Кануна Пешьн

Щарна дьбә кӧ әм һьнә тьшт жь Кʹьтеба Пироз рʹьнд фәʹм накьн. Йан жи дьбәкә Йаһоԝа ӧса щаба дӧайед мә надә, чаԝа кӧ әм һивийе нә. Сәва ве йәке, шьк дькарьн бькʹәвьн дьле мә. Һәгәр әм һаш жь хԝә тʹӧнә нәбьн, әв шьк дькарьн баԝәрийа мә сьст бькьн у достийа мә тʹәви Йаһоԝа хьраб бькьн (Аԛуб 1:7, 8). Сәрда жи, әԝана дькарьн бьбьн сәбәб кӧ әм һевийа хԝә ӧнда бькьн. Паԝлос һевийа мә бәрамбәри ләнгәре кьр (Ибрани 6:19). Ԝәʹде фьртонәке, ләнгәр гәмийе ԛайим дьгьрә, ԝәки әԝ нәкʹәвә бәр пʹела у ль зьнара нәкʹәвә. Ле һәгәр зьнщира кӧ ләнгәр дьгьрә бьԛәтә, кʹара ләнгәре ԝе ԛәт тʹӧнә бә. Чаԝа кӧ жәнг дькарә зьнщира ләнгәре сьст бькә, шькед кӧ жь һʹьш у дьле мә дәрнайен дькарьн баԝәрийа мә сьст бькьн. Ԝәʹде пәйкʹәтьна, шьк дькарьн баԝәрийа мә кӧ Йаһоԝа ԝе созед хԝә бинә сери, сьст бькьн. Һәгәр әм баԝәрийа хԝә ӧнда кьн, әме һевийа хԝә жи ӧнда кьн. Мәрьвәки ӧса ԛә ԝе бькарьбә шабуна хԝә хԝәй бькә? w21.02 30 ¶14-15

Чахе Бьраһим тʹәви малбәта хԝә жь бажаре Уре дәркʹәт, әʹмьре ԝи дьбәкә жь 70 сали зедәтьр бу (Дәстп. 11:31–12:4). Ль ԝәлате Кәнане, Бьраһим ԝәкә 100 сал конада дьжит. Бьраһим 175 сал әʹмьр кьр, ле ԝи пекһатьна созе Йаһоԝа кӧ әԝе ԝәлате Кәнане бьдә зӧрʹәта ԝи, нәдит (Дәстп. 25:7). Ӧса жи, әԝи сазкьрьна бажер, демәк сазкьрьна Пʹадшатийа Хԝәде жи нәдит. Бәле, Бьраһим чьԛас жи рʹасти гәләк тәнгасийа дьһат, әԝи баԝәрийа хԝә хԝәй дькьр у әԝ бь дьлхԝәши һивийа Йаһоԝа дьма. Гәло чь али Бьраһим дькьр кӧ әԝ сәбьр бькә? Йаһоԝа әԝ һәр тʹьм дьпʹараст у ԝәк досте хԝә дьдит (Дәстп. 15:1; Иша. 41:8; Аԛуб 2:22). Ԝәк Бьраһим, әм жи һивийа Пʹадшатийа Хԝәде нә (Ибрн. 11:10). Һьлбәт нә лазьм ә кӧ әм һивийа сазкьрьна Пʹадшатийа Хԝәде бьминьн, чьмки сала 1914-да, Пʹадшати ида һат саз кьрьн у ль әʹзмана һʹӧкӧм дькә (Әʹйан. 12:7-10). Ле бәле, әм һивийе нә кӧ Пʹадшатийа Хԝәде ль сәр әʹрде жи һʹӧкӧм бькә. w20.08 4-5 ¶11-12

Әм гәрәке мьлук у бь сәбьр бьн сәва рʹьнд гӧһ бьдьнә хушк-бьра. Ԝәрә әм се мәʹнийа шеԝьр кьн, кӧ чьрʹа һежа йә әм ве йәке бькьн. Йа пешьн, әме дәрберʹа дәрһәԛа мәрьва хьраб нәфькьрьн. Йа дӧда, әме фәʹм кьн, ԝәки әԝана чь сәр хԝә тʹәхмин дькьн, у тедәрхьн кӧ мәʹнийа гьли у кьред ԝан чь йә. Әԝ йәк ԝе али мә бькә, кӧ һьндава ԝанда дьлшәԝат бьн. Йа сьсийа, әме бькарьбьн али ԝан бькьн, һәрге ԝана рʹьнд нас кьн. Щара әм бь тʹәмами хԝәха хԝә жи фәʹм накьн, һʹәта кәсәкирʹа дьле хԝә вәнәкьн. Һьнә хушк-бьрарʹа чәтьн ә кәсәкирʹа дьле хԝә вәкьн бона әʹмьре хԝәйи бәре, әʹдәте мьләте хԝә, йан жи хәйсәте хԝә. Һьнә хушк-бьрарʹа дьбәкә ԝәʹдә лазьм ә сәва кӧ итʹбарийа хԝә мә биньн. Ләма жи һәрге әм сәбьреда чʹәʹв бьдьнә Йаһоԝа, әԝана ԝе ахьрийеда итʹбарийа хԝә мә биньн. У гава әԝана дьле хԝә мәрʹа вәкьн, әм гәрәке рʹьнд гӧһ бьдьнә ԝан. w20.04 15-16 ¶6-7

Ниве зәʹф мәʹси щийед ӧса һʹьз дькьн кʹидәре ав хԝәш ә у хԝарьн пʹьрʹ ә. Жь бо мәʹсигьрийе, ԝәхт жи фәрз ә. Мәсәлә, ль гьравәкә Пасифике, бьраки гази мисйонерәки кьр кӧ әԝ бь һәврʹа бәреда мәʹсийа бьгьрьн. Әв мисйонер ӧса гот: «Баш ә, бьра әм дь сьһʹәта 9-да дәркʹәвьн!» Бьра ӧса щаб да: «На, ӧса набә! Гәрәке әм ԝәʹде ӧса һәрʹьн кӧ жь бо мәʹсигьртьне баш ә, нә кӧ чахе мәрʹа дәст дьдә». Ԛьрʹна йәкеда, шагьртед Иса ль ԝәхта һәри баш дьчун ль ԝедәре кʹидәре кӧ «мәʹси» һәбун. Мәсәлә, ԝана мьзгин пʹарьстгәһеда, кʹьништада, мал бь мал у базареда бәла дькьр (Кʹар. Шанд. 5:42; 17:17; 18:4). Гәрәке әм жи бьзаньбьн кӧ кʹижан ԝәхт бона мәрьвед мьһала мәда баш ә у һазьр бьн планед хԝә бьгӧһезьн ԝәки мәрьва бьвиньн (1 Корн. 9:19-23). w20.09 4 ¶8-9

