Watchtower ONLINE LIBRARY
Watchtower
ONLINE LIBRARY
Kosraean
  • BIBLE
  • MWE RIT NUHKEWA
  • TOENI NUHKEWA
  • mwbr25 July sra 1-11
  • Reference nuhke Moul in Christian ac Orekma in Luti Lasr uh

Wacngihn video ma oasr ke selection se inge.

Sislah kuluk, oasr error in loading video se.

  • Reference nuhke Moul in Christian ac Orekma in Luti Lasr uh
  • Reference nuhke Moul in Christian ac Orekma in Luti Lasr uh—2025
  • Sifac Srihsrihk
  • JULY 7-13
  • JULY 14-20
  • JULY 21-27
  • JULY 28–AUGUST 3
  • AUGUST 4-10
  • AUGUST 11-17
  • AUGUST 18-24
  • AUGUST 25-31
Reference nuhke Moul in Christian ac Orekma in Luti Lasr uh—2025
mwbr25 July sra 1-11

Reference nuhke Moul in Christian ac Orekma in Luti Lasr uh

© 2025 Watch Tower Bible and Tract Society of Pennsylvania

JULY 7-13

MA SACOHK KE KAHS LUHN GOD SOAKAS 21

Oakwuck Wo in Bible nuhke sie Moul in Pahyuck Wo

w04 5/1 sra 4 par. 5

Kom Kuh In Oruh Fuhkah Sulaclah Wo?

Sulaclah ma oreklac ke inkacnek silahklahk pacl nuhkewa kol nuhke ma koluk. Soakas 21:5 el sang kahs in sensen: “Nunuk lun met alken kol na nu ke ma pus, ac met e nu kemwa su sa, sa nu ke enenu mukena.” Ke sie mwe puhpuhlyuck, mukul fuhsr ac muhtwacn fuhsr suc pahngpahng teenagers elos enenuh in tiac silahklahk ke sulaclah lalos in pahyuck. Mweyen elos fin oruh ohinge, sahp elos ac fah puhlakihn ma pwacye luhn kahs lal William Congreve, sie mwet sihm in century ahk18, suc fahk: “Mwet suc silahklahk in pahyuck elos auliyak ke ma elos oruh ke lusen pacl loes.”

g 7/08 sra 7 par. 2

Kom ac fah Muhsahelah Fuhkah Moul in Pahyuck Wo

Ahkkahlwemye inse puhsisacl. “Nimet oru kutena ma ke nunku kac sifacna, ku ke konkin lusrongten, a kowos in pusisel nu sin sie sin sie, ac kowos in tia nunku mu kowos wo liki mwet ngia.” (Philippi 2:3) Ma upac uh sikyak mweyen siacnyacn uh inse fuhlwact in sis mwacta nuh sin mukul kuh muhtwacn kiyacl ke ma upac lalos ac elos tiac puhsisacl in suk inkacnek in ahkwoye inmahsrlolos. Nuhnak puhsisacl ac kuh in kahsre kom in sislah ohiyac tiac wo in fahk muh kom pa suwohs ke ma se kowos akuhkuhin kac.

w06 12/1 sra 6 par. 13

“Engankihn Muhtwacn Kiyom Ke Kom Fuhsr Me”

13 Na fuhkah fin oakwuck in pahyuck uh sun ma upac ke srihpen ohiyac suc ahkkahlwemyeyuck sin sie sin sie? Oasr mwe enenuh yohk in suk mwe kahsruh in ahksuwohsye ma upac nuhkewa. Ke sie mwe puhpuhlyuck, sahp elos orekmakihn kahs tiac wo kais kuhtuh srihsrihk ne ingena elos pahlah tari ke ohiyac inge. (Soakas 12:18) Oacna ke ma ahkuhtweyucki ke mwe lutlut tari ac, ohiyac inge kuh in kuhnahoslah moul luhn pahyuck. Oasr sie soakas in Bible uh fahk: “Muta yen mesis mwo liki muta yurin sie mutan folkas ac mulmulat.” (Soakas 21:19) Kom fin sie muhtwacn pahyuck ac pa inge ma sikyak nuh sum ac nuh sin mukul tomom, siyuck sum sifacna, ‘Yac mukul tuhmuhk el sun ma upac ke elah kuh ohiyac luhk?’ Bible uh ahkkahlwemye nuh sin mukul pahyuck nuhkewa: “Mokul tuma, komwos in lungse mutan kiomwos, a tia srasrol nu selos.” (Colossae 3:19) Kom fin sie mukul pahyuck, siyuck sum sifacna, ‘Yac nga tiac ahkkahlwemye luhngse ac ohiyac wowo nuh sin muhtwacn kiyuck, pwacnacng srihfeyuck el in suk mwe ahkkweye kuh ahkpwacr yurin mwet sahyac?’ Pwacye lah, wacngihn srihpac wo luhn sie mwet lah efuh kuh el oruh orekma luhn kosro. Tuhsruhktuh, ke srihpen ma inge kuh in sikyak, pwacnacng mukul ac muhtwacn pahyuck elos enenuh in sramsram wo nuh sin sie sin sie kac.

Mwe Lutlut Sacohk ke Kahs luhn God

w05 7/1 sra 13 par. 9

Aruhruhma Ke Kahs Pahluh Ke Tohkohsrahi Luhn God Ahkpwacyeyuck

9 Jesus el tiac sie mwet suc muhta fin ass soko muhkwena, a el sie Tohkohsrah wolacna ke pacl inge. El ahkkahlwemyeyuck oacna sie mwet suc muhta fin soko ors—oacna sie mwe akucl suc orekmakihnyuck in Bible nuhke mweun. (Soakas 21:31) “Liye! soko ors fasrfasr,” Fwackyuk 6:2 el fahk, “ac el su muta fwe oasr sie pus yurol; ac etukyung nu sel sie tefuro, ac el fwasrot in kutangla ac el fwa kutangla.” Sahyen ma inge, oasr sramsram kacl Jesus, suc mwet sihm luhn psalm David el suhmuhslah: “Jeova el fwa supala sikal ku lom liki Saion, fwakang: ‘Kom in leum in masrlon met lokwalok lom.’”—Psalm 110:2.

