ಸತ್ಯ ಕ್ರೈಸ್ತರ ಗುರುತು ಪ್ರೀತಿ—ಅಮೂಲ್ಯವಾದ ಐಕ್ಯತೆಯನ್ನು ಕಾಪಾಡಿ

ಯಾಕೆ ಪ್ರಾಮುಖ್ಯ: ತನ್ನ ಶಿಷ್ಯರು “ಐಕ್ಯದಲ್ಲಿ ಪರಿಪೂರ್ಣರಾಗಿರಲಿ” ಎಂದು ಯೇಸು, ಸಾಯುವುದಕ್ಕೆ ಹಿಂದಿನ ರಾತ್ರಿ ಪ್ರಾರ್ಥಿಸಿದನು. (ಯೋಹಾ 17:23) ನಾವು ಐಕ್ಯವಾಗಿರಬೇಕೆಂದರೆ ಪ್ರೀತಿಯಿಂದ ನಡೆದುಕೊಳ್ಳಬೇಕು ಮತ್ತು ‘ಅನ್ಯಾಯದ ಲೆಕ್ಕವನ್ನು ಇಟ್ಟುಕೊಳ್ಳಬಾರದು.’—1ಕೊರಿಂ 13:5.

ಹೇಗೆ ಮಾಡುವುದು:

• ಇತರರಲ್ಲಿರುವ ಒಳ್ಳೇದನ್ನೇ ನೋಡುವ ಮೂಲಕ ಯೆಹೋವನನ್ನು ಅನುಕರಿಸಿ

• ಉದಾರವಾಗಿ ಕ್ಷಮಿಸಿ

• ಒಂದು ಮನಸ್ತಾಪವನ್ನು ಬಗೆಹರಿಸಿದ ನಂತರ ಮತ್ತೆ ಅದರ ಬಗ್ಗೆ ಮಾತಾಡಬೇಡಿ.—ಜ್ಞಾನೋ 17:9

‘ನಿಮ್ಮ ಮಧ್ಯೆ ಪ್ರೀತಿಯಿರಲಿ’—ಅನ್ಯಾಯದ ಲೆಕ್ಕವನ್ನು ಇಟ್ಟುಕೊಳ್ಳಬೇಡಿ ಎಂಬ ವಿಡಿಯೋ ನೋಡಿ ಮತ್ತು ನಂತರ ಕೆಳಗಿನ ಪ್ರಶ್ನೆಗಳನ್ನು ಉತ್ತರಿಸಿ:

• ಈ ವಿಡಿಯೋವಿನ ಮೊದಲ ಭಾಗದಲ್ಲಿ ಹೆಲೆನ್‌ ‘ಅನ್ಯಾಯದ ಲೆಕ್ಕವನ್ನು ಇಟ್ಟುಕೊಂಡಿದ್ದಳೆಂದು’ ಹೇಗೆ ಗೊತ್ತಾಗುತ್ತದೆ?

• ಎರಡನೇ ಭಾಗದಲ್ಲಿ ಹೆಲೆನ್‌ ಹೇಗೆ ತನ್ನ ಮನಸ್ಸಿನಲ್ಲಿ ಬಂದ ತಪ್ಪಾದ ಯೋಚನೆಯನ್ನು ಹೊಡೆದೋಡಿಸಿ ಯೋಚಿಸುವ ರೀತಿಯನ್ನು ಸರಿಪಡಿಸಿಕೊಂಡಳು?

• ಹೆಲೆನ್‌ ಹೇಗೆ ಸಭೆಯ ಐಕ್ಯತೆ ಕಾಪಾಡಿದಳು?