Щурʹәк кӧ тʹәви Иса бьбьнә дост әв ә кӧ пьштгьрийа тʹәшкиләта Йаһоԝа бькьн. Чахе әм һәвкʹарийе дькьн тʹәви бьред щабдар, йед кӧ бь һʹьзкьрьне рʹебәрийе мә дькьн, әм дьһа незики Иса дьбьн, йе кӧ сәре щьвате йә (Әфәс.  4:16.) Мәсәлә, ԝан пашԝәхтийа тʹәшкиләта мә сафи кьр, ԝәки Одед Щьвата бь тʹәмами бьдьнә хәбате. Бона ве йәке һьнә щьват тʹәви щьватед дьн дьбьнә йәк. Бь сайа ве йәке, пʹәре ԛӧрбанкьри тенә хԝәйкьрьне, чьмки хәрщед тʹәшкиләта мә кем дьбьн. Ле жь бо ве йәке һьнә хьзмәткʹар гәрәке һини дәрәщед тʹәзә бьн. Дьбәкә әԝ хьзмәткʹаред амьн гәләк сала щьватәкеда ньн у ида һини хушк-бьред ве щьвате бунә, ле ньһа ԝанрʹа дьбежьн, ԝәки щьватәкә дьнда хьзмәт кьн. Иса гәләк ша дьбә чахе дьвинә, кӧ әԝ хушк-бьред амьн сафикьрьна тʹәзә ԛәбул дькьн. w20.04 24 ¶14

Пʹадше бакӧре у пʹадше башуре бәрдәԝам дькьн һәврʹа бькʹәвьнә һʹӧщәте, сәва һʹӧкӧме хԝә сәр дьнйайе мәзьн кьн. Мәсәлә, дина хԝә бьдьн чь ԛәԝьми паши Шәрʹе Һʹәмдьнйайе II чахе Йәктийа Совйәте у пьштгьред ԝе ниве Әԝропайе зедәтьр кьрьнә бьн дәсте хԝә. Әԝ кьред пʹадше бакӧре, мәщбур кьрьн пʹадше башуре, ԝәки тʹәви ԝәлатед дьн пәйман гьредә, сәва ордийед хԝә бькьнә йәк, у ӧса тʹәшкиләта бь наве НАТО саз бу. Пʹадше бакӧре у пʹадше башуре бәрдәԝам дькьн һәврʹа дькʹәвьнә һʹӧщәте бь ве йәке, кӧ пʹәре ԛальм хәрщ дькьн, сәва чʹәкед ԝанә лапә ԛәԝи һәбьн. Пʹадше бакӧре тʹәви пʹадше башуре дькʹәтә һʹӧщәте ӧса жи бь ве йәке, кӧ ԝәʹде шәрʹа пьштгьрийа дьжмьнед ԝи дькьр Африкайеда, Асйайеда, у Америкайа Латинида. Ԝан салед пашԝәхтийеда, Русйа у пьштгьред ԝе һʹӧкӧме хԝә дьнйайеда һе зедә дькьн. Пʹадше бакӧре у пʹадше башуре һәв нәһәԛ дькьн ве йәкеда, кӧ пе програмед компӧтәре зийане дьдьнә система һәвә економики у политики. Ль гора пʹехәмбәртийа Данийел, пʹадше бакӧре ӧса жи бәрдәԝам дькә пәй щьмәʹта Хԝәде кʹәвә (Дан. 11:41). w20.05 13 ¶5-6

«Ма пирәк дькарә кӧ лаԝе хԝәйи бьмәмьква бир бькә?» Әԝ пьрс Йаһоԝа да ԝәʹде рʹожед пʹехәмбәре хԝә Ишайа. Ле Хԝәде готә щьмәʹта хԝә: «Бәле, әԝ дькарьн бир бькьн, ле бәле әз тә бир накьм!»  (Иша. 49:15) Ве дәрәщеда Йаһоԝа хԝә бәрамбәри де дькә. Йаһоԝа дәрһәԛа һәләԛәтийа ортʹа де у зарʹе мәсәлә ани, ԝәки бьдә кʹьфше, кӧ әԝ хьзмәткʹаред хԝә чьԛас һʹьз дькә. Гәләк де сәр хԝә тʹәхмин дькьн ве йәке, чь кӧ хушка мә Жасмин сәр хԝә тʹәхмин кьрийә. Әԝ дьбежә: «Чахе де бона зарʹа хԝә хәм дькә, һәләԛәтийа ортʹа ԝан гәләк ԛәԝи дьбә у әԝ һәләԛәти тʹәмамийа әʹмьре ԝанда бәрдәԝам дьбә». Һәла һе жи чахе тʹәне зарʹокә Йаһоԝа щьвате дьһелә у ида хьзмәтийеда кʹар накә, Әԝ дәрһәԛа ве зарʹа хԝә жи занә. Гәләк хушк-бьра кӧ рʹӧһʹанида сьст бунә, диса вәдьгәрʹьн щьвате у дьле мә сәва ԝан гәләк ша дьбә! Йаһоԝа у ӧса жи әм, бь дьл у щан дьхԝазьн кӧ әԝана вәгәрʹьн (1 Пәт. 2:25). w20.06 18 ¶1-3

Әм нә һʹәму хьзна дькарьн бьвиньн. Бь рʹасти хьзнәкә һәрә ԛимәт найе дитьне. Иса чахе сәр чʹийе мәрьв һин дькьрьн, әԝи бәʹса хьзнед әʹзмани кьр, кӧ һьмбәри һәбука мәрьва, лапә ԛимәт ьн. Паше Иса гот: «Хьзна тә кʹидәре бә, дьле тә жи ԝе ль ԝе дәре бә» (Мәт. 6:19-21). Дьле мә ԝе мә бәрбь ван тьшта бькʹьшинә, кʹижан кӧ бона мә гәләк ԛимәт ьн. Әм хԝәрʹа «хьзне . . . ль әʹзмен» тʹоп дькьн, чахе бәр Хԝәде навәки баш ԛазанщ дькьн. Чаԝа кӧ Иса шьровәкьр, әв хьзнә тʹӧ щар нькарә хьраб бә у тʹӧ кәс нькарә бьдьзә. Паԝлосе шанди һелане дьдә мә, ԝәки чʹәʹве хԝә сәр «тьштед . . . кӧ найен дитьн» хԝәй кьн (2 Корн. 4:17, 18). Нава ԝан хьзнада йед кӧ найенә дитьне, әԝ кʹәрәм ьн жи, кʹижан кӧ әме дьнйа тʹәзәда бьстиньн. Ле гәло әм рʹазибуна хԝә бона ван пʹешкʹеша дьдьнә кʹьфше? w20.05 26 ¶1-2

