ಅಪ್ಪ-ಅಮ್ಮನ ಹತ್ತಿರ ಹೇಗೆ ಮಾತಾಡೋದು?

ನೀವು ಈ ಜಾಗದಲ್ಲಿ ಇದ್ದಿದ್ದರೆ . . .

ಇದನ್ನು ಚಿತ್ರಿಸಿಕೊಳ್ಳಿ. ಜೆಫ್ರೀಗೆ 17 ವರ್ಷ. ಅವತ್ತು ಬುಧವಾರ ರಾತ್ರಿ. ಅವನು ತನ್ನ ಎಲ್ಲಾ ಕೆಲಸ ಮುಗಿಸಿ ಸ್ವಲ್ಪ ಸಮಯ ರೆಸ್ಟ್‌ ಮಾಡೋಣ ಅಂತ ತನಗೆ ಇಷ್ಟವಾದ ಚೇರ್‌ನಲ್ಲಿ ಕೂತುಕೊಂಡು ಟಿ.ವಿ. ಆನ್‌ ಮಾಡುತ್ತಾನೆ.

ಅಷ್ಟರಲ್ಲಿ ಜೆಫ್ರೀಯ ಅಪ್ಪ ಅಲ್ಲಿಗೆ ಬರುತ್ತಾರೆ. ಅವರು ಕೋಪದಿಂದ

ಜೆಫ್ರೀ ಜಾಗದಲ್ಲಿ ನೀವಿದ್ದಿದ್ದರೆ ಈ ಜಗಳವನ್ನು ಆರಂಭದಲ್ಲೇ ನಿಲ್ಲಿಸಲು ಹೇಗೆ ಪ್ರಯತ್ನಿಸುತ್ತಿದ್ದಿರಿ?

ಸ್ವಲ್ಪ ಯೋಚಿಸಿ!

ಅಪ್ಪ-ಅಮ್ಮನ ಹತ್ತಿರ ಮಾತಾಡುವುದು ರಸ್ತೆಯಲ್ಲಿ ಕಾರು ಓಡಿಸೋ ಥರ. ರಸ್ತೆಯಲ್ಲಿ ಏನಾದರೂ ಅಡ್ಡಿತಡೆ ಇದ್ದರೆ ನೀವು ಬೇರೆ ದಾರಿಯಲ್ಲಿ ಹೋಗಬಹುದು.

ಸನ್ನಿವೇಶ:

ಲೇಯ ಹೇಳುವುದು, “ನಾನು ಮಾತಾಡಿ ತುಂಬಾ ಹೊತ್ತು ಆದ ಮೇಲೆ ಅಪ್ಪ, ‘ಅಯ್ಯೋ ನೀನು ಇಷ್ಟೊತ್ತು ನನ್ನ ಹತ್ರ ಮಾತಾಡುತ್ತಿದ್ದಿಯಾ, ನಾನು ಕೇಳಿಸಿಕೊಳ್ಳಲೇ ಇಲ್ಲ, ಸ್ಸಾರಿ’ ಅಂತಿದ್ದರು. ಅದಕ್ಕೆ ನನಗೆ ಅಪ್ಪನ ಹತ್ರ ಮಾತಾಡೋಕೆ ಒಂಚೂರೂ ಇಷ್ಟ ಇಲ್ಲ.”

ಈಗ ಲೇಯಳ ಮುಂದೆ ಮೂರು ದಾರಿ ಇದೆ.

1. 1. ಕೋಪದಿಂದ ರೇಗೋದು.

   “ಅಪ್ಪಾ!!! ಇದು ತುಂಬಾ ಮುಖ್ಯವಾದ ವಿಷಯ. ಕೇಳಿಸಿಕೊಳ್ಳಿ!” ಅಂತ ಕಿರುಚೋದು.

2. 2. ಮಾತು ನಿಲ್ಲಿಸಿಬಿಡೋದು.

   ಸಮಸ್ಯೆ ಬಗ್ಗೆ ಹೇಳೋದನ್ನು ನಿಲ್ಲಿಸಿ ಸುಮ್ಮನಾಗೋದು.

3. 3. ಒಳ್ಳೇ ಸಮಯಕ್ಕಾಗಿ ಕಾದು ನಂತರ ಮಾತಾಡೋದು.

