ಒತ್ತಡದಿಂದ ಹೊರಗೆ ಬನ್ನಿ

ಒತ್ತಡಕ್ಕೆ ಕಾರಣಗಳು

“ವಯಸ್ಕರಲ್ಲಿ ಒತ್ತಡ ಹೆಚ್ಚಾಗುತ್ತಿದೆ. ಯಾಕಂದ್ರೆ ಈಗಿನ ಜನರ ಜೀವನ ಬದಲಾಗ್ತಾನೇ ಇದೆ. ಯಾವಾಗ ಏನಾಗುತ್ತೋ ಹೇಳಕ್ಕಾಗಲ್ಲ” ಅಂತ ಮೇಯೊ ಕ್ಲಿನಿಕ್‌ ವರದಿ ನೀಡಿದೆ. ಒತ್ತಡ ಹೆಚ್ಚಾಗಲು ಕೆಲವು ಕಾರಣಗಳು:

ಡೈವೋರ್ಸ್‌
ಆಪ್ತರ ಮರಣ
ಗಂಭೀರ ಕಾಯಿಲೆ
ಅಪಘಾತ
ಅಪರಾಧ
ಬಿಡುವಿಲ್ಲದ ಜೀವನ ರೀತಿ
ಪ್ರಕೃತಿಯಿಂದ ಅಥವಾ ಮಾನವರಿಂದ ಆಗೋ ದುರಂತ
ಸ್ಕೂಲ್‌ನಲ್ಲಿ ಮತ್ತು ಕೆಲಸದಲ್ಲಿ ಒತ್ತಡ
ಕೆಲಸ ಮತ್ತು ದುಡ್ಡಿನ ಬಗ್ಗೆ ಚಿಂತೆ

ಚಿಕ್ಕ ವಯಸ್ಸಲ್ಲೇ ಒತ್ತಡ

ಚಿಕ್ಕ ಮಕ್ಕಳಿಗೆ ಒತ್ತಡ ಬರಲ್ಲ ಅಂತೇನಿಲ್ಲ. ಸ್ಕೂಲಲ್ಲಿ ಅವರ ಫ್ರೆಂಡ್ಸ್‌ ಹಿಂಸಿಸಬಹುದು ಅಥವಾ ಮನೆಯಲ್ಲಿ ದೊಡ್ಡವರು ಅವರನ್ನು ಸರಿಯಾಗಿ ನೋಡಿಕೊಳ್ಳದೇ ಇರಬಹುದು. ಕೆಲವರು ಮಕ್ಕಳನ್ನು ತುಂಬ ಹೊಡಿತಾರೇ, ಕೆಟ್ಟದಾಗಿ ಬೈತಾರೆ, ಲೈಂಗಿಕ ಕಿರುಕುಳ ಕೊಡುತ್ತಾರೆ. ಇನ್ನು ಕೆಲವು ಮಕ್ಕಳು ಚೆನ್ನಾಗಿ ಓದಬೇಕು ಒಳ್ಳೇ ಮಾರ್ಕ್ಸ್‌ ತಗೀಬೇಕು ಅಂತ ಟೆನ್ಷನ್‌ ತಗೊಳ್ಳುತ್ತಾರೆ. ಇಷ್ಟೇ ಅಲ್ಲ, ಅಪ್ಪ ಅಮ್ಮಂಗೆ ಡೈವೋರ್ಸ್‌ ಆಗಿದ್ರಂತೂ ಮಕ್ಕಳಿಗೆ ತುಂಬಾನೇ ನೋವಾಗುತ್ತೆ. ಈ ತರ ಒತ್ತಡದಲ್ಲಿ ಇರೋ ಮಕ್ಕಳು ಸರಿಯಾಗಿ ನಿದ್ದೆ ಮಾಡಲ್ಲ, ಓದೋಕೆ ಬರೆಯೋಕೆ ಕಷ್ಟಪಡುತ್ತಾರೆ, ಖಿನ್ನತೆಗೆ ಒಳಗಾಗುತ್ತಾರೆ, ಯಾರ ಜೊತೆನೂ ಬೆರೆಯೋಕೆ ಇಷ್ಟಪಡಲ್ಲ. ಕೆಲವು ಮಕ್ಕಳಿಗಂತೂ ತಮ್ಮ ಭಾವನೆಗಳನ್ನು ಹಿಡಿತದಲ್ಲಿ ಇಟ್ಟುಕೊಳ್ಳಲು ಆಗಲ್ಲ. ಈ ತರ ಕಷ್ಟ ಪಡುತ್ತಿರೋ ಮಕ್ಕಳಿಗೆ ಸಹಾಯ ಬೇಕೇ ಬೇಕು.