Чь кӧ Муса ԝана һин дькьр, баԝәрийа ԝан дьшьданд у әԝана гәш дькьрьн мина барана нәрм у хԝәш кӧ шинкайе гәш дькә. Ле ча әм дькарьн баԝәр бьн, кӧ щурʹе һинкьрьна мә жи мәрьва гәш дькә? Чахе әм мал бь мал йан жи щики майин хьзмәт дькьн, әм пе Кʹьтеба Пироз мәрьварʹа нишан дькьн, ԝәки наве Хԝәде Йаһоԝа йә. Әм дькарьн ӧса жи ԝанрʹа әʹдәбйәтед мәйи бәдәԝ нишан кьн, видеойед һʹәԝас у тьштед дьн сәр малпәра мә, йед кӧ Йаһоԝа рʹумәт дькьн. Сәр хәбате, мәкʹтәбеда, йан ԝәʹде рʹеԝитийе, әм гәрәке мәщале жь дәсте хԝә бәрʹнәдьн, кӧ дәрһәԛа Хԝәдайе мәйи һʹьзкьри ԝанрʹа гьли кьн. Чахе әм мәрьварʹа дәрһәԛа ԛьрара Йаһоԝа һьндава инсанәте у әʹрде гьли дькьн, әм ԝанарʹа әʹйан дькьн кӧ бь рʹасти Йаһоԝа чьԛас мә һʹьз дькә. У гава әм мәрьварʹа дәрһәԛа Баве хԝәйи һʹьзкьри рʹастийе дьбежьн, бь ве йәке әм наве Хԝәде пироз дькьн. Әм ӧса жи али мәрьва дькьн ԝәки фәʹм кьн, кӧ әԝана һатьнә хапандьне, чьмки дәрһәԛа Йаһоԝа тьштед дәрәԝ әԝана һин кьрьнә. Чь кӧ әм мәрьва жь Кʹьтеба Пироз һин дькьн, әԝ йәк ԝана гәләк дьлгәрм дькә (Иша. 65:13, 14). w20.06 10 ¶8-9

Кʹижан һʹӧнӧр мәрʹа лазьм ьн, ԝәки али ԝан бькьн, йед кӧ дьхԝазьм вәгәрʹьн щәм Йаһоԝа? Дина хԝә бьдьне, жь мәтʹәлока Иса дәрһәԛа кӧрʹе кӧ жь мал чу, әм чь дькарьн һин бьн (Луԛа 15:17-24). Әв кӧрʹ ахьрийеда һатә сәр һʹьше хԝә у сафи кьр вәгәрʹә мала хԝә. Бав дьрʹәвә пешийа  кӧрʹ, ле һʹәмез дькә у һʹьзкьрьна хԝә ԝирʹа дьдә кʹьфше. Исафа кӧрʹ ԝи дьчәрчьранд у әԝи гот кӧ һежайи кӧрʹтийа баве хԝә нинә. Ле гава бав әԝ  йәк бьһист, дьле ԝи шәԝьти. Паше бав пе кьред хԝә избат кьр, ԝәки ша йә кӧ әԝ вәгәрʹийа мал, у ԝи ԛәбул кьр ча кӧрʹе хԝәйи дәлал. Әԝи сьфрәкә гәләк мәзьн вәкьр у чӧхе лапи рʹьнд кӧрʹе хԝә кьр, йе кӧ тʹобә кьр. Йаһоԝа жи мина ԝи баве жь мәтʹәлоке, зарʹед хԝәйә кӧ дьхԝазьн вәгәрʹьн щәм ԝи, гәләк һʹьз дькә. Һәрге әм чʹәʹв бьдьнә Йаһоԝа, әме бькарьбьн али ԝан хушк-бьра бькьн, ԝәки вәгәрʹьнә щьвате. Ле бона ве йәкә, әм гәрәке дьлшәԝат бьн, бь сәбьр у бь һʹьзкьрьн бьн. w20.06 25-26 ¶8-9

Иса гот кӧ һьнә мәрьв ԝе «бь әшԛ у ша» рʹастийе ԛәбул кьн, ле гава әԝана рʹасти чәтьнайа бен, баԝәрийа ԝан ԝе сьст бә (Мәт. 13:3-6, 20, 21). Мәсәлә, дьбәкә әԝ мәрьв нә жи дьфькьрьн, кӧ һәрге бьбьнә шагьртед Мәсиһ, ԝе рʹасти чәтьнайа бен (Мәт. 16:24). Йан жи дьбәкә әԝана дьфькьрьн, кӧ һәрге бьбьнә Мәсиһи, проблемед ԝан ԝе тʹӧнә бьн, демәк ԝе бь әʹмьрәки пе кʹәрәмәта у бе чәтьнайи бьжин. Ле әм заньн ԝәки ве дьнйа гӧнәкʹарда проблем ԝе һәбьн. Әʹмьре мәда дькарә тьштәк бе гӧһастьне у әм ԝәʹдәлу шабуна хԝә ӧнда кьн (Зәб. 6:6; Ԝаиз 9:11). Һʹәчʹи зәʹф хушк-бьред мә дьдьнә кʹьфше, ԝәки әԝана дӧдьли ниньн, кӧ ԝана рʹасти дитийә. Чьрʹа әм дькарьн ӧса бежьн? Баԝәрийа ԝан сьст набә һәла һе һьнге жи, гава щьватеда кәсәк дьле ԝан дешинә, йан жи хԝә нәщайиз дьдә кʹьфше (Зәб. 119:165). Гава әԝана рʹасти чәтьнайа тен, баԝәрийа ԝан дьһа ԛәԝи дьбә, нә кӧ сьст дьбә (Аԛуб 1:2-4). Баԝәрийа мә жи гәрәке ӧса ԛәԝи бә. w20.07 8 ¶1; 9 ¶4-5

Пешийа кӧ тӧ хԝәндьна Кʹьтеба Пироз дәстпеки, жь Йаһоԝа аликʹарийе бьхԝазә кӧ тӧ жь хԝәндьне кʹаре бьстини. Мәсәлә, һәгәр проблемәкә тә һәбә у тӧ ньзани кӧ ве проблеме чаԝа сафи бьки, жь Йаһоԝа аликʹарийе бьхԝазә кӧ тӧ принсипед керһати бьвини, йед кӧ дькарьн рʹебәрийа тә бькьн (Фили. 4:6, 7). Әв йәк кӧ әм дькарьн тьшта бьдьнә бәр чʹәʹве хԝә, пʹешкʹешәкә жь Хԝәде йә. Гава тӧ Кʹьтеба Пирозда дәрһәԛа кәсәки дьхуни, һʹале ԝи бьдә бәр чʹәʹве хԝе. Хԝә дәԝса ԝи дайнә у бинә бәр чʹәʹве хԝе кӧ әԝи чь дьдит у чь тʹәхмин дькьр. Әв йәк ԝе али тә бькә кӧ тӧ жь хԝәндьна Кʹьтеба Пироз дьһа зедә кʹаре бьстини. Паше кʹур бьфькьрә. Ль сәр рʹезед кӧ тӧ дьхуни кʹур бьфькьрә у тедәрхә кӧ әԝ бона тә чьрʹа керһати нә. Әв йәк ԝе али тә бькә кӧ тӧ тʹемайе дьһа баш фәʹм бьки. Гәло чаԝа? Бинә бәр чʹәʹве хԝә кӧ тӧ дьхԝази хԝарьнәкә хԝәш чеки. Нә бәс ә кӧ һәр тьшт бәр дәсте тә һәбә. Лазьм ә кӧ тӧ һәр тьшти рʹаст бьди хәбате. Фькьрандьн али мә дькә бь тʹәмами сәр дәрәща бьньһерʹьн. w21.03 15 ¶3-5

