¹ ಎಲ್ಲಾ ಮಾನವಕುಲಕ್ಕಾಗಿ ಲೆಕ್ಕತೆರುವ ಒಂದು ಸಮಯವು ಸಮೀಪಿಸುತ್ತಿದೆ. ಬೈಬಲ್‌ ಅದನ್ನು “ದೇವರ [“ಯೆಹೋವನ,” NW] ದಿನ” ವೆಂದು ಕರೆಯುತ್ತದೆ. ದುಷ್ಟರ ವಿರುದ್ಧ ದೈವಿಕ ನ್ಯಾಯತೀರ್ಪು ವಿಧಿಸಲ್ಪಡುವ ಸಮಯ ಅದಾಗಿದೆ; ಅದು ನೀತಿವಂತರಿಗೆ ವಿಮೋಚನೆಯ ಸಮಯವೂ ಆಗಿದೆ. ಆಗ ಜೀವಿಸುತ್ತಿರುವ ಎಲ್ಲಾ ವ್ಯಕ್ತಿಗಳು, ತಾವು ತಮ್ಮ ಜೀವಿತಗಳನ್ನು ಉಪಯೋಗಿಸಿರುವ ರೀತಿಯ ಕುರಿತಾಗಿ ಲೆಕ್ಕತೆರಬೇಕಾಗುವುದು. ಅದನ್ನು ಮನಸ್ಸಿನಲ್ಲಿಟ್ಟುಕೊಂಡವನಾಗಿ, ಪೇತ್ರನು ಒಂದು ಶೋಧಿಸುವ ಪ್ರಶ್ನೆಯನ್ನು ಎಬ್ಬಿಸುತ್ತಾನೆ: “ನೀವು ಯಾವ ವಿಧದ ವ್ಯಕ್ತಿಗಳಾಗಿರತಕ್ಕದ್ದು?” ‘ನಡತೆಯ ಪವಿತ್ರ ಕಾರ್ಯಗಳು, ದೇವಭಕ್ತಿಯ ಕ್ರಿಯೆಗಳು, ಮತ್ತು ಯೆಹೋವನ ದಿನವನ್ನು ಮನಸ್ಸಿನಲ್ಲಿ ನಿಕಟವಾಗಿಡುವುದನ್ನು,’ ಹಾಗೂ ‘ನಿಷ್ಕಳಂಕರೂ, ನಿರ್ದೋಷಿಗಳು, ಶಾಂತರೂ’ ಆಗಿರುವ ಪ್ರಾಮುಖ್ಯವನ್ನು ಅವನು ಒತ್ತಿಹೇಳುತ್ತಾನೆ.—2 ಪೇತ್ರ 3:11-14, NW.

⁴ ಯೆಹೋವನ ದಿನವನ್ನು “ಮನಸ್ಸಿನಲ್ಲಿ ನಿಕಟವಾಗಿಡುವುದು” ಎಂದರೆ, ಅದನ್ನು ಹಿನ್ನೆಲೆಯಲ್ಲಿ ಒಂದು ಕ್ಷುಲ್ಲಕ ಸ್ಥಾನಕ್ಕೆ ಎಂದೂ ತಳ್ಳಿಬಿಡದೆ, ಅದನ್ನು ನಮ್ಮ ದೈನಂದಿನ ವಿಚಾರಗಳಲ್ಲಿ ಅಗ್ರಗಣ್ಯವಾಗಿಡುವುದು ಎಂದಾಗಿದೆ. ರಾಜ್ಯಾಭಿರುಚಿಗಳನ್ನು ನಮ್ಮ ಜೀವಿತಗಳಲ್ಲಿ ಪ್ರಥವಾಗಿಡುವುದೆಂದು ಅದರರ್ಥ.—ಮತ್ತಾ. 6:33.