JULY 14-20

MA SACOHK KE KAHS LUHN GOD SOAKAS 22

Oakwuck Wo in Bible in Tuhfahlah Tuhlihk uh

w20.10 sra 27 par. 7

Yac Elos ac fah Kuhlwacnsap nuh sin God ke Elos Mahtuhlah?

7 Kowos fin nuhnkuh in oasr tuhlihk, siyuck sum sifacna: ‘Yac kuht inse puhsisacl ac luhngse Jeova, tuh elan sulekuhtlac in karihngihn tuhlihk uh?’ (Psa. 127:3, 4) Fin oasr tari tuhlihk nuhtum, siyuck sum sifacna: ‘Yac nga luti nuh sin tuhlihk nuhtihk lah arlac yohk srihpac in alken ke orekma?’ (Ecc. 3:12, 13) ‘Yac nga karihngihn tuhlihk nuhtihk liki mwe sensen nuhke mahno ac ohiyen moul nwacsnwacs ma elos ac liye ke facl se inge lal Satan?’ (Soa. 22:3) Kom tiac kuh in loangwelah tuhlihk nuhtum liki ma upac nuhkewa ma elos ac fah sun. Kom tiac kuh in oruh ma inge. Tuhsruhktuh, kom kuh in kahsrelos in ahkolah in lain ma upac inge ke kom lotwelos in orekmakihn kahs in kahsruh ma tuhkuh ke Kahs luhn God. (Riti Soakas 2:1-6.) Ke sie mwe puhpuhlyuck, ke pacl oasr sie sin mwet in sucu lom el som liki alu pwacye, kahsruh tuhlihk nuhtum in lotwelah ke Kahs luhn God lah efuh yohk srihpac in sruokyac oaru nuh sin Jeova. (Psa. 31:23) Kuh ke pacl se sie sin mwet in sucu lom el misac, ahkkahlwemye nuh sin tuhlihk nuhtum lah fuhkah in orekmakihn Bible tuh elan kuh in muhtwacnglah ke ahsor ac elan puhlakihn mislac.—2 Cor. 1:3, 4; 2 Tim. 3:16.

w19.12 sra 26 par. 17-19

Pahpah ac Ninac—Ahkpahye Tuhlihk Nuhtum

17 Ahkpahye tuhlihk muhtawacack ke eltahl srihk. Wo in sang ahkpah nuh sin tuhlihk ke eltahl srackna srihk. (Soakas 22:6) Nuhnkuh kacl Timothy, suc weluhl Paul fuhfahsryucsr. Ninac se kiyacl Timothy inge, Eunice, ac ninac mahtuh kiyacl, Lois, eltahl sang ahkpah nuh sel ke pacl se el ”‏tuhlihk me.”—2 Tim. 1:5; 3:15.

18 Sie pac siacnyacn suc muhta fin acn Côte d’Ivoire, Jean-Claude ac Peace, elos tuhfahlah tuhlihk onkohsr nahtuhlos in luhngse ac kuhlwacnsapuh Jeova. Meac kahsrelos in kuhtanglah? Elos ukwe mwe srihkasrak lal Eunice ac Lois. Elos fahk, “Kuht kahsruh tuhlihk nahtuhsr inge in fihliyac Kahs luhn God nuh in insiaclos, muhtwacwacack ke pacl se ma eltahl tuhfanna isuslac.”—Deut. 6:6, 7.

19 Meac kalmen in “alken in luti” Kahs luhn Jeova nuh sin tuhlihk uh? Kalmen “alken in luti” pa “in kalweni ac in luti ke pacl nuhkewa nwe ke tuhlihk uh sruokyac ac kaliye mwe luti se.” In oruh ma inge, pahpah ac ninac enenuh in sislac pacl yohk lalos yurin tuhlihk nahtuhlos. Ke kuhtuh pacl, pwacye lah tiac mwe engan in kalweni ac luti tuhlihk uh ke pacl pucs. Tuhsruhktuh, pahpah ac ninac enenuh in nuhnkuh lah pa inge pacl na wowo in kahsruh tuhlihk nahtulos in kahlwem ke Kahs luhn God ac orekmakihn ma inge ke moul lalos.

w06 4/1 sra 9 par. 4

Pahpah ac Ninac—Ahkkahlwemye lah Kowos sie Mwe Srihkasrak Wo nuh sin Tuhlihk Nuhtuwos

Pwacye lah, tuhlihk uh soenna etuh ma uh, ac kuhtuh tuhlihk arlac lihkkeke ac seahkos. (Genesis 8:21) Meac pahpah ac ninac kuh in oruh? Bible uh fahk: “Luti nu sin sie tulik inkanek fal elan fahsr kac, tuh kaiyuk wo uh ac lotelos in oru ma fal.” (Soakas 22:15) Kuhtuh mwet elos nuhnkuh muh tiac wo ma inge ac ma na in pacl meet ah. Ahok, Bible uh tiac insese ke kuhtwena orekma suhlallacl ac ahkkulukye tuhlihk uh. Kahs inge “kaiyuck wo” kalmackihn nuhke kuh luhn pahpah ac ninac in oruh mwe kai ke inkacnek wo. Ma inge orek ke srihpen luhngse lalos ac in karuhnganacng wo tuhlihk nahtuhlos.—Hebrew 12:7-11.

