Әве Брошуре Чаԝа Бьдьнә Хәбате

Ве брошуреда бона һәр рʹожәке рʹез һәйә у әʹламәти дәрһәԛа ве рʹезе. Рʹаст ә кʹәнге ԝәрʹа дәст дьдә һун ԝи чахи дькарьн рʹеза рʹоже у әʹламәтийе бьхуньн, ле гәләка тʹәхмин кьрьнә, ԝәки шәбәԛа һе керһати йә бьхуньн, чьмки тʹәмамийа рʹоже дькарьн дәрһәԛа ве рʹезе бьфькьрьн. Ԝе дьһа керһати бә һәрге тʹәви малбәта хԝә рʹеза рʹоже шеԝьр кьн. Нав тʹәмамийа дьнйайеда нәфәред Бәйтʹәле ԝәʹде тәʹште дьхуньн.

Әԝ әʹламәти жь «Бьрща Ԛәрәԝьлийе» (ԝ) һатьнә һьлдане, жь дәрхьстьна мәһа Нисане 2019 һʹәта Адаре 2020. Номер кʹижан кӧ паши һәр номера дәрхьстьна журнале ньвисар ьн, тенә һʹәсабе номеред готара. Паше ида те ньвисаре номера абзаса, жь кʹидәре әʹламәти һатийә һьлдане. (Бьньһерʹьн мәсәла жере.) Әʹламәтийед зедә һун дькарьн бьхуньн готареда кӧ рʹеза рʹожеда кʹьфш кьри йә.