мә бькә, кʹижанада әм хwәха нәһәԛ ьн (Иша. 1:18, 19; Кʹар. Шанд. 3:19). w17.01 1:10-12

Мьлукти ӧса жи дькарә али мә бькә, wәки әм сафикьрьнед рʹаст бькьн, һәла һе һьнге жи, чахе әм ньзаньн дәрәща мә паше wе чаwа бә. Мәсәлә, дьбәкә әм дәстпекьн хьзмәт кьн ча хьзмәткʹаред һәртʹьм, ле һәрге әм нәхwәш кʹәвьн, кʹе wе мьԛати мә бә? Йан әме чь бькьн һәрге де-баве мәрʹа кӧ әʹмьрда мәзьн ьн, аликʹари лазьм бә? Йан әме ча хwә хwәй кьн чахе кал йан пир бьн? Щаба wан пьрса әм нькарьн бьстиньн, һәрге жи дӧа бькьн йан гәләк бьфькьрьн. Ле һәрге әм итʹбарийа хwә Йаһоwа биньн, әме фәʹм бькьн wәки чь дәсте мә те у чь дәсте мә найе. Әм гәрәке леколин бькьн, ширәте бьхwазьн жь мәрьвед дьн, у дӧа бькьн wәки Хwәде рʹебәрийа мә бькә. Паше әм гәрәке пәй рʹебәрийа рʹӧһʹе Хwәдейи пироз һәрʹьн (Wаиз 11:4-6). Паше, Йаһоwа дькарә сафикьрьна мә кʹәрәм кә, йан жи али мә бькә, wәки әм нетед хwә бьгӧһезьн (Мәтʹлк. 16:3, 9). w17.01 4:14

Адәм у Һеwа бәр бьжартьне бун, wана гәрәке йан гӧрʹа Йаһоwа бькьрана йан жи мәʹр баwәр кьрана. Ле йазьх, wана гӧрʹа Хwәде нәкьр (Дәстп. 3:6-13). Чахе Адәм у Һеwа һьмбәри Йаһоwа рʹабун, әwана бунә гӧнәкʹар. Хенщи ве йәке, wана һәләԛәтийа хwә тʹәви Йаһоwа ӧнда кьр, чьмки әw Хwәдейе пироз ә у хьраби бәр чʹәʹве wи рʹәш ә (Һәбԛ. 1:13). Һәрге Йаһоwа сәр гӧне Адәм у Һеwайе чʹәʹве хwә бьгьрʹта, ахьрийа һʹәму әʹфрина wе хьраб буйа. Хенщи ве йәке, һәрге Йаһоwа ӧса бькьра, wи чахи әw wе бьһата һʹәсабе wәки әw хwәйе гьлийед хwә нинә. Ле Йаһоwа ԛанунед хwә хwәй дькә у тʹьме гьлийед хwә тинә сери (Зәб. 119:142). Рʹаст ә азайа Адәм у Һеwайе һәбу бона бьжартьне, ле әw нәдьһатә һʹәсабе wәки изьна wан һәбу ԛануна Хwәде бьтʹәрʹьбиньн. У чьмки әwана һьмбәри Йаһоwа рʹабун, ләма ахьрийа wан мьрьн бу, әwана вәгәрʹийанә ахе жь чь жи һатьбун чекьрьне (Дәстп. 3:19). w17.02 1:8, 10, 11

Иса жь дәстпека хьзмәтийа хwә, бь рʹебәрийа Ньвисара дьжит. Һәла һе бәр мьрьне жи, әwи пʹехәмбәртийед дәрһәԛа Мәсиһ жь Хәбәра Хwәде wәкʹьланд (Мәт. 27:46; Луԛа 23:46). Ле сәрwеред религийа кӧ wи чахи һәбун, жь Иса гәләк щӧдә дьбун. Чахе wанрʹа дәст нәдьда, wана Хәбәра Хwәде нәдьани сери. Иса, гьлийед Йаһоwа дәрһәԛа wан wәкʹьланд, кʹижан кӧ Ишайа ньвисийә: «Әва щьмәʹта бь заре хwә ԛәдьре мьн дьгьрә, ле дьле wан жь мьн дур ә. Бадиһәwа мьн дьһʹәбиньн, тʹәмийед мәрьва чаwа ԛанунед мьн щьмәʹте һин дькьн» (Мәт. 15:7-9). Иса нә кӧ тʹәне бь кьред хwә дьда кʹьфше кӧ пәй рʹебәрийа Хәбәра Хwәде дьчә, ле ӧса жи бь wе йәке чахе щьмәʹт һин дькьр. Чахе сәрwеред религийа Иса дьщерʹьбандьн, әwи пе аԛьле хwә щаба wан нәдьда у нә жи дьда кʹьфше wәки әw жь wана бьльндтьр ә. Ле әwи тʹьме сәр һʹиме Ньвисара хәбәр дьда (Мәт. 22:33-40). w17.02 3:18, 19