Mwe Lutlut Sacohk ke Kahs luhn God

w21.08 sra 22 par. 11

Engankihn Kunohkohn Ma Oasr Yurum Ingena

11 Kuht ac fah engan pac kuht fin oruh ke kuhiyacsr kewa kuhtwena kunohkohn ma Jeova el acse nuh sesr. Lwelah kuht in ‘sang pacl lasr nuhkewa’ nuhke orekma in fahkwack pweng wo, ac nuhke orekma sahyac ke congregation. (Orekma 18:5; Heb. 10:24, 25) Ahkolah wo nuhke mwe lutlut ma ac fah orekmakihnyuck ke miting tuh kom kuh in sang top na wowo ma ac ahkkweye mwet sahyac uh. Ahksacohkye kuhtwena kunohkohn ma ituckot nuh sum ke miting ke infulwen wik uh. Fin siyuckyuck kom in kahsruh ke sie orekma ke congregation, kwacfeacng in sa tuhkuh. Nik kom srihkkihn kunohkohn se ma ituckot nuh sum ac tiac nuhnkuh muh wacngihn srihpac in sislah pacl lom nuh kac. Kwacfeacng in ahkpahye kom nuhke orekma. (Soa. 22:29) Ke kom oruh ke kuhiyom nohfohn kunohkohn lom, ac ke orekma sahyac nuh sin Jeova, kom ac fah sa na in kapkapwack ac kom ac fah engan na pwacye. (Gal. 6:4) Ma inge ac fah kahsre kom pac in engan ke pacl se mwet sahyac uh eis kunohkohn se ma kom luhngse pac in sun.—Rom. 12:15; Gal. 5:26.

JULY 21-27

MA SACOHK KE KAHS LUHN GOD SOAKAS 23

Kahs in Kahsruh Wo in Bible ke Orekmakihnyen Mwe Nihmnihm

w05 6/1 sra 27 par. 5-6

Sruokyac Nuhnak Suwohs Nuhke Orekmakihnyen Alcohol

5 Fuhkah fin sie mwet el orekmakihn alcohol tuhsruhktuh el taran in tiac nihm yohklac ahluhkwelah ma fal nuhke pacl se suc mwet pucspucs elos liye kuh akihlen lah el sruhilac tari? Kuhtuh mwet uh finne nohmlah luhpah yohk ke wain oasr na akucl srihsrihk kuh in liyeyuck kaclos lah elos sruhi. Tuhsruhktuh, nuh selos suc nuhnkuh ke ohiyac inge muh tiac koluk el sifacna kiacpwellah suc ke sahflahiyac oraclah mwe kweok upac. (Jeremiah 17:9) Kais kuhtuh srihsrihk, sie mwet el fin luhngse yohk in eis mwe sruhi nuhke el eklac nuhke kain in mwet suc puhlakihn muh el enenuh wain pacl nuhkewa ac el fah “ekla met sruo ye wain pukanten.” (Titus 2:3, NW) In sramsramkihn lah ohiyac fuhkah oruh sie mwet el eklac alcoholic ku sie mwet suc luhngse in nihm wain pacl nuhkewa, mwet sihm se inge pahngpahng Caroline Knapp el fahk: “Ohiyac luhn alcohol inge tiac sikyak ke kihtin pacl na, kuh in sikyak kais kuhtuh srihsrihk, ac oraclah fohs luhn nuhnak.” Pwacye lah orekmakihnyen mwe nihmnihm suc oasr alcohol kac el mwe sruhf na koluk se!

6 Nuhnkuh pac ke kahs in sensen lal Jesus: “A komwos in sifwana sismouk saap insiomwos sesesla ke oasras, a srui a nunkala lun fwal se inge, a len sa sa tuku nu fomwos oanu sie me kaisrip. Tu oinge a fwa tuku nu fwelos nu kemwa su muta fwin mutun fwalu nu fon.” (Luke 21:34, 35) Eisyen mwe sruhi tiac enenuh in nihmnihm nuhke el sruhilac meet liki el puhlakihn mwetkel ac alsracngwesr—ke mahno oacyacpac ke ohiyac luhn nguhn. Meac fah sikyak fin lwen luhn Jeova tuhkuh ac el puhlakihn ohiyac inge?

it-1 sra 656

Sruhi

Selngawiyuck in Bible. Orekmakihnyen mwe nihmnihm fokoko nuhke na sie mwet el sruhi selngawiyuck in Bible. Mwet sihm lahlmwetmwet se inge luhn Soakas el ahkuhtweyac kahlwem ac suwohs ke fahko koluk luhn nihmnihm wain ma ahluhkwelah na pwacye. El sensenkihn: “Su oasr ongoiya yoro? Su oasr asor yoro? Su amei ac lungse anwuk finne wangin sripa? Su srusrala atronmuta? Elos su muta paht ke wain uh, ac elos su kar mwe nim ku. Nimet lela wain uh in srifekomla, finne srusra ac saromrom in cup uh, ac arulana wo emah ke kom ac ukumya uh. Ke lotuteng tok ah, kom ac pula mu oana soko wet pwasin el ngaliskomi. Motom ac liye ma sakirik, ac nunak lom ac kaskas lom ac fah tia kalem.”—Soa. 23:29-33; Hos. 4:11; Mt. 15:18, 19.

Mwet sihm se inge el tahfwelah na in ahkuhtweyac ma mwet sruhi el puhlah: “Kom ac pula mu kom kalkal meoa—ikwot ikme oana ke kom mut elucng ke kwesu in oak uh. ‘Oasr mwet puokyu, nga tia pula. Oasr mwet uniyu tuh nga tia esam. Efu ku nga kofla in tukakek? Nga enenu sie pac mwe nim ah.’” El ac fah sun moul suhkahsruhp, mweyen mani puhkantwen el sislah in moli mwe sruhi, ac oacyacpac, mwet uh ac tiac luhlahlfongi nuh sel ac el tiac kuh in oruh orekma.—Soa. 23:20, 21, 34, 35.

Mwe Lutlut Sacohk ke Kahs luhn God

w04 11/1 sra 31 par. 2

Kihsen siyuck luhn Mwet Rit

Ke sie mwe puhpuhlyuck, mahno yohk kuh fact sahp sie akucl luhn kainmongo, tuhsruhktuh tiac pa inge ma sikyak pacl nuhkewa. Ke kuhtuh ohiyac mahno yohk kuh fact uh sahp tuhkuh ke srihpen mas. Kuh ke ohiyac suc el usrui pwacnacng el arlacna fact. Kainmongo pa ohiyac ma oasr ke nuhnak luhn sie mwet, ac “sie ohiyac ma oasr ohiyen rahpkuh kac kuh el kwacna luhngse in mongo ahluhkwelah ma fal.” Pwacnacng, kainmongo uh kuh in akihlenyuck tiac ke luhpan sie mwet lah el yohk kuh srihk, tuhsruhktuh ke ohiyac lal nuhke mwe mongo. Sie mwet sahp fal luhpal kuh el srihk tuhsruhktuh el mwet kainmongo se. Sahyen ma inge, tiac oacna sie nuhnak luhn mwet ke luhpan mahno ma wo ac fal ke kais sie acn.

