ಕೀರ್ತನೆ
ಗಾಯಕರ ನಿರ್ದೇಶಕನಿಗೆ ಸೂಚನೆ, “ನಾಶವಾಗೋಕೆ ಬಿಡಬೇಡ” ಅನ್ನೋ ರಾಗದಲ್ಲಿ ಹಾಡಬೇಕು. ಮಿಕ್ತಾಮ್‌.* ದಾವೀದನ ಕೀರ್ತನೆ. ಸೌಲನಿಂದ ತಪ್ಪಿಸ್ಕೊಂಡು ದಾವೀದ ಗವಿಗೆ ಓಡಿಹೋದಾಗ ಇದನ್ನ ರಚಿಸಿದ.+
57 ದೇವರೇ, ನನಗೆ ಕೃಪೆ ತೋರಿಸು, ನನಗೆ ದಯೆ ತೋರಿಸು,
ಯಾಕಂದ್ರೆ ನಾನು ನಿನ್ನಲ್ಲೇ ಆಶ್ರಯ ಪಡ್ಕೊಂಡಿದ್ದೀನಿ,+
ಸಮಸ್ಯೆಗಳೆಲ್ಲ ಬಗೆಹರಿಯೋ ತನಕ ನಾನು ನಿನ್ನ ರೆಕ್ಕೆ ನೆರಳಲ್ಲೇ ಆಶ್ರಯ ಪಡೀತೀನಿ.+
2 ಸರ್ವೋನ್ನತ ದೇವರನ್ನ ನಾನು ಕೂಗ್ತೀನಿ,
ನನ್ನ ಸಮಸ್ಯೆಗಳಿಗೆ ಅಂತ್ಯ ಹಾಡೋ ಸತ್ಯ ದೇವರಿಗೆ ನಾನು ಮೊರೆ ಇಡ್ತೀನಿ.
3 ಆತನು ಸ್ವರ್ಗದಿಂದ ನನಗೆ ಸಹಾಯ ಮಾಡ್ತಾನೆ, ನನ್ನನ್ನ ರಕ್ಷಿಸ್ತಾನೆ.+
ನನ್ನ ಮೇಲೆ ಆಕ್ರಮಣ ಮಾಡೋನು ಗೆಲ್ಲದೆ ಇರೋ ತರ ನೋಡ್ಕೊಳ್ತಾನೆ. (ಸೆಲಾ)
ದೇವರು ತನ್ನ ಶಾಶ್ವತ ಪ್ರೀತಿಯನ್ನ ಮತ್ತು ನಂಬಿಗಸ್ತಿಕೆಯನ್ನ ತೋರಿಸ್ತಾನೆ.+
4 ನನ್ನ ಸುತ್ತ ಸಿಂಹಗಳು ನಿಂತಿವೆ,+
ನನ್ನನ್ನ ನುಂಗಬೇಕು ಅಂತಿರೋರ ಮಧ್ಯ ನಾನು ಮಲಗೋ ಪರಿಸ್ಥಿತಿ ಬಂದಿದೆ,
ಅವ್ರ ಹಲ್ಲು ಈಟಿ, ಬಾಣ
ಅವ್ರ ನಾಲಿಗೆ ಚೂಪಾದ ಕತ್ತಿ.+
5 ದೇವರೇ, ನಿನ್ನ ಮಹಿಮೆ ಭೂಮಿಯಲ್ಲೆಲ್ಲಾ ಇರಲಿ,
ಮೇಲೆ ಸ್ವರ್ಗದಲ್ಲೂ ನಿನಗೆ ಘನತೆಯಾಗಲಿ.+
ನನ್ನ ದಾರಿಯಲ್ಲಿ ಅವರು ಗುಂಡಿ ತೋಡಿದ್ರು,
ಆದ್ರೆ ಅದರೊಳಗೆ ಅವ್ರೇ ಬಿದ್ದುಹೋದ್ರು.+ (ಸೆಲಾ)
7 ದೇವರೇ, ನನ್ನ ಹೃದಯ ಸ್ಥಿರವಾಗಿದೆ,+
ಹೌದು ನನ್ನ ಹೃದಯ ಸ್ಥಿರವಾಗಿದೆ.
ನಾನು ಹಾಡ್ತೀನಿ, ಸಂಗೀತ ರಚಿಸ್ತೀನಿ.
8 ನನ್ನ ಮನಸ್ಸೇ, ಎದ್ದೇಳು.
ತಂತಿವಾದ್ಯವೇ, ಎದ್ದೇಳು. ಸಂಗೀತ ವಾದ್ಯಗಳೇ, ನೀವೂ ಎದ್ದೇಳಿ.
ನಾನು ನಸುಕನ್ನ ಎಬ್ಬಿಸ್ತೀನಿ.+
10 ಯಾಕಂದ್ರೆ ನಿನ್ನ ಶಾಶ್ವತ ಪ್ರೀತಿ ತುಂಬ ದೊಡ್ಡದು. ಆ ಪ್ರೀತಿ ಆಕಾಶವನ್ನೂ
ನಿನ್ನ ಸತ್ಯತೆ ಗಗನವನ್ನೂ ಮುಟ್ಟುತ್ತೆ.+
11 ದೇವರೇ, ನಿನ್ನ ಮಹಿಮೆ ಭೂಮಿಯಲ್ಲೆಲ್ಲಾ ಇರಲಿ,
ಮೇಲೆ ಸ್ವರ್ಗದಲ್ಲೂ ನಿನಗೆ ಗೌರವ ಸಿಗಲಿ.+