Шәʹдед Йаһоwа бь ԛәдьр ьн һьндава мәрьвед дәwләте. Ле бәле, ԛәйде ԛәдьргьртьне һьндава мәрьвед дәwләте һʹәму wәлатада нә мина һәв ә. Чахе әwана тьштәки жь мә дәwа дькьн, әм гӧрʹа wан дькьн һәрге әw йәк мьԛабьли ԛануна Хwәде нинә. Әм нькарьн бона хатьре wан гӧрʹа Хwәде нәкьн, мәсәлә бькʹәвьнә нав шьхӧле политике (1 Пәт. 2:13-16). Әм дькарьн жь хьзмәткʹаред Йаһоwайи бәре һин бьн, кӧ чаwа ԛәдьре сәрwеред дәwләте бьгьрьн. Мәсәлә, чахе Ԛәйсәре Императорийа Рʹомайе фәрман да wәки мәрьв wәлатда бенә навньвисаре, Усьв у Мәрйәме һәма ӧса жи кьрьн. Әwана чун Бәйтʹләһме сәва наве хwә бьдьнә ньвисаре. Wи чахи Мәрйәм гьран бу, зутьрәке wе зарʹа пешийе жерʹа бьбуйа (Луԛа 2:1-5). Паwлос жи мәрʹа мәсәләкә баш һишт. Чахе әw бемәʹни нәһәԛ кьрьн йанчь әwи ԛанун тʹәрʹьбандийә, әwи бь ԛәдьр-һӧрмәте бәр Һеродәс Әгрипа Пʹадша у Фесторе сәрwер, хwә хwәй дькьр (Кʹар. Шанд. 25:1-12; 26:1-3). w17.03 1:9, 10

Гава Исраелийа гӧнә дькьрьн кӧ чʹәʹв дьданә Кәнанийа, wана ԛәбулкьрьна Йаһоwа у хwәйкьрьна wи ӧнда кьрьн (Һʹакьм. 2:1-3, 11-15; Зәб. 106:40-43). Бь рʹастийе, wәʹде wан салед чәтьн, чьԛас чәтьн бу кӧ Исраелийед хwәдехоф амьн бьмана Йаһоwарʹа! Ле Кʹьтеба Пироз гьли дькә, кӧ wи wәʹдәйида һәбун мәрьвед амьн, мәсәлә Йәфтаһ, Әлкана, Һанна, у Самуйел. Wана гьшка дьхwәст ԛәбулкьрьна Хwәде бьстиньн (1 Сам. 1:20-28; 2:26). Әм дьжин ве дьнйайеда, кʹидәре кӧ мәрьв мина wан Кәнанийа дьфькьрьн у дькьн. Чаwа бәре, иро жи мәрьв тʹәне дәрһәԛа сексе, зорбәтийе, у һәбуне дьфькьрьн. Ле Йаһоwа тʹәми у ширәта дьдә мә, чаwа дьда Исраелийа, сәва кӧ әм хwә жь wан тьшта хwәй кьн. Әм гәрәке жь шашийед Исраелийа хwәрʹа дәрсе һьлдьн (1 Корн. 10:6-10). Әм гәрәке хwә дур бьгьрьн жь wан фькьр у кьред ве дьнйайе хьраб (Рʹом. 12:2). Ле әм бона ве йәке чь дькьн? w16.04 1:4-6

Чахе әм гәрәке сафикьрьнед мәзьн бькьн, гәләк фәрз ә ширәтед жь Кʹьтеба Пироз бьгәрʹьн у дӧада жь Йаһоwа һиви кьн wәки рʹебәрийе бьдә мә. Йаһоwа ӧса жи дькарә һʹӧнӧред ӧса бьдә мә, wәки сафикьрьнед рʹаст бькьн. Фәрз ә тʹьме пьрсед ӧса бьдьнә хwә: Гәло әв сафикьрьн wе бьдә кʹьфше кӧ әз Йаһоwа һʹьз дькьм? Гәло әw wе шабуне у әʹдьлайе бькә малбәта мьн? У гәло бь ве сафикьрьне wе бе кʹьфше кӧ сәбьра мьн һәйә у кӧ әз ԛәнщ ьм? Йаһоwа зоре мә накә, wәки wи һʹьз бькьн у жерʹа хьзмәт кьн. Азайа бьжартьне Йаһоwа дайә мә. Әw ԛәдьре бьжартьна мә дьгьрә у ләма дьхwазә кӧ әм хwәха сафи кьн wирʹа хьзмәт кьн йан на (Йешу 24:15; Wаиз 5:4). Ле Йаһоwа дьхwазә wәки әм пе рʹебәрийа wи сафикьрьна бькьн. Һәрге әм итʹбарийа хwә рʹебәрийа wи биньн у принсипед wи биньн сери, әме сафикьрьна бь билани бькьн у һʹәму гавед хwәда ԛәwи бьсәкьньн (Аԛуб 1:5-8; 4:8). w17.03 2:17, 18