Lêyên ku Zirarê Didin—Kitêba Pîroz Çi Dibêje?

Nav temamiya dinyayêda gelek meriv ziyanê distînin ji bo lêyên mezin. Dîna xwe bidine wan hesaba:

• “Nava çend rojada paytextê Çînêda lêya mezin rabû, ku nava 140 salada ya mîna wê tune bû. Nava roja Şemî û Çarşemêda bilindaya vê lêyê 744.8 mîlîmêtr bû”—AP News, 2 Tebaxê, sala 2023.

•  “Pêşemê roja duda bû çaxê Tayfûna bi navê Xanûn, Japonya başûrêda ba û baraneke qewî anî, ji bo çi jî du meriv mirin . . . Ev firtone dikare lêya bi bilindaya 0.6 mêtra pey xwe bîne çiyayên Teywana navendda”—Deutsche Welle, 3 Tebaxê, sala 2023.

•  “Firtone ku li Nova Skotiyayêda heftêk dikişand, baranên qewî anî herêma Kanadaya Atlantîkî. Nava 50 salada ya usa tune bûye”—BBC News, 24 Tîrmehê, sala 2023.

Gelo Kitêba Pîroz derheqa qewimandinên usa çi dibêje?

Nîşana “rojên axiriyê”

Kitêba Pîroz eyan dike wekî em wedekî usada dijîn, ku tê navkirinê “rojên axiriyê” (2 Tîmotêyo 3:1). Îsa pêxembertî kir wekî wedê meda emê “tiştên xof û tirs û nîşanên mezin wê” bivînin (Lûqa 21:11). Guhastina hewayê nişkêva diqewime û tiştên xof pey xwe tîne, çi ku nav temamiya dinyayê belabûyî ye.

Menî bona gumanê

Li gora Kitêba Pîroz, ew tiştên xof ku roja îroyîn ser erdê diqewimin, bi rastî gerekê gumanê bidine me. Çira? Îsa got: “Gava hûn bibînin ku ev yek diqewimin, bizanibin ku Padşatiya Xwedê nêzîk e” (Lûqa 21:31; Metta 24:3).

Tiştên ku îro diqewimin nîşan dikin, wekî Padşatiya Xwedê wê zûtirekê erdê û tebyetê bi temamî kontrol bike, mesele ziviroka avê (Îbo 36:27, 28; Zebûr 107:29).

Seva ku hê zêde pêbihesin ku çawa Padşatiya Xwedê wê halê ser erdê baş ke, binihêrin gotar “Kî wê Erdê Xilaz ke?”