ಭೂಮಿಯು “ನದಿಯನ್ನು ಕುಡಿದುಬಿಟ್ಟಿತು”

ಹಿಂದಿನ ಕಾಲದಿಂದಲೂ ಯೆಹೋವನ ಜನರಿಗೆ ಹಲವಾರು ಬಾರಿ ಮಾನವ ಅಧಿಕಾರಿಗಳಿಂದ ಸಹಾಯ ಆಗಿದೆ. (ಎಜ್ರ 6:1-12; ಎಸ್ತೇ 8:10-13) ಈಗಿನ ಕಾಲದಲ್ಲೂ ಇದು ನಿಜ. ‘ಘಟಸರ್ಪ’ (ಸೈತಾನ) ತರುವ ವಿರೋಧ, ಹಿಂಸೆಯನ್ನು ತಡೆಯಲು “ಭೂಮಿಯು” ಅಂದರೆ ಈ ಲೋಕದ ಮಾನವ ಅಧಿಕಾರಿಗಳು ಸಹಾಯ ಮಾಡುತ್ತಿದ್ದಾರೆ. ಭೂಮಿಯು “ನದಿಯನ್ನು” ಕುಡಿದುಬಿಡುವ ಹಾಗೆ ನಮಗೆ ಆಗುತ್ತಿರುವ ಹಿಂಸೆ, ವಿರೋಧವನ್ನು ತಡೆಯಲು ಅಧಿಕಾರಿಗಳು ನೆರವಾಗಿದ್ದಾರೆ. (ಪ್ರಕ 12:16) ‘ವಿಮೋಚಕನು’ ಅಂದರೆ ರಕ್ಷಕನಾದ ಯೆಹೋವನು, ನಮಗೆ ಸಹಾಯ ಮಾಡಲು ಎಷ್ಟೋ ಬಾರಿ ಮಾನವ ಅಧಿಕಾರಿಗಳನ್ನು ಉಪಯೋಗಿಸಿದ್ದಾನೆ.—ಕೀರ್ತ 68:20; ಜ್ಞಾನೋ 21:1.

ನೀವು ದೇವರ ಸೇವೆ ಮಾಡುತ್ತಿರೋದಕ್ಕಾಗಿ ನಿಮ್ಮನ್ನು ಸೆರೆಗೆ ಹಾಕಿದರೆ, ಭಯಪಡಬೇಡಿ. ಯೆಹೋವನು ಯಾವಾಗಲೂ ನಿಮ್ಮೊಂದಿಗಿರುತ್ತಾನೆ ಅಂತ ಯಾವತ್ತೂ ಮರೆಯಬೇಡಿ. (ಆದಿ 39:21-23; ಕೀರ್ತ 105:17-20) ನೀವು ತೋರಿಸುವ ನಂಬಿಕೆಯಿಂದ ಲೋಕವ್ಯಾಪಕ ಸಹೋದರ ಬಳಗಕ್ಕೆ ಎಷ್ಟೋ ಪ್ರೋತ್ಸಾಹ ಸಿಕ್ಕಂತಾಗುತ್ತೆ. ಅಷ್ಟೇ ಅಲ್ಲ, ಇದಕ್ಕೆ ತಕ್ಕ ಬಹುಮಾನ ಸಿಕ್ಕೇ ಸಿಗುತ್ತೆ ಎಂಬ ಭರವಸೆ ನಿಮಗಿರಲಿ.—ಫಿಲಿ 1:12-14; ಪ್ರಕ 2:10.

ಸೆರೆಯಿಂದ ಬಿಡುಗಡೆಯಾದ ಕೊರಿಯಾದ ಸಹೋದರರು ಎಂಬ ವಿಡಿಯೋ ನೋಡಿ. ನಂತರ ಈ ಕೆಳಗಿನ ಪ್ರಶ್ನೆಗಳಿಗೆ ಉತ್ತರ ಕೊಡಿ:

• ಅನೇಕ ವರ್ಷಗಳಿಂದ, ದಕ್ಷಿಣ ಕೊರಿಯಾದಲ್ಲಿ ಸಾವಿರಾರು ಸಹೋದರರನ್ನು ಯಾಕೆ ಸೆರೆಯಲ್ಲಿ ಹಾಕುತ್ತಿದ್ದರು?

• ಕೋರ್ಟ್‌ ಕೊಟ್ಟ ಯಾವ ತೀರ್ಪುಗಳು, ನಮ್ಮ ಸಹೋದರರು ಜೈಲಿಂದ ಬೇಗ ಹೊರಗೆ ಬರಲು ಸಹಾಯಮಾಡಿದವು?

• ದೇವರ ಸೇವೆ ಮಾಡಿದ್ದಕ್ಕಾಗಿ ಈಗಲೂ ಜೈಲಿನಲ್ಲಿರುವ ಸಹೋದರರಿಗೆ ನಾವು ಹೇಗೆ ಸಹಾಯ ಮಾಡಬಹುದು?

• ನಮಗೆ ಈಗ ಇರುವ ಸ್ವಾತಂತ್ರ್ಯವನ್ನು ಹೇಗೆ ಬಳಸಬೇಕು?

• ನಮಗೆ ಕೋರ್ಟ್‌ ವಿಚಾರಣೆಗಳಲ್ಲಿ ಗೆಲುವು ಸಿಗಲು ನಿಜವಾದ ಕಾರಣ ಯಾರು?