MWE LUTLUT AHK 4

Tuhkahkihnyen Ma Suhmuhslah ke Inkacnek Wo

Matthew 22:41-45

MA KOM KUH IN ORUH: Ahkoelah nuhnak luhn mwet suc lohng kom an meet liki kom riti sie ma suhmuhslah.

Nuhnkuh kac lah efuh kom riti fuhs sacn. Meet liki kom riti kais sie ma suhmuhslah, orekmakihn kahs in tuhkahkuhnlah, kuh sie kihsen siyuck in oruh mwet suc lohng kom an in etuh mwe lutlut yohk srihpac ma kom luhngse in ahkkahlwemye ke fuhs sacn.

Lohacng ahkwoyac nuhke fuhs sahyac an. Kom fin ahkkahlwemye lah suc sramsram ke fuhs ingacn ac suc suhmuhslah puk in Bible, oruh tuh ma kom fahk an in suwohs.
Orekmakihn Bible pacl nuhkewa kom luti mwet uh. Ke kom sramsram nuh sin mwet suc luhlahlfongi God, ahkuhtweyac nuh sel lah Bible pa Kahs luhn God ac ma inge pa sropon etwacack ma wo emeet.
Mokle insiacn mwet in luhngse in etuh ke ma suhmuhslah. Siyuck kihsen siyuck ma ma suhmuhslah uh ac tohpohklah, ahkkahlwemye ke sie ma upac ma ma suhmuhslah uh ac kahsruh in ahkwoyelah, kuh ahkkahlwemye ke sie kahs in kahsruh ma mwet suc lohng an ac fah lotwelah ke fuhs in Bible ma ac fah ritiyuck an.

Nuhnkuh ke ma mwet suc lohng kom an etuh tari ke sifac ac ma suhmuhslah sacn. Mwet suc lohng an finne etuh tari ke ma suhmuhslah ma kom ac riti an, orekmakihn mwe ahkuhtweyac fototo kuh kihsen siyuck na wowo in kahsrelos in kahlwem kac lah, meac pac sahyac eltahl ac fah lotwelah ke fuhs ingacn.