JULY 28–AUGUST 3

MA SACOHK KE KAHS LUHN GOD SOAKAS 24

Ahkkweye Kom Sifacna nuhke Ma Sikyak Upac

it-2 sra 610 par. 8

Mwe Kalyei

Mwet Christian elos ahksacohkye pac mwe insewowo ma kuh in eis sin mwet suc muhtweng. Jesus el fahk ohinge ke mwe insewowo inge: “Insewowo elos su kalyeiyuk ke ma suwoswos; tuh tokosrai lun kusrao ma lalos.” (Mt. 5:10) Etwacack ke sifwil moulyak ac ke God suc sropon ma inge sang pac mwe ahkkweye nuh selos. Ma inge ahkkweyelos in oaru nuh sin God finne mwet suc kalyei elos luhngse in acnwucki elos. Ke srihpen luhlahlfongi lalos ke misac lal Jesus ahkpwacyeyuck, elos sukohsohklah liki sahngweng ke kain in misac inge. (Heb. 2:14, 15) Ohiyen nuhnak luhn sie mwet Christian arlac yohk srihpac tuh elan kuh in sruokyac oaru lal ke pacl el sun mwe kalyei kuh mwe lain. “Ouiyen nunak lowos in oana ouiyen nunak lun Christ Jesus, el . . . fahsr inkanek lun akosten nwe ke el sun misa. Aok, misa lal fin sakseng.” (Php. 2:5-8) “A ke sripen engan su el akwot nu kac, el pilesrala mwekin lun misa fin sakseng.”—Heb. 12:2; liye pac 2Cor. 12:10; 2Thes. 1:4; 1Pet. 2:21-23.

w09 12/1 sra 20 par. 12-13

Sruokyac Insewowo ke Pacl in Ma Upac

12 Soakas 24:10 el ahkkahlwemye: “Kom fwin mulalla in len in ongoiye, ku lom srik na.” Sie pac soakas el ahkkahlwemye: “Ke asor lun inse musalla nguna.” (Soakas 15:13) Oasr kuhtuh mwet Christian suc arlacna toasr pwacnacng elos tilac oruh orekma lalos in riti Bible ac in sifwilpac nuhnkuh ke Kahs luhn God. Puhruhe lalos orek ke srihpen ma inge enenuh in orek tuhsruhktuh tiac tuhkuh ke insiaclos ac tiac kalmac, ac elos sifacna sreloslac liki mwet lili pucspucs. Kahlwem lah, arlacna sensen kom fin sruokyac na ahsor yohk lom ke pacl loeloes.—Soa. 18:1, 14.

13 Ke ohiyac sahyac, sie nuhnak wowo kuh in kahsre kuht in nuhnkuh ahkwoye ke ohiyac pucspucs ke moul lasr suc kuht kuh in puhlakihn insewowo ac engan. David el suhmuhslah: “Nga engun in oru ma lungse lom, O God luk.” (Psalm 40:8) Fin oasr ma upac pucspucs sikyak ke moul lasr, pwacye lah kuht fah tiac tui in oruh orekma lasr in alu nuh sin God. Ahok, sie inkacnek wo in ahkwacngihnyelah ahsor pa in wi ke orekma nuhkewa suc acse mwe insewowo nuh sesr. Jeova el fahk nuh sesr lah kuht kuh in puhlakihn insewowo ac engan kuht fin riti Kahs lal ac in nuhnkuh yok kac pacl nuhkewa. (Psalm 1:1, 2; James 1:25) Kuht lohng ke “kas kulang” ke inkacnek luhn Ma Suhmuhslah Muhtahl ac ke miting nuhkewa luhn congregation suc kuh in ahkkweye kuht ac oruh insiacsr in engan.—Soa. 12:25; 16:24.

w20.12 sra 15

Kihsen siyuck luhn Mwet Rit

Soakas 24:16 fahk: “Finne pus pacl sie mwet suwohs el ikori, el ac sifil tuyuk.” Yac fuhs se inge sramsramkihn sie mwet suc oruh ma koluk pacl pucspucs tuhsruhktuh God el nuhnak muhnahs nuh sel?

Tiac pa inge kalmen fuhs se inge. A, ma inge sramsramkihn sie mwet suc sun ma upac ke pacl puhs tuhsruhk el sifwil tuyak.

Ahok, kahs se inge “ikori” tiac kalmackihn nuhke orekma koluk. Soakas 24:16 kalmackihn nuhke ma upac ma sie mwet el sun ke pacl pucspucs. Ke pacl koluk se inge ma kuht oasr kac, sie mwet suwohs kuh in sun mas upac kuh ma upac sahyac. Sahp el sun mwe kalyei upac ma government oruh. Tuhsruhktuh, el kuh in luhlahlfongi lah God el ac fah kahsrel elan kuh in muhtwacnglah ac kuhtanglah. Siyuck sum sifacna, ‘Yac nga tiac liye lah oasr ma wo ma kwacna sikyak nuh sin mwet kuhlwacnsap luhn God?’ Efuh? Mweyen kuht luhlahlfongi lah Jeova “el kasrelos nukewa su muta in ongoiya; ac El tulokunulosyak nukewa su munasla.”—Psa. 41:1-3; 145:14-19.

Mwe Lutlut Sacohk ke Kahs luhn God

lvs sapta 10 par. 13-15

Macruht uh Sie Mwe Sang Sin God

13 Kom fin luhngse na pwacye in pahyuck, kom in ahkpwacyeye lah kom ahkolah tari. Sahp ke nuhnak lom kom ahkolah tari, tuhsruhktuh kuht in sramsramkihn lah meac na pwacye kalmen ma inge. Sahp top nuh kac ac oruh kom in lut na pwacye.