Паԝлосе шанди дькарьбу сәва сафикьрьнед хԝә пʹошман буйа у бьфькьрийа кӧ һәгәр әԝ нәбуйа шагьрте Иса Мәсиһ, әԝе нәкʹәта кәле. Әԝи дькарьбу мәрьвед һәрема Асйайеда, йед кӧ пьшта хԝә дабунә ԝи, һерс кʹәта у итʹбарийа хԝә һьндава достед хԝә йед дьн ӧнда бькьра. Гава әԝ ль бәр мьрьне бу, Паԝлос диса жи бир нәдькьр кӧ тьште һәри фәрз әв ә кӧ әԝ рʹумәте бьдә Йаһоԝа. Ӧса жи, әԝ дьфькьри кӧ әԝ чаԝа дькарә кәсед дьн һелан бькә. Әԝи хԝә дьспарт Йаһоԝа у «һәр гав шәв у рʹож» дӧа дькьр. Әԝи бь зедәйи дина хԝә нәдьда кәсед кӧ пьшта хԝә дабунә ԝи, ле сәва аликʹарийа достед хԝә йед амьн, рʹази бу. Ӧса жи, Паԝлосе шанди Хәбәра Хԝәде бәрдәԝам леколин дькьр (2 Тимотʹейо 3:16, 17; 4:13). Йа һәри фәрз жи, әԝ баԝәр бу кӧ Йаһоԝа у Иса Мәсиһ ԝи һʹьз дькьн. w21.03 18 ¶17-18

Ԛьрʹна дӧдада Д.М., Мәсиһийед ԛәлп кʹәтьнә нава щьвата Мәсиһитида. Әԝана һинкьрьнед пʹутпʹарьста бәла дькьрьн у рʹастийед жь Хәбәра Хԝәде вәдьшартьн. Жь ԝи ԝәʹдәйи, һʹәта хьлазийа ԛьрʹна 19, сәр әʹрде тʹәшкиләта Хԝәде тʹӧнә бу. Мәсиһийед ԛәлп мина зиԝана гәләк бәла бун, ләма жи чәтьн бу тедәрхьн, кӧ бь рʹасти Мәсиһийед рʹаст кʹе нә (Мәт. 13:36-43). Ль гора Данийел сәре 11, те кʹьфше кӧ жь сала 100 һʹәта сала 1870 пʹадше бакӧре у пʹадше башуре тʹӧнә бун, чьмки ԝи чахи тʹәшкиләта Хԝәде тʹӧнә бу, кӧ ԝана һʹьщуми сәр  кьрана. Ле паши сала 1870 пʹадше бакӧре у пʹадше башуре хӧйа бун. w20.05 3 ¶5

Ван рʹезада Йоԝел пʹехәмбәртийе дькә, кӧ кʹома кӧлийа ԝе әʹрде Исраеле хьраб кьн кӧ һʹәму гиһайе әʹрде кӧта кьн (Йоԝл. 1:4). Нава гәләк салада, мә әв пʹехәмбәрти ӧса фәʹм дькьр, кӧ кӧли бь симболик щьмәʹта Йаһоԝа йә, рʹийа кʹижани тʹӧ тьшт нькарә бьгьрә сәва мьзгинийе бәла кә. Мә ӧса жи фәʹм дькьр, кӧ әԝ шьхӧле мә, хьраб һʹӧкӧм дькә сәр «әʹрде», демәк сәр ԝан мәрьва, кӧ бьн дәсте сәрԝеред религийада ньн. Ле әм гәрәке контекста ве пʹехәмбәртийе бь тʹәмами һьлдьн һʹәсаб, чьмки һьнге әме ида тедәрхьн, ԝәки лазьм ә щурʹәки майин фәʹм кьн. Дина хԝә бьдьне кӧ дәрһәԛа ԝан кӧлийа Йаһоԝа чь соз да: «Әзе артеша бакӧр [кӧлийа] жь сәр ԝәва дур бьхиньм» (Йоԝл. 2:20). Һәрге кӧли бь симболик Шәʹдед Йаһоԝа нә, йед кӧ гӧрʹа тʹәмийа Иса дькьн у мьзгинийе бәла дькьн, ле чьрʹа Йаһоԝа созәки ӧса да, кӧ ԝе ԝана дур хә? (Һәзԛл. 33:7-9; Мәт. 28:19, 20) Бешьк, Йаһоԝа ԝе нә кӧ хьзмәткʹаред хԝәйә амьн дур хә, ле әԝед кӧ зьраре дьдьнә щьмәʹта ԝи. w20.04 3 ¶3-5

Һәгәр әм дьфькьрьн кӧ Йаһоԝа щаба дӧайе мә һе нәдайә, гәрәке әм чь бькьн? Гәрәке әм бәрдәԝам кьн дӧа бькьн у жь Йаһоԝа биланийе бьхԝазьн. Йаһоԝа бона ве йәке жь мә әʹщьз набә у һерс накʹәвә. Һәгәр әм бона биланийе дӧа бькьн, ԝәки бькарьбьн ль һьмбәри тәнгасийа сәбьр кьн, Баве мәйи әʹзмани ԝе «бь мәрʹдани» биланийе бьдә мә (Зәбур 25:12, 13). Әԝ тәнгасийед мә дьвинә, дьле ԝи сәр мә дьшәԝьтә, у әԝ һәртʹьм һазьр ә кӧ али мә бькә. Нә әв йәк дьле мә ша дькә! Ле пьрсәкә дьн жи пешда те: Гәло Йаһоԝа чаԝа биланийе дьдә мә? Бь сайа Кʹьтеба Пироз (Мәтʹәлок 2:6). Сәва кӧ әм ве биланийе бьстиньн, гәрәке әм Кʹьтеба Пироз у әʹдәбйәтед ль сәр һʹиме Кʹьтеба Пироз леколин бькьн. Һьлбәт нә бәс ә кӧ әм тʹәне занәбуна хԝә зедә бькьн. Гәрәке әм гӧһ бьдьн ширәтед Хԝәде у ль гора биланийа ԝи бьжин. Аԛуб ӧса ньвиси: «Хәбәре бьԛәдиньн, нә кӧ тʹәне бьбьһен» (Аԛуб 1:22). Чахе әм һәр тьшти ль гора ширәтед Хԝәде бькьн, әме бьбьн мәрьвнә дьһа әʹдьлайиһʹьз, сәрԝахт у дьлрʹәʹм (Аԛуб 3:17). Әв һʹӧнӧр ԝе али мә бькьн кӧ әм нава тәнгасийада шабуна хԝә ӧнда нәкьн. w21.02 29 ¶10-11