   ಬೇರೊಂದು ಸಮಯದಲ್ಲಿ ಅಪ್ಪನ ಹತ್ತಿರ ಮಾತಾಡುವುದು ಅಥವಾ ಸಮಸ್ಯೆ ಬಗ್ಗೆ ಒಂದು ಪತ್ರದಲ್ಲಿ ಬರೆದು ಅಪ್ಪನಿಗೆ ಕೊಡುವುದು.

ಈ ಮೂರರಲ್ಲಿ ಲೇಯ ಯಾವುದನ್ನು ಮಾಡುವಂತೆ ನೀವು ಹೇಳುತ್ತೀರಾ?

ಯೋಚಿಸಿ: ಮೊದಲನೇ ಆಯ್ಕೆಯಂತೆ ಲೇಯ ಒಂದುವೇಳೆ ಕಿರುಚಾಡಿದರೆ ಕೆಲಸದಲ್ಲಿ ಮುಳುಗಿದ್ದ ಅವರ ಅಪ್ಪನಿಗೆ ಅವಳು ಯಾಕೆ ಕಿರುಚುತ್ತಿದ್ದಾಳೆ ಅಂತ ಗೊತ್ತಾಗಲ್ಲ. ಆಗ ಅವಳ ಅಪ್ಪ ಅವಳ ಮಾತನ್ನು ಕೇಳದೇ ಹೋಗಬಹುದು. ಅಲ್ಲದೆ ಕಿರುಚಾಡಿದರೆ ಅಪ್ಪನಿಗೆ ಗೌರವ ಕೊಟ್ಟಂತೆ ಆಗುವುದಿಲ್ಲ. (ಎಫೆಸ 6:2) ಕೋಪದಿಂದ ರೇಗಾಡುವುದರಿಂದ ಯಾರಿಗೂ ಪ್ರಯೋಜನ ಆಗುವುದಿಲ್ಲ.

ಎರಡನೇ ಆಯ್ಕೆಯಂತೆ ಮಾಡುವುದು ತುಂಬ ಸುಲಭ, ಆದರೆ ಅದರಿಂದ ಹಾನಿ ಜಾಸ್ತಿ. ಯಾಕೆ? ಲೇಯಳ ಸಮಸ್ಯೆ ಪರಿಹಾರ ಆಗಬೇಕಾದರೆ ಅವಳು ಅಪ್ಪನ ಹತ್ತಿರ ಮಾತಾಡಲೇಬೇಕು. ಅಪ್ಪನಿಗೆ ಅವಳ ಸಮಸ್ಯೆ ಏನು ಅಂತ ಗೊತ್ತಾದರೆ ತಾನೇ ಸಹಾಯ ಮಾಡುವುದಕ್ಕೆ ಆಗುವುದು. ಮೌನವಾಗಿದ್ದರೆ ಏನೂ ಸಾಧಿಸಲು ಸಾಧ್ಯವಿಲ್ಲ.

ಮೂರನೇ ಆಯ್ಕೆಯಂತೆ ಅಪ್ಪನ ಹತ್ತಿರ ಮಾತಾಡೋದಕ್ಕೆ ಬೇರೆ ದಾರಿ ಹುಡುಕಬಹುದು. ಬೇರೆ ಸಮಯದಲ್ಲಿ ಇದರ ಬಗ್ಗೆ ಮಾತಾಡಬಹುದು ಅಥವಾ ತನ್ನ ಸಮಸ್ಯೆ ಬಗ್ಗೆ ಪತ್ರದಲ್ಲಿ ಬರೆದು ಕೊಡಬಹುದು.