14 Bible uh ahkkahlwemye lah tiac oacna sie kunohkohn luhn mukul ac muhtwacn pahyuck ke sucu. Pwacnacng, mukul ac muhtwacn enenuh in ahkolah nuhke kunohkohn laltahl ke pacl eltahl pahyuckyak. Sie mukul suc luhngse in pahyuck el enenuh in siyuck sel sifacna lah el ahkolah tari in eklac oacna sie sifen sucu. Jeova el luhngse elan sang mwe enenuh ke moul luhn muhtwacn kiyacl ac tuhlihk nahtuhl. Kahs luhn God uh ahkkahlwemye lah sie mukul suc tiac karihngihn mwe enenuh luhn sucu lal ke mahno, puhlakihn ac ke fototo luhn sucu lal nuh sin God, “el koluk liki na mwet se ma tia lulalfongi.” (1 Timothy 5:8) Pwacnacng, kom fin sie mukul suc suk in oasr muhtwacn kiyom, kom in nuhnkuh lah fuhkah oakwuck wowo in Bible inge kuh in kahsre kom: “Akola ima lom ac yukwiya ma kom ac moul kac, na kom fah musai lohm sum ac sucu lom.” Ke kahs sahyac, meet liki kom pahyuckyak, kom in ahkpwacyeye lah kom ahkolah tari in oruh mwe siyuck luhn Jeova nuh sin mukul pahyuck se.—Soakas 24:27.

15 Sie muhtwacn suc sulaclah in pahyuck el oacyacpac inseselac muh el ac ahkfalye kuhtuh sin kunohkohn inge. Bible uh ahkkahlwemye kuhtuh sin orekma ac ohiyac pucspucs ma sie muhtwacn el ac enenuh in oruh ke el kahsruh mukul tuhmwacl in karihngihn sucu laltahl uh. (Soakas 31:10-31) Ke pacl inge, mukul ac muhtwacn pucspucs eltahl nuhnkuh lah meac mwet se suc el pahyuck nuh se kuh in oruh nuh sel sifacna. Tuhsruhktuh, Jeova el luhngse kuht in nuhnkuh lah meac kuht kuh in oruh nuh sin mwet suc kuht pahyuck nuh se.

AUGUST 4-10

MA SACOHK KE KAHS LUHN GOD SOAKAS 25

Oakwuck Wo in Bible Ma ac Kahsre Kuht in Sramsram ke Inkacnek Wo

w15 12/1 sra 19 par. 6-7

Orekmakihn Loum nuhke Ma Wo

6 Efuh kuh yohk srihpac in sulaclah pacl fal in sramsram? Bible uh fahk: “Sie kahs ma fwack ke pacl fal sacohk oacna apple gold ke sie tefuro silver.” (Soakas 25:11, NW) Apple gold uh arlacna kahto. Tuh kom fin fihliyac ma inge meet liki sie ma silver, ac arlacna kahto liki na meet ah. In oacpacna, sahp oasr ma wo ma kuht ke fahk nuh sin sie mwet. Tuh, kuht fin sulaclah pacl ma fal kuht in kahskahs, kuht ac kuh in kahsruh ac ahkkweye mwet sacn yohk liki na meet ah. Kuht ac oruh fuhkah ma inge?

7 Kuht fin sramsram ke sie pacl ma tiac wo, mwet uh ac tiac kahlwem kuh lohng wo ma kuht fahk uh. (Riti Soakas 15:23.) Ke sie mwe puhpuhlyuck, ke March 2011, kusrusr ac noa na luhlahp se tuh kuhnahoslah siti pucspucs fin acn eastern Japan. Puhs liki mwet 15,000 ma misac kac. Finne puhs sin Mwet Loh luhn Jeova ma sucu ac kawuck la uh misac kac, eltahl ke orekmakihn Bible uh in kahsruh mwet sahyac ma wi pac sun ma upac inge. Tuhsruhktuh, eltahl etuh lah inkaiyen mwet inge alu nuh sin Buddha ac srihklac etuh laltahl ke Bible uh. Pwacnacng, eltahl tiac sa sruhmuhn ke pacl in sifwil moulyak uh, a mwet lili inge ahkkweyacltahl ac ahkuhtweyac nuh seltahl lah efuh ma upac inge sikyak nuh sin mwet wo.

w15 12/1 sra 21 par. 15-16

Orekmakihn Loum nuhke Ma Wo

15 Ohiyen sramsram lasr nuh sin mwet sahyac uh yohk srihpac oacna ke ma kuht fahk uh. Mwet uh luhngse lohngohl Jesus ke srihpen el sramsram nuh selos ke inkacnek kuhlwacng. (Luke 4:22) Kuht fin kuhlwacng ke sramsram lasr uh, mwet sahyac uh ac engan in lohng kuht. (Soakas 25:15) Kuht ac kuh in sramsram nuh sin mwet sahyac ke inkacnek kuhlwacng kuht fin ahkkahlwemye suhnak ac nuhnkuh ke puhlakihn laltahl uh. Pa inge ma Jesus el oruh ah. Ke sie mwe puhpuhlyuck, ke pacl se Jesus el liye lah un mwet se inge arlacna kwacfeacng in lohngohl, el arlacna engan in weluhltahl ac lotweltahl. (Mark 6:34) Finne ke pacl ma mwet ah ahkkulukyacl, Jesus el tiac fohlohkihn nuh seltahl.—1 Pet. 2:23.

