MWE LUTLUT AHK 20

Kahs in Ahksahfye Wo

Ecclesiastes 12:13, 14

MA KOM KUH IN ORUH: Ke sahflahiyen mwe sramsram lom an, ahkkweye mwet suc lohng kom an in eis ac orekmakihn ke moul lalos ma elos lotwelah an.

Kapsracni kahs in ahksahfye lom an nuhke sifac sacn. Sifwilpac kalweni kuh ahkkahlwemye ke inkacnek sahyac mwe lutlut yohk ac sifac ke mwe sramsram lom an.
Mokle insiacn mwet suc lohng kom an. Ahkkahlwemye nuh sin mwet suc lohng kom an ma elos enenuh in oruh ac efuh elos enenuh in oruh ma inge. Sramsram ke sie inkacnek ma ahkkahlwemye lah kom luhlahlfongi na pwacye ke ma kom fahk an ac ma ingacn yohk srihpac na pwacye.
Oruh kahs in ahksahfye lom an in fihsracsr ac fototo. Nikmet sruhmuhn kuhtwena mwe sramsram sasuc sahyac. Orekmakihn na kahs ma enenweyuck an, ac sifwilpac ahkkweye mwet suc lohng kom an in orekmakihn ma eltahl lotwelah an.

Nikmet silahklahk in ahksahfyelah mwe sramsram lom an, ac oruh puhsrem in tiac kahkahsrihsrihk wacngihnlac. Oruh sentence ekahsr ke kahs in ahksahfye lom an ke sie puhsra ma arlac kahlwem lah mwe sramsram lom an ac sahflah.