ಪತ್ರ ಬರೆಯೋದು ಒಂದು ಒಳ್ಳೆ ಆಯ್ಕೆ. ಏಕೆಂದರೆ ಲೇಯ ಏನು ಹೇಳಬೇಕು ಅಂತ ಅಂದುಕೊಂಡಿರುತ್ತಾಳೋ ಅದನ್ನು ಸ್ಪಷ್ಟವಾಗಿ ಹೇಳಬಹುದು. ಅದನ್ನು ಓದುವಾಗ ಅಪ್ಪನಿಗೆ ಲೇಯಳ ಸಮಸ್ಯೆ ಏನು ಅಂತ ಗೊತ್ತಾಗುತ್ತೆ. ಮೂರನೇ ಆಯ್ಕೆಯಂತೆ ಮಾಡುವುದಾದರೆ ಲೇಯ ಮತ್ತು ಅವಳ ಅಪ್ಪ ಇಬ್ಬರಿಗೂ ಪ್ರಯೋಜನವಾಗುತ್ತೆ. ಹೀಗೆ ನೇರವಾಗಿ ಅಥವಾ ಪತ್ರದ ಮೂಲಕ ತಿಳಿಸಿದರೆ, ಅವರು “ಶಾಂತಿಯನ್ನು ಉಂಟುಮಾಡುವ . . . ವಿಷಯಗಳನ್ನು ಬೆನ್ನಟ್ಟೋಣ” ಎಂಬ ಬೈಬಲ್‌ ಸಲಹೆಯನ್ನು ಪಾಲಿಸಿದಂತಾಗುತ್ತದೆ.—ರೋಮನ್ನರಿಗೆ 14:19.

ಲೇಯಳ ಮುಂದೆ ಬೇರೆ ಯಾವ ದಾರಿ ಇದೆ?

ಒಂದು ದಾರಿಯ ಬಗ್ಗೆ ಯೋಚನೆ ಮಾಡಿ ಮತ್ತು ಅದರ ಫಲಿತಾಂಶ ಏನು ಅಂತ ಸಹ ಯೋಚನೆ ಮಾಡಿ.

ಸ್ಪಷ್ಟವಾಗಿ ಹೇಳಿ

ನೀವೊಂದು ಹೇಳಿದರೆ ನಿಮ್ಮ ಹೆತ್ತವರು ಇನ್ನೊಂದು ಅರ್ಥ ಮಾಡಿಕೊಳ್ಳುವ ಸಾಧ್ಯತೆ ಇದೆ. ಆದ್ದರಿಂದ ಸ್ಪಷ್ಟವಾಗಿ ಹೇಳಿ.

ಸನ್ನಿವೇಶ:

ನಿಮ್ಮ ಅಪ್ಪ-ಅಮ್ಮ ‘ಯಾಕೆ ಮೂಡ್‌ ಆಫ್‌ ಆಗಿದಿಯಾ’ ಅಂತ ಕೇಳುತ್ತಾರೆ. ಆಗ ನೀವು “ಅದರ ಬಗ್ಗೆ ನನಗೆ ಮಾತಾಡೋಕೆ ಇಷ್ಟ ಇಲ್ಲ” ಅಂತ ಹೇಳುತ್ತೀರ.

ನೀವು ಹೇಳಿದ್ದನ್ನ, “ನಾನು ನಿಮ್ಮನ್ನ ನಂಬಲ್ಲ. ನನ್ನ ಸಮಸ್ಯೆ ಬಗ್ಗೆ ನಿಮ್ಮ ಹತ್ರ ಹೇಳಲ್ಲ, ನನ್ನ ಫ್ರೆಂಡ್ಸ್‌ಗೆ ಹೇಳ್ತೀನಿ” ಅಂತ ನಿಮ್ಮ ಅಪ್ಪ-ಅಮ್ಮ ಅರ್ಥಮಾಡಿಕೊಳ್ಳುತ್ತಾರೆ.

ನೆನಸಿ, ನೀವು ಒಂದು ಸಮಸ್ಯೆಲಿ ಸಿಕ್ಕಿ ಹಾಕಿಕೊಂಡಿದ್ದೀರ. ನಿಮಗೆ ಸಹಾಯ ಮಾಡಬೇಕು ಅಂತ ನಿಮ್ಮ ಹೆತ್ತವರು ಬರುತ್ತಾರೆ. ಆಗ ನೀವು “ಪರವಾಗಿಲ್ಲ, ಅದನ್ನ ನಾನೇ ಸರಿ ಮಾಡ್ಕೊತೀನಿ” ಅಂತ ಹೇಳುತ್ತೀರ.

• ಇದನ್ನು ನಿಮ್ಮ ಹೆತ್ತವರು ಹೇಗೆ ಅರ್ಥ ಮಾಡಿಕೊಳ್ಳಬಹುದು?

• ನೀವು ನಿಮ್ಮ ಅಪ್ಪ-ಅಮ್ಮನ ಹತ್ರ ಯಾವ ರೀತಿ ಹೇಳಿದ್ದರೆ ಚೆನ್ನಾಗಿರುತ್ತಿತ್ತು?