16 Pwacye lah kuht luhngse mwet in sucu lasr ac kawuck lasr uh. Tuhsruhktuh, sahp oasr pacl ma kuht tiac kuhlwacng ke inkacnek in sramsram lasr nuh seltahl uh mweyen kuht etwacltahl na pwacye. Sahp, kuht nuhnkuh muh kuht tiac enenuh in taran ke inkacnek in sramsram lasr nuh seltahl uh. Tuhsruhktuh, wacngihn sie pacl ma Jesus el tiac kuhlwacng ke el sramsram nuh sin kawuck lal ah. Ke pacl se ma kuhtuh seltahl akuhkuhinlac lah suc kac fuhlwact seltahl uh, el ahksuwohsyacltahllah ke inkacnek na kuhlwacng se ac el orekmakihn mwe puhpuhlyuck se ke sie tuhlihk srihsrihk in kahsreltahl ekuhllah nuhnak laltahl uh. (Mark 9:33-37) Mwet elder uh kuh in etahi mwe srihkasrak lal Jesus inge ke eltahl sang kahs in kahsruh nuh sin mwet sahyac ke inkacnek kuhlwacng.—Gal. 6:1.

w95 4/1 sra 17 par. 8

Ahkkahlwemye Luhngse ac Orekma Wo—Fuhkah?

8 Ke orekma in kuhlwacnsap nuh sin God, kuht nuhkewa kuh in ahkkweye sie sin sie ke inkacnek luhn mwe srihkasrak. Pwacye lah Jesus el ahkkweye mwet suc lohngohl. El luhngse orekma in fahkwack ac luti ac ahkfuhlwactye orekma se inge. El fahk lah ma inge oacna mwe mongo nwacl. (John 4:34; Rome 11:13) Kain in engan inge kuh in ahkkweye mwet sahyac uh. Yac kom kuh in ahkkahlwemye pac engan lom nuhke orekma in luti? Ke kom arlac taran ohiyen kohnkihn, sruhmuhn experience wowo lom nuh sin mwet sahyac ke congregation. Ke kom suli mwet sahyac in wi kom ke orekma in luti uh, lohacng fin kom kuh in kahsrelos in konwacack engan pwacye ke kom sramsram nuh selos kacl Jeova, El suc Orekuhtlac.—Soakas 25:25.

Mwe Lutlut Sacohk ke Kahs luhn God

it-2 sra 399

Ohiyen Fakpacp

Sie mwet el kuh in fakpacp ke srihpen oasr luhlahlfongi lal ac oasr sropon kuh lal. Tiac sa in tuhlac ohiyac wo kuh nuhnak wowo lal. Fin ohiyen fakpacp inge wacngihn yurin sie mwet, srihpac an pa fosrngah, inse toasr, wacngihn luhlahlfongi ac finsrak, ac ma upac pucspucs. Sie mwet suc tiac fakpack ahkkahlwemyeyuck in puk luhn soakas: “Kom fin tia ku in sifacna leum fom, kom ac oana sie siti su wangin pot kac—fisrasr in kunausyukla.” (Soa. 25:28) Kain in ma tiac wo pucspucs ac fihsracsr in ilyak nuhke nuhnak lal, ma ac moklel in oruh ma tiac wo.

AUGUST 11-17

MA SACOHK KE KAHS LUHN GOD SOAKAS 26

Fahsr Liki “Mwet Lalfon”

it-2 sra 729 par. 6

Af uh

Puhlanpacl. Puhlanpacl luo in Facl Wuhlelah pa pacl in fol ac pacl in af kuh mihsrihsr. (Liye pac Psa. 32:4; Ols. 2:11) Muhtwacwacack ke infulwen April nuhke infulwen October, af uh suhke sikyak. Af uh sikyak na kais kuhtuh pacl ke puhlanpacl se inge ma kosracni orek ke imac. Soakas 26:1 ahkkahlwemye lah tiac wo in oasr af ke pacl in kosracni. (Liye pac 1Sam. 12:17-19.) Ke puhlanpacl in af, oasr pacl ma tiac af, ac oasr pac lwen ma fol. Ke srihpen puhlanpacl se inge pacl in ohyohu, fin mwet uh oasr ke acn mwesahs ac sroksroki ke af elos ac fah rarrar ke mihsrihsr. (Ezr. 10:9, 13) Pa sis, acn in molwelah kuh wihklac arlac enenweyuck.—Isa. 4:6; 25:4; 32:2; Job 24:8.

w87 10/1 sra 19 par. 12

Mwe Kai Oraclah Fahko Wo ke Mislac

12 Nuh sin kuhtuh mwet mwe kai upac enenuh in orek oacna ke ma Soakas 26:3 ahkkahlwemye: “Eneneyuk in sringsring soko horse, ac kapriya oalin soko donkey, ac puok sie mwet lalfon, tuh elos in oru enenu lom an.” Oasr pacl Jeova el lwelah muhtuhnfacl Israel in sun mwe kweok pucspucs ke srihpen orekma lalos sifacna: “Mweyen elos lain sap ku lun God Kulana, ac pilesru mwe luti lal. Elos totola ke orekma upa lalos. Elos ikori a wangin mwet kasrelos. Na in ongoiya lalos, elos pang nu sin Luem God, ac El molelosla liki keok lalos.” (Psalm 107:11-13) Ne ohinge, oasr kuhtuh mwet ma arlac lahlfon suc tiac kuh in ekullah ohiyac koluk laltahl finne oasr mwe kai nuh seltahl: “Kom fin likkekelana ke pacl mwet uh aksuwosye kom, sie len kom ac musalla ac tia ku in sifil tuyuk.”—Soakas 29:1.

it-2 sra 191 par. 4

Ul

Orekmakihn oacna mwe puhpuhlyuck. “Kom fin supu sie mwet lalfon in tafwela kas lom, ac oana ke kom pakela niom; kom pwentuki ongoiya nu sum,” Tohkohsrah Solomon el fahk. Pwacye lah, sie mwet suc moli sie mwet lahlfon in oruh kuhtwena orekma kuh project lal el kuhnahoslah ma wo lal uh, oacna ke el pakwelah niyacl. El ac fah liye lah orekma nuhkewa lal ac fah muhsahllah, ma ac oraclah mwe kweok nuh sel sifacna.—Soa. 26:6.