Аликʹарийа хушк-бьра гәләк фәрз ә, ԝәки хԝәндәкʹаре Кʹьтеба Пироз бәрбь ньхӧмандьне һәрʹә. Һәр мьзгинван дькарә алийе хԝәда аликʹарийе бьдә ԝәки щьват мәзьн бә. Пешәнгәк ӧса дьбежә: «Дьбежьн кӧ зарʹ жь алийе тʹәмамийа гӧндва те мәзьнкьрьн. Бь тʹәхмина мьн, шьхӧле һазьркьрьна шагьрта жи ӧса йә. Сәва кӧ кәсәк бьбә Шәʹде Йаһоԝа, аликʹарийа тʹәмамийа щьвате лазьм ә». Гава зарʹ мәзьн дьбә, малбәт, һәвал у дәрсдар аликʹарийе дьдьнә ԝи. Әԝана зарʹ һелан дькьн у дәрсед фәрз ԝи һин дькьн. Мина ве йәке, һʹәму мьзгинван дькарьн бь ширәта, һелане у мәсәла хԝә али хԝәндәкʹаред Кʹьтеба Пироз бькьн кӧ әԝана бәрбь ньхӧмандьне һәрʹьн (Мәтʹәлок 15:22). Гәло ԝе чьма баш бә ԝәки мьзгинване кӧ һинбуна Кʹьтеба Пироз дәрбаз дькә, аликʹарийа мьзгинванед дьн ԛәбул бькә? Чьмки әԝана жи дькарьн али хԝәндәкʹари бькьн, ԝәки әԝ рʹӧһʹанида пешда һәрʹә. w21.03 8 ¶1-3

Һʹәму Мәсиһи ча щаһьл ӧса жи йед әʹмьрда мәзьн, гәрәке фәсал бьн кӧ ӧса нибә, һьн Йаһоԝарʹа хьзмәт кьн, һьн жи тьштед нәрʹаст бькьн. Йуһʹәнна да кʹьфше ԝәки әм нькарьн һьн нава рʹастийеда бьжин, һьн жи бь әʹмьрәки нәщайиз бьжин (1 Йуһʹн. 1:6). Һәрге әм дьхԝазьн Йаһоԝа мә ԛәбул кә чаԝа ньһа ӧса жи ахьрийеда, әм гәрәке бир нәкьн, ԝәки Йаһоԝа һʹәму тьшти чь кӧ әм дькьн, дьвинә. Һәла һе жи чь әм дьзива дькьн кӧ тʹӧ кәс нькарә бьвинә, Йаһоԝа гьшки дьвинә, һәр тьшт ль бәр чʹәʹве ԝи вәкьри у әшкәрә йә (Ибрн. 4:13). Әм гәрәке жь ньһерʹандьна ве дьнйайе сәр гӧнә, хԝә дур хԝәй кьн. Ԝәʹде Йуһʹәннада рʹабәра дьготьн, ԝәки мәрьв дькарә ԝан тьшта бькә, чь кӧ бәр чʹәʹве Хԝәде нәрʹаст ә у һьн жи досте Хԝәде бә. Иро әм жи нав мәрьвед ӧсада дьжин. Гәләк мәрьв дьбежьн, ԝәки Хԝәде баԝәр дькьн, ле нәԛайил ьн тʹәви ньһерʹандьна Хԝәде сәр гӧнә, илаһи чахе хәбәрдан дьчә дәрһәԛа һәләԛәтийа сексуали. Чь кӧ бәр чʹәʹве Хԝәде гӧнә йә, әԝана дьбежьн әв йәк сәр хԝәстьна дьле мәрьва йә. w20.07 22 ¶7-8

Гава һʹәԝщә дьбә, гәло тӧ жи хушка дьпарези? Бьдьнә бәр чʹәʹве хԝә ве дәрәще: Һьнә мьзгинван дьвиньн кӧ хушкәкә кӧ мере ԝе Шәʹде Йаһоԝа нинә гәләк щара дәрәнг те щьвина, у паши щьвина зу дәрдькʹәвә. Әԝана дьвиньн кӧ әԝ зарʹокед хԝә гәләк щара найнә щьвина. Ләма әԝана дьфькьрьн кӧ гәрәке әԝ ль һьмбәри мере хԝә һе ԛәԝи бьсәкьнә, у әԝана ԝе сущдар дькьн. Ле бәле рʹасти әв ә кӧ хушка мә чь жь дәсте ԝе те дькә. Нә һәр тьшт бьн контрола ԝеда йә, у щарьна әԝ нькарә хԝәха сафи бькә кӧ гәрәке зарʹок чь бькьн. Һәгәр тӧ пʹайе ве хушке бьди у жь кәсед дьнрʹа бежи кӧ әԝ хушкәкә чьԛас баш ә, дьбә кӧ йед дьн ԝе ида лома ԝе нәкьн. Рʹуспийед щьвате жи бона һʹәԝщәдарийед хушка хәм дькьн. Әԝ заньн кӧ Йаһоԝа жи ве йәке дьхԝазә (Аԛуб 1:27). Ләма, рʹуспийед щьвате ԝәк Иса маԛул ьн у ԛәйдед нәһʹәԝщә данайньн, ле чьԛас кӧ жь дәсте ԝан те фькьред хушка һьлдьдьн һʹәсаб (Мәт. 15:22-28). Гава рʹуспийед щьвате һәр тьшти дькьн кӧ пьштгьрийа хушка бькьн, хушкед мә тʹәхмин дькьн кӧ Йаһоԝа ԝана һʹьз дькә у тʹәшкиләта ԝи бона ԝана хәм дькә. w20.09 24-25 ¶17-19

