ಕೀರ್ತನೆ

 2 ಆತನ ಸನ್ನಿಧಿಗೆ* ಬಂದು ಆತನಿಗೆ ಧನ್ಯವಾದ ಹೇಳೋಣ,+

ಆತನಿಗಾಗಿ ಹಾಡಿ ಜೈಕಾರ ಹಾಕೋಣ.

 3 ಯಾಕಂದ್ರೆ ಯೆಹೋವ ಮಹಾನ್‌ ದೇವರು,

ಬೇರೆಲ್ಲ ದೇವರುಗಳಿಂತ ದೊಡ್ಡ ರಾಜ.+

 4 ಭೂಮಿಯ ಆಳಗಳು ಆತನ ಕೈಯಲ್ಲಿವೆ,

ಪರ್ವತ ಶಿಖರಗಳು ಆತನಿಗೆ ಸೇರಿವೆ.+

 5 ಆತನು ಮಾಡಿದ ಸಮುದ್ರ ಆತನದ್ದೇ,+

ಆತನ ಕೈಗಳು ಒಣ ನೆಲವನ್ನ ಮಾಡಿವೆ.+

 6 ಬನ್ನಿ, ನಮ್ಮನ್ನ ಸೃಷ್ಟಿಸಿದ ಯೆಹೋವನ ಮುಂದೆ ಮೊಣಕಾಲೂರಿ,

ಬಗ್ಗಿ ನಮಸ್ಕರಿಸಿ, ಆತನನ್ನ ಆರಾಧಿಸೋಣ.+

 7 ಯಾಕಂದ್ರೆ ಆತನು ನಮ್ಮ ದೇವರು,

ಆತನು ಪರಿಪಾಲಿಸೋ ಜನ್ರು ನಾವು,

ಆತನು ಕಾಳಜಿವಹಿಸೋ* ಕುರಿಗಳು ನಾವು.+

ಇವತ್ತು ನೀವು ಆತನ ಮಾತನ್ನ ಕೇಳಿದ್ರೆ,+

 8 ನಿಮ್ಮ ಪೂರ್ವಜರು ಮೆರೀಬಾದಲ್ಲಿ* ಮಾಡಿದ ಹಾಗೆ,+

ಕಾಡಲ್ಲಿ ಮಸ್ಸಾ* ದಿನದಂದು ಮಾಡಿದ ಹಾಗೆ,

ನಿಮ್ಮ ಹೃದಯವನ್ನ ನೀವು ಕಲ್ಲು ತರ ಮಾಡ್ಕೊಬೇಡಿ,+

 9 ನಿಮ್ಮ ಪೂರ್ವಜರು ನನ್ನನ್ನ ಪರೀಕ್ಷಿಸಿದ್ರು,+

ಅವರು ನನ್ನ ಕೆಲಸಗಳನ್ನ ಕಣ್ಣಾರೆ ನೋಡಿದ್ರೂ ನನಗೆ ಸವಾಲು ಹಾಕಿದ್ರು.+

10 ಆ ಪೀಳಿಗೆಯಿಂದ 40 ವರ್ಷ ನಾನು ರೋಸಿ ಹೋಗಿ,

“ಈ ಜನ್ರು ಯಾವಾಗ್ಲೂ ಅಡ್ಡದಾರಿ ಹಿಡಿಯೋ ಹೃದಯ ಇರೋರು,

ಇವರು ನನ್ನ ದಾರಿಗಳನ್ನ ತಿಳಿದಿಲ್ಲ” ಅಂತ ಹೇಳಿದೆ.

11 ಹಾಗಾಗಿ ನಾನು ಕೋಪದಿಂದ,

“ಇವರು ನನ್ನ ವಿಶ್ರಾಂತಿಯಲ್ಲಿ ಸೇರಲ್ಲ”+ ಅಂತ ಆಣೆ ಮಾಡಿದೆ.