Mwe Lutlut Sacohk ke Kahs luhn God

w23.09 sra 19 par. 18

Tiac Sie Mwe Muhnahs Kom Fin Kuhlwacng in Kahskahs

18 Pwacye lah, finne top lasr arlac wo ac kahlwem, srackna oasr mwet suc tiac insese nuh kac. Tuhsruhktu ac kuh in sang kahsruh kuht fin kuhlwacng in kahskahs. (Riti Colossae 4:6.) Kwacfeacng lasr in fahk nuh sin mwet sahyac uh luhlahlfongi lasr oacna sie sritacl in sasuc pohl. Kuht kuh in lihksreni na sis ma inge nuh sin mwet se, kuh kuht ac kahkahsrihsrihk na. Kuht fin sis ma inge kahkahsrihsrihk na, mwet se ma wi kuht sritacl el kuh in sahok ma inge, ac kuht ac tahfwelah na in sritacl. Pwacye pac ma inge kuht fin kuhlwacng in sramsram. Mwet suc kuht sramsram nuh se el ac fah lohng ac kuht ac tahfwelah na in sramsram. Tuhsruhktuh, fin sie mwet el luhngse na in akuhkuhin kuh srihkkihn luhlahlfongi lasr, kuht ac tiac tahfwelah in sramsram nuh sel. (Soa. 26:4) Tuhsruhktuh, tiac mwet nuhkewa ahkkahlwemye ohiyac inge. Sahp oasr mwet pucspucs suc luhngse in lohng.

AUGUST 18-24

MA SACOHK KE KAHS LUHN GOD SOAKAS 27

Kuht Eis Ma Wo ke Kawuck Pwacye Fuhkah

w19.09 sra 5 par. 12

Yohk Srihpac nuh sin Jeova Mwet Kuhlwacnsap Lal Suc Inse Puhsisacl

12 Sie mwet puhsisacl el ahksacohkye kahs in kahsruh. Oacna sie mwe puhpuhlyuck, srihke luhmahlah ke nuhnak lom lah kom oasr ke sie miting luhn congregation. Tukun kom sramsram nuh sin kuhtuh mwet lili, oasr mwet se ma mahmah nuh sum muh oasr ipin mongo srihsrihk ma sremlah ke wihsum. Pwacye lah kom ac fah mwekihn. Tuhsruhktuh, kom ac fah sang kuloh mweyen el fahk ma inge nuh sum. Ke inkacnek oacpacna, kuht enenuh pac in inse puhsisacl in sang kuloh nuh sin sie mwet lili suc acse kahs in kahsruh nuh sesr. Kuht ac fah nuhnkuh kacl oacna sie kawuck, ac tiac mwet lokoalok se.—Riti Soakas 27:5, 6; Gal. 4:16.

it-2 sra 491 par. 3

Mwet Tuhlan

Tuhsruhktuh, Soakas el ahkkahlwemye kahs in kahsruh inge in oasr luhlahlfongi nuh sin sie mwet tuhlan in siyuck kahsruh ke pacl oasr enenuh: “Nimet mulkunla mwet kawuk lom ku kawuk lun papa tomom. Kom fin sun ongoiya, nimet siyuk tamulel lom in kasrekom; sie mwet tulan su muta apkuran nu yurum ku in kasrekom liki sie tamulel su muta loesla.” (Soa. 27:10) Ke fuhs se inge, mwet sihm el fahk lah enenuh in ahksacohkye sie mwet kawuck fototo luhn sucu ac luhlahlfongi in el lah el kuh in kahsre kom liki sie mwet in sucu lom suc muhta loeslac. Mweyen tamuhlwel se lom inge sahp el tiac ahkolah, kuh wacngihn kuh lal in kahsre kom.

w23.09 sra 10 par. 7

Mwet Fuhsr—Moul Fuhkah Kom Luhngse in Moulkihn?

7 Kuht lotwelah ke sulaclah tiac wo lal Jehoash lah kuht enenuh in kawuck nuh sin mwet suc ac fah ahkkweye kuht in oruh ma wo—mwet kawuck suc luhngse Jeova ac luhngse in ahkenganyacl. Kuht kuh in orek kawuck nuh sin mwet suc mahtuh liki kuht. Esam lah mwet kawuck se lal Jehoash inge, Jehoiada, el mahtuh luhkwel. Inge, nuhnkuh ke mwet kawuck lom ac siyuck sum sifacna: ‘Yac elos kahsre yuc in ahkkweye luhlahlfongi luhk nuh sin Jeova? Yac elos ahkkweye yuc in moulkihn moul fal nuhke oakwuck fuhlwact luhn God? Yac elos kwacna sramsramkihn ma kacl Jeova ac ke ma pwacye ma oasr in Bible? Yac elos suhnakihn oakwuck fuhlwact luhn God? Yac elos fahk na ma nga luhngse in lohng, kuh elos ahksuwohsyeyuc fin enenweyuck?’ (Soa. 27:5, 6, 17) Pwacye lah fin mwet kawuck lom tiac luhngse Jeova, kom tiac enenuh in kawuck nuh selos. Tuhsruhktuh, fin oasr mwet kawuck lom suc luhngse Jeova, ahksacohkyaclos, mweyen elos ac fah ahkkweye kom!—Soa. 13:20.

Mwe Lutlut Sacohk ke Kahs luhn God

w06 9/1 sra 31 par. 12

Kahs Fuhlwact Suc Tuhkuh Ke Puk luhn Soakas

27:21. Kahs in kaksak el kuh in ahkkahlwemye ohiyac pwacye lasr. Inse puhsisacl el ahkkahlwemyeyuck fin kahs in kaksak el ahkkweye kuht in akihlen lah kuht enenuh in sang kuloh nuh sin Jeova ac ahkkweye kuht in tahfwelah in kuhlwacnsuhpwacl. Fin wacngihn inse puhsisacl lasr ma inge kuh in ahkkahlwemyeyuck ke kahs in kaksak el ahkkweye puhlakihn lasr nuh kac lah kuht wo liki mwet pucspucs.