Данийел пʹехәмбәр тʹәмамийа әʹмре хԝә бь мьлукти рʹебәрийа Йаһоԝа дьгәрʹийа. Мәсәлә, гава Йаһоԝа әԝ бь кʹар ани кӧ хәԝна Нәбукәднәсәр шьровәкә, Данийел пʹехәмбәр бь мьлукти һʹәму пәсьн дан Йаһоԝа (Дан. 2:26-28). Дәрс жь бо мә чь йә? Һәрге хушк у бьра готаред мә бәгәм дькьн йан һәрге әм дь хьзмәтеда пешдачуйи нә, гәрәке әм пәсне Йаһоԝа бьдьн. Гәрәке әм бь мьлукти ԛәбул бькьн кӧ бе аликʹарийа Йаһоԝа, мәйе нькарьбуйа әв тьшт бькьрана (Фили. 4:13). Дь ви ԝарида, ԝе баш бә кӧ ньһерʹандьна мә ԝәк ньһерʹандьна Иса Мәсиһ бә. Иса хԝә дьспарт Баве хԝә Йаһоԝа (Йуһʹн. 5:19, 30). Ԝи тʹӧ щара нәдьхԝәст һʹӧкӧме Баве хԝә зәфте хԝә кә. Иса Мәсиһ һәр тʹьм гӧһ дьда Йаһоԝа, ԝи синоред хԝә заньбун, у ԝи ԛәдре һʹӧкӧмтийа Баве хԝә дьгьрт. Бәле, ԝи ԛәбул дькьр кӧ Баве ԝи жь ԝи мәзьнтьр ә. w20.08 11 ¶12-13

Һьнәк жи йед кӧ рʹийа жийинеда дьрʹәвьн, рʹасти чәтьнайа тен кӧ мәрьварʹа найенә кʹьфше у ләма мәрьв ԝана фәʹм накьн. Һәрге сьһʹәт-ԛәԝата ԝә хьраб ә у һун нькарьн һаԛас бона Йаһоԝа бькьн чьԛас дьхԝазьн, у дьфькьрьн кӧ тʹӧ кәс ԝә фәʹм накә, сәрһатийа Мәфибошәт дькарә дьлбинийе бьдә ԝә (2 Сам. 4:4). Бьдьнә бәр чʹәʹве хԝә, дәрде ԝи бәси ԝи нибу кӧ әԝ сәԛәт бу, сәрда жи Даԝьд Пʹадша нәһәԛи ԝи кьр. Ле әԝи изьн нәда, ԝәки әв чәтьнайи ԝи бькьн зӧлм. Әԝ әʹмьре хԝәда рʹази бу бона тьштед ԛәнщ, у ԛәнщийа кӧ Даԝьд бәре һьндава ԝида кьрьбу, әԝи дьшекьранд (2 Сам. 9:6-10). Чахе Даԝьд һьндава ԝида нәһәԛи кьр, әԝи һәр тьшт һьлда һʹәсаб. Ләма әԝ жь бо шашийа Даԝьд һерс нәкʹәт. У әԝи нә жи Йаһоԝа нәһәԛ дькьр, кӧ чьрʹа Даԝьд ӧса сәре ԝи кьр. Мәфибошәт дькʹәтә һʹәйра пʹадша, демәк бьжартийе Йаһоԝа, у дьфькьри кӧ ча әԝ дькарә али ԝи бькә (2 Сам. 16:1-4; 19:24-30). Йаһоԝа рʹебәри кьр, ԝәки сәрһатийа Мәфибошәт бона кʹара мә Хәбәра Ԝида бе ньвисаре (Рʹом. 15:4). w20.04 26 ¶3; 30 ¶18-19

Һьнә хушк у бьра ԝәк мисийонер, пешәнгед мәхсус у пешәнгед һәртʹьм тен кʹьфш кьрьн. Әԝана тʹәмамийа ԝәхте хԝә жь бо бәлакьрьна мьзгине хәрщ дькьн. Мал у мьлкʹе ԝан чьԛас һьндьк бә жи, Йаһоԝа бәрәкʹәтед мәзьн дьдә ԝан (Марԛ. 10:29, 30). Әм пʹьр ԛимәте дьдьн хушк у бьрайед ӧса, у әм ша нә кӧ әԝ пʹара щьвате нә. Щьватеда, гәло тʹәне рола бьрайед кʹьфшкьри у хьзмәткʹаред һәртʹьм һәйә? Һьлбәт на! Һәр мьзгинван жь бо Хԝәде у жь бо щьвате бьԛимәт ә (Рʹом. 10:15; 1 Корн. 3:6-8). Йәк жь нетед һәри фәрз йа щьвате әв ә, кӧ мәрьва бькә шагьртед Иса Мәсиһ (Мәт. 28:19, 20; 1 Тимтʹ. 2:4). Һʹәму әндәмед щьвате – йани һьм мьзгинванед кӧ һатьнә ньхӧмандьне, һьм жи әԝед кӧ һе нәһатьнә ньхӧмандьне – ви иши бь дьл у щан тиньн сери (Мәт. 24:14). w20.08 21 ¶7-8

Чаԝа жь рʹеза ве рʹоже әм дьвиньн, Иса ԝе пьштгьрийа мә бькә, гава әм рʹасти чәтьнайа бен. Готьнед Иса мерхасийе дьдьн мә. Гәло чьма? Щар щара, әм рʹасти тәнгасийед мәзьн тен. Мәсәлә, гава һʹьзкьрийәки мә дьмьрә, еша мә нә тʹәне бь чәнд рʹожа, ле дькарә бь гәләк сала бәрдәԝам бьбә. Ле һьнәк жь мә ида кал у пир бунә у бона ве йәке дьлтәнг дьбьн, һьнәк жи дькʹәвьнә депресйайе у жь бо ве йәке дьчәрчьрьн. Диса жи, әм сәбьр дькьн, чьмки әм заньн кӧ проблемед мә чьԛас мәзьн бьн жи, Иса «тʹьме» тʹәви мә йә (Мәт. 11:28-30). Хәбәра Хԝәде дьбежә кӧ Йаһоԝа бь сайа мәләка жи али мә дькә (Ибрн. 1:7, 14). Мәсәлә, гава әм мьзгина Пʹадшатийе мәрьвед жь щурʹә-щурʹә мьләтарʹа бәла дькьн, мәләк рʹебәрийа мә дькьн (Мәт. 24:13, 14; Әʹйан. 14:6). w20.11 13-14 ¶6-7

