ವೈಯಕ್ತಿಕ ಅಧ್ಯಯನದಿಂದ ಹೆಚ್ಚು ಪ್ರಯೋಜನ ಪಡೆಯಿರಿ

ಯಾಕೆ ಪ್ರಾಮುಖ್ಯ: ದೇವರ ವಾಕ್ಯವನ್ನು ನಾವು ವೈಯಕ್ತಿಕವಾಗಿ ಅಧ್ಯಯನ ಮಾಡಿದರೆ ಸತ್ಯದ “ಅಗಲ ಉದ್ದ ಎತ್ತರ ಮತ್ತು ಆಳವು ಎಷ್ಟೆಂಬುದನ್ನು ಕೂಲಂಕಷವಾಗಿ ಗ್ರಹಿಸಲು” ಸಾಧ್ಯ ಆಗುತ್ತದೆ. (ಎಫೆ 3:18) ಈ ದುಷ್ಟ ಲೋಕದಲ್ಲಿ ನಿರ್ದೋಷಿಗಳಾಗಿರಲು ಮತ್ತು ನಿಷ್ಕಳಂಕರಾಗಿರಲು ಸಹ ಸಹಾಯ ಸಿಗುತ್ತದೆ. ‘ಜೀವದ ವಾಕ್ಯವನ್ನು ಬಿಗಿಯಾಗಿ ಹಿಡುಕೊಳ್ಳಲು’ ಆಗುತ್ತದೆ. (ಫಿಲಿ 2:15, 16) ವೈಯಕ್ತಿಕ ಅಧ್ಯಯನ ಮಾಡುವಾಗ ನಾವು ನಮಗೆ ವೈಯಕ್ತಿಕವಾಗಿ ಬೇಕಾಗಿರುವ ಮಾಹಿತಿಯನ್ನು ಆರಿಸಿಕೊಂಡು ಅಧ್ಯಯನ ಮಾಡಬಹುದು. ಬೈಬಲನ್ನು ಓದಿ ಅಧ್ಯಯನ ಮಾಡುವುದರಿಂದ ಪೂರ್ತಿ ಪ್ರಯೋಜನ ಪಡೆಯಲು ಏನು ಮಾಡಬೇಕು?

ಹೇಗೆ ಮಾಡಬೇಕು:

• ನೀವು ಅಧ್ಯಯನ ಮಾಡಲು ಉಪಯೋಗಿಸುವ ಬೈಬಲಲ್ಲಿ (ಮುದ್ರಿತ ಅಥವಾ ಎಲೆಕ್ಟ್ರಾನಿಕ್‌) ವಚನಗಳಿಗೆ ಗುರುತು ಹಾಕಿ ಮತ್ತು ಟಿಪ್ಪಣಿ ಬರಕೊಳ್ಳಿ

• ಬೈಬಲ್‌ ಓದುವಾಗ ‘ಯಾರು? ಯಾವುದು? ಯಾವಾಗ? ಎಲ್ಲಿ? ಯಾಕೆ? ಹೇಗೆ?’ ಎಂದು ಯೋಚಿಸಿ

• ಮಾಹಿತಿಯನ್ನು ಕಲೆಹಾಕಿ. ಲಭ್ಯವಿರುವ ಸಂಶೋಧನಾ ಸಾಧನಗಳನ್ನು ಉಪಯೋಗಿಸುತ್ತಾ, ವಿಷಯ ಅಥವಾ ವಚನದ ಮೇಲೆ ಆಧರಿಸಿ ಹುಡುಕಿ

• ಓದಿದ ಮಾಹಿತಿಯಲ್ಲಿ ನಿಮಗೇನು ಪಾಠ ಇದೆ ಎಂದು ತಿಳಿಯಲು ಧ್ಯಾನಿಸಿ

• ನೀವೇನು ಕಲೀತೀರೋ ಅದನ್ನು ಜೀವನದಲ್ಲಿ ಅನ್ವಯಿಸಿಕೊಳ್ಳಿ.—ಲೂಕ 6:47, 48

ಒಳ್ಳೇ ವೈಯಕ್ತಿಕ ಅಧ್ಯಯನದ ಮೂಲಕ ವಾಕ್ಯವನ್ನು ಬಿಗಿಯಾಗಿ ಹಿಡಿದುಕೊಳ್ಳಿ ಎಂಬ ವಿಡಿಯೋ ನೋಡಿ. ನಂತರ ಈ ಪ್ರಶ್ನೆಗಳಿಗೆ ಉತ್ತರ ಕೊಡಿ:

• ವೈಯಕ್ತಿಕ ಅಧ್ಯಯನದ ಬಗ್ಗೆ ಕೆಲವರು ಏನು ಹೇಳುತ್ತಾರೆ?

• ನಾವು ಪ್ರತಿ ಸಾರಿ ವೈಯಕ್ತಿಕ ಅಧ್ಯಯನ ಮಾಡಲು ಕೂತಾಗ ಯಾಕೆ ಪ್ರಾರ್ಥನೆ ಮಾಡಬೇಕು?

• ಬೈಬಲಿನ ಒಂದು ಭಾಗವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಯಾವುದು ಸಹಾಯ ಮಾಡುತ್ತದೆ?

• ನಾವು ಅಧ್ಯಯನ ಮಾಡುವ ಬೈಬಲಿನಲ್ಲಿ ಯಾವ ತರದ ಗುರುತುಗಳನ್ನು ಹಾಕಬಹುದು?

• ಬೈಬಲನ್ನು ಅಧ್ಯಯನ ಮಾಡುವಾಗ ಧ್ಯಾನಿಸುವುದು ಯಾಕೆ ಅಷ್ಟು ಮುಖ್ಯ?

• ನಾವು ಕಲಿಯುವ ವಿಷಯಗಳನ್ನು ಏನು ಮಾಡಬೇಕು?