AUGUST 25-31

MA SACOHK KE KAHS LUHN GOD SOAKAS 28

Ma Tiac Oacna Sie Ke Mwet Koluk Se ac Mwet Suwohs Se

w93 5/15 sra 26 par. 2

Yac Kom Ahkos Jeova Ke Kuhiyom Kewa?

“SIE mwet suwoswos el pulaik oana soko lion.” (Soakas 28:1) Oasr luhlahlfongi lalos, elos luhlahlfongi yohk ke Kahs luhn God, ac elos puhlaik in kuhlwacnsuhpuh Jeova finne elos sun kuhtwena mwe sensen.

it-2 sra 1139 par. 3

Liyactwen

Elos suc forlah liki sropon etwacack. Ke pacl mwet se el forlah in oruh ma koluk, el tilac nuhnkuh ke nuhnak luhn God ke el oruh sulaclah ac oakwuck lal sifacna. (Job 34:27) El lwelah insiacl in ahkkunyacl pwacnacng el oruh ma suhtuhuh ac tuhlac lahlmwetmwet kuh liyactwen lal. (Psa. 36:1-4) Finne el fahk muh el alu nuh sin God, tuhsruhktuh el ahkos oakwuck luhn mwet ac tiac oakwuck luhn God. (Isa. 29:13, 14) El orek suwohs muh ohiyac fohkfohk ma el oruh uh el “mwe ahkengan” muhkwena (Soa. 10:23) ac kahs lal, nuhnak lal arlacna suhtuhuh, nwe ke na el nuhnkuh muh God el tiac liye orekma koluk lal, oacna tuhlac kuh luhn God in etuh ma sikyak uh. (Psa. 94:4-10; Isa. 29:15, 16; Jer. 10:21) Ke ohiyen moul ma el moulkihn ac ke orekma lal, kahlwem lah el nuhnkuh ohinge, “Wacngihn God” (Psa. 14:1-3) ac el tiac ahksacohkye God. Ke srihpen wacngihn kolyuck ke oakwuck wo luhn God ke moul lal, pasis wacngihnlac kuh lal in oruh sulaclah wo ke ohiyac pucspucs, tiac kuh in kahlwem ac tuni ma pucspucs, pwacnacng el tiac kuh in oruh sulaclah suwohs.—Soa. 28:5.

it-1 sra 1211 par. 4

Oaru ac Pwacye

Sie mwet el kuh in sruokyac ohiyen oaru inge, tiac ke kuhiyacl sifacna, a ke srihpen luhlahlfongi pwacye nuh sin Jeova ac ke kuh lal in molwelah mwet. (Psa. 25:21) God el wuhlelah lah el ac fah sie mwe loeyuck ac ‘mwe loango,’ ac karuhnguhnuhlos suc suwohs ac oaru. (Soa. 2:6-8; 10:29; Psa. 41:12) Kwacfeacng lalos in nuhnkuh pacl nuhkewa in ahkenganyacl Jeova, ma inge oruh moul lalos in arlacna wo, kahsrelos in fahsr ke inkacnek suwohs in sun finsrak lalos. (Psa. 26:1-3; Soa. 11:5; 28:18) Finne sie mwet suwohs oacna Job el kuh in puhla mwe fosrngah yohk, ac kuh in sun mwe kweok ke srihpen kolyuck luhn mwet koluk, ac kuh in misac wi mwet koluk. Tuhsruhktuh, el fahk lah el etuh moul luhn mwet suc wacngihn mwacta, ac el wuhlelah lah mwe usru luhn mwet inge ac fah tiac tuhlac, oasr pacl fahsruh wo lal, ma wo ac fah ma lal. (Job 9:20-22; Psa. 37:18, 19, 37; 84:11; Soa. 28:10) In oacna ke ma sikyak nuh sel Job, sie mwet el yohk srihpac na pwacye, tiac ke srihpen mwe kahsruhp lal, ac ke srihpen ohiyen oaru lal, ac mwet uh ahkkahlwemye suhnak nuh sel. (Soa. 19:1; 28:6) Tuhlihk elos insewowo ke pahpah tuhmwaclos el oaru ac suwohs (Soa. 20:7), mweyen mwe srihkasrak lal el oacna mwe usru nuh selos, ac eis ma wo ke ine wowo lal, ac suhnak ma mwet uh ahkkahlwemye nuh selos.

Mwe Lutlut Sacohk ke Kahs luhn God

w01 12/1 sra 11 par. 3

Kom Kuh In Fahsr Liki In Tiac Muhsahllah Luhlahlfongi Lom

Luhlahlfongi yohk keim sifacna. Mwet pucspucs suc misac ke srihpen heart attack luhlahlfongi na pwacye lah elos fokoko, tiac mas, meet liki mihsen heart inge sikyak. Inkaiyen pacl uh, mwet uh nuhnkuh muh tiac enenweyuck in som nuh yurin taktuh in orek checkup in liye fin heart lal uh wo kuh tiac. Ke inkacnek oacpacna, sahp kuhtuh mwet uh nuhnkuh muh ke srihpen elos bacptais tari ke lusen yac pucspucs, wacngihn kuhtwena ma koluk ac kuh in sikyak nuh selos. Sahp, elos muhlkuhnlah in tuni luhlahlfongi kuh ohiyen kuhlwacnsap lalos nuh sin God nwe ke ma upac uh sikyak. Yohk srihpac in tiac muhlkuhnlah kahs in kahsruh wo inge ma mwet sap Paul el suhmuhslah: “Kutena mwet su nunku mu el tu na ku, wo elan liyaung tuh elan tia putatyang nu in mwe sruhf.” Sie inkacnek lahlmwetmwet pa in akihlen ohiyen sesuwohs lasr, ac tuni moul in nguhn lasr pacl nuhkewa.—1 Corinth 10:12; Soakas 28:14.

    Kosraean Publications (2008-2025)
    Log Out
    Log In
    • Kosraean
    • Share
    • Preferences
    • Copyright © 2025 Watch Tower Bible and Tract Society of Pensylvania
    • Masap nuhke Orekmakihnyac
    • Privacy Policy
    • Privacy Settings
    • JW.ORG
    • Log In
    Share