Әм дьхԝазьн кӧ хԝәндәкʹаре мә фәʹм бькә кӧ тьштед кӧ әԝ ԝәʹде һинбуне һин дьбә, жь Кʹьтеба Пироз ьн (1 Тʹеслн. 2:13). Әм  чаԝа дькарьн бьгьһижьн ве нете? Хԝәндәкʹаре хԝә һелан бькә кӧ әԝ бәʹса тьштед кӧ әԝ һин дьбә, бькә. Дәԝса кӧ тӧ һʹәму рʹеза ԝирʹа зәлал бьки, бежә кӧ бьра әԝ һьнә рʹеза тәрʹа зәлал бькә. Али хԝәндәкʹар бькә ԝәки әԝ бьвинә кӧ готьнед  Кʹьтеба Пироз чьма бона ԝи керһати нә. Паши хԝәндьна рʹезәке, бьпьрсә кʹа әԝ ль сәр ве рʹезе чь дьфькьрә (Луԛа 10:25-28). Мәсәлә, пьрсед ӧса бьпьрсә: «Әв рʹез дина тә дькʹьшинә сәр кʹижан һʹӧнӧре Йаһоԝа? Тӧ чаԝа дькари жь ве рʹезе кʹаре бьстини? Гәло фькра ве рʹезе ль тә хԝәш һат?» Тьште һәри фәрз нә әв ә кӧ занәбуна хԝәндәкʹар чьԛас гәләк бә, ле әв ә кӧ әԝ тьштед кӧ әԝ занә чьԛас һʹьз дькә у ван тьшта дь жийана хԝәда чьԛас пек тинә. Мәщале бьдә кӧ Кʹьтеба Пироз тә һин кә. Һәгәр тӧ дьхԝази бьби дәрсдарәки баш, гәрәке тӧ мьлук би. w20.10 15 ¶5-6

Ише бәлакьрьна мьзгина Пʹадшатийе ԝе дь ԝәхте рʹастда хьлаз бә. Дь рʹожед Нӧһда жи ӧса бу. Бәле, Йаһоԝа һәр тьшти дь ԝәхта рʹастда дькә. Ԝәкә 120 сал жь бәреда, Йаһоԝа готьбу кӧ Тофан ԝе кʹәнге дәстпебә. Бь дәһа сала шунда, Йаһоԝа әʹмьр да Нӧһ ԝәки әԝ гәмики ава бькә. Ԝәкә 40 йан 50 сал, Нӧһ бь хирәт дь ише авакьрьна гәмийеда хәбьти. Ӧса жи, мәрьва чьԛас гӧһ нәдьда ԝи жи, ԝи бәлакьрьна фәрмана Хԝәде бәрдәԝам дькьр һʹәта Йаһоԝа гот кӧ ԝәхт һатийә кӧ бькʹәвьн гәмийе. Паше, ль ԝәхта рʹаст, «пәй ԝирʹа Хӧдан дәри гьрт» (Дәстп. 6:3; 7:1, 2, 16). Дь дәмәкә незикда, Йаһоԝа ԝе мәрʹа бежә кӧ ише бәлакьрьна мьзгина Пʹадшатийе ида хьлаз буйә, у әԝе «дәри бьгьрә». Йаһоԝа ԝе система Мире-щьна ԛьрʹ бькә у дьнйа тʹәзә бь мәрьвед гӧһдар тʹьжә бькә. Һʹәта ԝе дәме, бьра әм Нӧһ у кәсед дьн, йед кӧ ‹рʹьһʹәти нәдьда дәсте хԝә› хԝәрʹа бькьн мәсәлә. Бьра әм бәрдәԝам бькьн дина хԝә бьдьн хьзмәте, бьсәбьр бьн у баԝәрийа хԝә бь Йаһоԝа у созед ԝи биньн. w20.09 13 ¶18-19

Һәгәр сәрити тʹӧнә буйа, малбәта Йаһоԝа ԝе нә бь организә нә жи бәхтәԝар буйа. Мәсәлә, тʹӧ кәси ԝе ньзаньбуйа кӧ кʹе гәрәке сафикьрьна бькә у кʹе гәрәке ван сафикьрьна бинә сери. Һәгәр сәрити тьштәки ӧса баш ә, гәләк жьн чьма бьн сәритийа меред хԝәда дьнальн? Чьмки проблем әв ә кӧ гәләк мер гӧһ надьн ԛанунед кӧ Йаһоԝа бона малбәте данинә, ле гӧһ дьдьн әʹрф-әдәтед мьһале йан мьләте хԝә. Ӧса жи, һьнә мер хԝәһʹьз ьн у тʹәви жьнед хԝә сәрт ьн. Бь ви щурʹәйи әԝана дьбәкә дьхԝазьн хԝәбаԝәрийа хԝә зедә бькьн йан жь кәсед дьнрʹа избат кьн кӧ әԝ «мер ьн». Әԝ бәлки дьфькьрьн кӧ тьште һәри фәрз нә әв ә кӧ жьн мере хԝә һʹьз бькә, ле әԝ гәрәке жь ԝи бьтьрсә. Меред ӧса, тьрсе дьдьнә хәбате ԝәки жьна хԝә контрол бькьн. Меред кӧ бь ви щурʹәйи дьфькьрьн у ӧса дькьн, ԛәдьре жьна хԝә нагьрьн у рʹастә-рʹаст ль һьмбәри хԝәстьна Йаһоԝа дәртен (Әфәси 5:25, 28). w21.02 3 ¶6-7

Гава әм рʹасти тәнгасийа тен, дӧа дькарә али мә бькә. Бь сайа дӧа, әм дькарьн «әʹдьлайийа Хԝәде кӧ жь һәр һʹьш-аԛьли дәрбазтьр ә», бьстиньн (Филипи 4:6, 7). Йаһоԝа ԝе пе рʹӧһʹе хԝәйи пироз хәмед мә дьһа сьвьк бькә у дьле мә рʹьһʹәт кә (Галати 5:22). Гава тӧ Йаһоԝарʹа дӧа дьки, дьле хԝә ԝирʹа вәкә. Ԝирʹа һур бь һур бежә кӧ проблема тә чь йә, у гьли кә кӧ әв проблем ль сәр тә чаԝа һʹӧкӧм дькә. Һәгәр чʹарәйа проблема тә һәйә, жь ԝи билани у ԛәԝате бьхԝазә кӧ тӧ бькарьби ве чʹарәйе бьвини у бьхәбьтини. Ле һәгәр сафикьрьна проблеме дәсте тәда нинә, жь Йаһоԝа аликʹарийе бьхԝазә, ԝәки тӧ бь зедәйи хәма нәки. Һәгәр тӧ дь дӧайед хԝәда рʹастә-рʹаст бәʹса проблемед хԝә бьки, ԝәхт шунда тӧйе дьһа зәлал бьвини кӧ Йаһоԝа чаԝа щаба ван дӧайед тә дьдә. Һәгәр тӧ дәрберʹа щаба дӧайед хԝә нәстини жи, бәрдәԝам кә дӧа бькә, чьмки Йаһоԝа дьхԝазә кӧ тӧ һәртʹьм ԝирʹа дӧа бьки (Луԛа 11:8-10). w21.01 3 ¶6-7

