ಪಾಠ 1

ಆಸಕ್ತಿ ಹುಟ್ಟಿಸುವ ಆರಂಭದ ಮಾತು

ಅ. ಕಾರ್ಯಗಳು 17:22

ಏನು ಮಾಡಬೇಕು: ಪೀಠಿಕೆ ಆಸಕ್ತಿ ಹುಟ್ಟಿಸುವ ರೀತಿಯಲ್ಲಿ ಇರಬೇಕು. ನೀವು ಯಾವ ವಿಷಯದ ಬಗ್ಗೆ ಮಾತಾಡಲಿದ್ದೀರಿ ಎಂದು ಹೇಳಿ ಮತ್ತು ಅದಕ್ಕೆ ಯಾಕೆ ಗಮನ ಕೊಡಬೇಕೆಂದು ಸ್ಪಷ್ಟವಾಗಿ ಹೇಳಿ.

ಹೇಗೆ ಮಾಡಬೇಕು:

ಆಸಕ್ತಿ ಹುಟ್ಟಿಸಿ. ಕೇಳುಗರ ಆಸಕ್ತಿಯನ್ನು ಕೆರಳಿಸುವ ಪ್ರಶ್ನೆ, ನಿಜ-ಜೀವನದ ಅನುಭವ, ಸುದ್ದಿ ಅಥವಾ ಇನ್ಯಾವುದಾದರೂ ವಿಷಯವನ್ನು ಆರಿಸಿಕೊಳ್ಳಿ.

ಕೇಳುಗರಿಗೆ ಏನು ಇಷ್ಟ ಆಗಬಹುದು, ಅವರ ಮನಸ್ಸಲ್ಲಿ ಏನಿರಬಹುದು ಎಂದು ಮೊದಲೇ ಯೋಚಿಸಿ. ನಿಮ್ಮ ಆರಂಭದ ಮಾತು ಅದಕ್ಕೆ ತಕ್ಕ ಹಾಗೆ ಇರಲಿ.
ವಿಷಯ ಹೇಳಿ. ನೀವು ಯಾವ ವಿಷಯದ ಬಗ್ಗೆ ಮಾತಾಡಲಿದ್ದೀರಿ ಮತ್ತು ಮಾತಾಡುವ ಉದ್ದೇಶ ಏನೆಂದು ಆರಂಭದಲ್ಲೇ ಸ್ಪಷ್ಟವಾಗಿ ಹೇಳಿ.
ವಿಷಯ ಯಾಕೆ ಮುಖ್ಯ ಎಂದು ಹೇಳಿ. ನೀವು ಹೇಳುವ ವಿಷಯ ಕೇಳುಗರ ಅಗತ್ಯಕ್ಕೆ ತಕ್ಕಂತೆ ಇರಲಿ. ಆ ವಿಷಯದಿಂದ ಅವರಿಗೆ ಏನು ಪ್ರಯೋಜನ ಸಿಗುತ್ತದೆ ಎಂದು ಅವರು ಅರ್ಥಮಾಡಿಕೊಳ್ಳಬೇಕು.

ಭಾಷಣ ತಯಾರಿಸುವಾಗ, ‘ನನ್ನ ಸಭೆಯಲ್ಲಿರುವ ಸಹೋದರ-ಸಹೋದರಿಯರು ಯಾವ ಪರಿಸ್ಥಿತಿಗಳನ್ನು ಎದುರಿಸುತ್ತಿದ್ದಾರೆ?’ ಎಂದು ಯೋಚಿಸಿ. ಆಮೇಲೆ ಅದಕ್ಕೆ ತಕ್ಕ ಹಾಗೆ ನಿಮ್ಮ ಪೀಠಿಕೆ ಇರಲಿ.