ಕೀರ್ತನೆ

126 ಜೈಲಲ್ಲಿದ್ದ ಚೀಯೋನಿನ ಎಲ್ಲ ಜನ್ರನ್ನ

ಯೆಹೋವ ವಾಪಸ್‌ ಕರ್ಕೊಂಡು ಬಂದಾಗ+

ಇದು ಕನಸು ಅಂತ ಅಂದ್ಕೊಂಡ್ವಿ.

 2 ಆಗ ನಮ್ಮ ಬಾಯಿತುಂಬ ನಗು ಇತ್ತು,

ನಮ್ಮ ನಾಲಿಗೆ ಮೇಲೆ ಖುಷಿಯ ಜೈಕಾರ ಇತ್ತು.+

ಅಲ್ಲದೇ ಬೇರೆ ದೇಶದ ಜನ್ರು,

“ಯೆಹೋವ ಅವರಿಗೋಸ್ಕರ ಅದ್ಭುತಗಳನ್ನ ಮಾಡಿದ” ಅಂತ ತಮ್ಮಲ್ಲೇ ಮಾತಾಡ್ಕೊಂಡ್ರು.+

 3 ಯೆಹೋವ ನಮಗಾಗಿ ಅದ್ಭುತಗಳನ್ನ ಮಾಡಿದ,+

ಹಾಗಾಗಿ ನಮ್ಮ ಆನಂದಕ್ಕೆ ಕೊನೆಯೇ ಇರಲಿಲ್ಲ.

 4 ಯೆಹೋವನೇ, ಮಳೆ ದಕ್ಷಿಣದ ನಾಲೆಗಳನ್ನ* ಮತ್ತೆ ತುಂಬಿಸೋ ಹಾಗೆ,

ನೀನು ಜೈಲಲ್ಲಿರೋ ನಮ್ಮವ್ರನ್ನ ವಾಪಸ್‌ ಕರ್ಕೊಂಡು ಬಾ,*

 5 ಕಣ್ಣೀರು ಸುರಿಸ್ತಾ ಬೀಜ ಬಿತ್ತೋರು,

ಖುಷಿಯಿಂದ ಜೈಕಾರ ಹಾಕ್ತಾ ಕೊಯ್ಲು ಮಾಡ್ತಾರೆ.

 6 ಬೀಜದ ಚೀಲವನ್ನ ಹೊತ್ಕೊಂಡು ಅಳ್ತಾ

ಹೊಲಕ್ಕೆ ಹೋಗೋನು,

ಸಂತೋಷದಿಂದ ಜೈಕಾರ ಹಾಕ್ತಾ+

ತೆನೆಗಳ ಕಟ್ಟುಗಳನ್ನ ಹೊತ್ಕೊಂಡು ಬರ್ತಾನೆ.+