Щьватед мәда һьм хушк у бьрайед зәԝьщи, һьм жи гәләк хушк у бьрайед нәзәԝьщи һәнә. Гәрәк әм ль кәсед азәп ча бьньһерʹьн? Бинә бира хԝә кӧ Иса ль азәпбуне ча дьньһерʹи. Гава Иса ль дьнйайе бу, әԝ азәп ма, у бь тʹәмами һʹьш у дина хԝә дьда хьзмәта хԝә. Иса тʹӧ щара нәдьгот кӧ гәрәк шагьртед ԝи бьзәԝьщьн йан на. Ле бәле, ԝи гот кӧ һьнәк ԝе бьхԝазьн азәп бьминьн (Мәт. 19:12). Иса ԛәдре кәсед азәп дьгьрт, у әԝ нәдьфькьри кӧ әԝ жь кәсед зәԝьщи ньмьзтьр ьн йан кӧ жийана ԝанда тьштәк кем ә. Ԝәк Иса, Паԝлос жи азәп ма. Әԝи ԛәбул дькьр кӧ әв йәк ԛьрарәкә шәхси йә. w20.08 28 ¶7-8

Әʹмьре Йуһʹәнна пʹьрʹ дьреж бу, у әԝ рʹасти гәләк тәнгасийа дьһат, йед кӧ дькарьбун баԝәрийа ԝи сьст кьрана. Ле бәле, әԝи һәртʹьм хирәт дькьр кӧ тʹәмийед Иса Мәсиһ бинә сери. Йәк жь ван тʹәмийа әв ә кӧ гәрәке әм хушк у бьра һʹьз бькьн. Ләма, Йуһʹәнна баԝәр бу кӧ Йаһоԝа у Иса Мәсиһ ԝи һʹьз дькьн у кӧ әԝе ԛәԝате бьдьн ԝи ԝәки әԝ сәри бь һʹәму тәнгасийарʹа дәрхә (Йуһʹәнна 14:15-17; 15:10). Бәле, Шәйтʹан у дьнйа ԝи нькарьбу һʹьзкьрьна Йуһʹәннарʹа бьбә астәнг. Бь готьн у кьрьнед хԝә, әԝи һәртʹьм нишан дькьр кӧ әԝ хушк у бьра һʹьз дькә. Мина Йуһʹәнна, әм жи дьнйа Шәйтʹанда дьжин (1 Йуһʹәнна 3:1, 10). Шәйтʹан дьхԝазә һʹьзкьрьна дь нав мәда сар бькә, ле һʹәта кӧ әм изьне нәдьн ԝи, әԝе нькарьбә бьгьһижә нета хԝә. Ԝәрә әм бь готьн у кьрьнед хԝә избат бькьн кӧ әм хушк у бьред хԝә һʹьз дькьн. Һәгәр һʹьзкьрьна мә сар нәбә, әме дь малбәта Йаһоԝада ша у бәхтәԝар бьн! (1 Йуһʹәнна 4:7) w21.01 13 ¶18-19

Иро дьнйа бьн контрола Шәйтʹанда йә, у жийин щара гәләк зәʹмәт ә (2 Тимотʹейо 3:1). Ле диса жи нә лазьм ә кӧ әм бь зедәйи бьтьрсьн у бәрхԝә кʹәвьн. Йаһоԝа һʹале мә рʹьнд занә. Әԝи соз дайә кӧ һәгәр әм бькʹәвьн жи, әԝе мә бь дәсте хԝәйи рʹасте бьгьрә (Ишайа 41:10, 13). Бәле, әм дькарьн баԝәр бьн кӧ Хԝәде ԝе али мә бькә. Тәнгасийед мә чь бьн жи, әм дькарьн жь Кʹьтеба Пироз ԛәԝате бьстиньн, ԝәки әм бькарьбьн сәбьр кьн у Йаһоԝарʹа амьн бьминьн. Ль сәр jw.org у ль әʹдәбйәтед мә, тӧ дькари гәләк сәрһатийед жь Кʹьтеба Пироз бьвини. Видео, аудио-драма, кʹьтеб у журналед мә дькарьн али тә бькьн кӧ тӧ ван сәрһатийа бьди бәр чʹәʹве хԝә у жь ԝан ԛәԝат у мерхасийе бьстини. Пешийа кӧ хԝәндьне дәстпеки, гӧһ бьди аудиоки йан видеоки бьньһерʹи, дӧа бькә кӧ Йаһоԝа али тә бькә кӧ тӧ фькьред лазьм хԝәрʹа бьвини. Кʹур бьфькьрә кӧ гава хьзмәткʹаред Йаһоԝа йед бәре рʹасти тәнгасийа дьһатьн, ԝана чь кьр у Йаһоԝа чаԝа али ԝан кьр. Тедәрхә кӧ тӧ чаԝа дькари һьнә дәрсед жь ван сәрһатийа дь жийана хԝәда бьди хәбате. Бона аликʹарийа Йаһоԝа рʹази бә. Рʹазибуна хԝә ԝирʹа бь ве йәке бьдә кʹьфше, кӧ кәсед дьн бьшьдинә у али ԝан бькә. w21.03 19 ¶22-23

Пешийа кӧ жьн-мер зарʹа биньн дьнйайе, ԝе баш бә кӧ әԝана жь хԝә ӧса бьпьрсьн: «Гәло Йаһоԝа мә ча мәрьвед мьлук у баԝәрмәнд дьвинә, йед кӧ һазьр ьн ԝәки зарʹәке мәзьн бькьн?» (Зәб. 127:4) Һәгәр зарʹед ԝә һәнә, жь хԝә бьпьрсьн: «Гәло әм зарʹед хԝә һин дькьн кӧ гәләк фәрз ә хәбатһʹьз бьн?» (Ԝаиз 3:12, 13) «Гәло әм чь жь дәсте мә те дькьн кӧ зарʹед хԝә жь хьрабийе бьпарезьн?» (Мәтʹлк. 22:3) Һун һьлбәт нькарьн зарʹед хԝә жь һʹәму проблемед жийане бьпарезьн. Ле бәле, һун дькарьн ԝана һеди-һеди бона жийане һазьр бькьн у ԝана ширәт бькьн кӧ әԝана чаԝа дькарьн жь Хәбәра Хԝәде рʹебәрийе бьстиньн (Мәтʹлк. 2:1-6). Мәсәлә, һәгәр мәрьвәки ԝә жь рʹийа рʹастийе дәркʹәвә, зарʹед хԝәрʹа шьровәкьн кӧ ль гора Кʹьтеба Пироз чьма фәрз ә кӧ әԝана Йаһоԝарʹа амьн бьминьн (Зәб. 31:23). Йан жи, һәгәр һʹьзкьрийәки ԝә бьмьрә, зарʹед хԝәрʹа нишан кьн кӧ Хәбәра Хԝәде чаԝа дькарә бәрдьли у дьлрʹьһʹәтийе бьдә ԝан (2 Корн. 1:3, 4; 2 Тимтʹ. 3:16). w20.10 27 ¶7