MWE LUTLUT AHK 11

Pwacr ac Moniyuck in Sramsram

Orekma 18:24, 25

MA KOM KUH IN ORUH: Pihrihk ac mokle insiacn mwet suc lohng kom an ke kom pwacr ac moniyuck in sramsram.

Lwelah mwe lutlut sacn in sun insiom. Ke kom ahkolah in ahkkahlwemye mwe sramsram lom an, nuhnkuh ahkwoyac ke yohk srihpaciyen pweng lom an. Oruh kom in etuh na pwacye mwe sramsram lom an tuh kom in kuh in ahkkahlwemye ma inge ke insiom kewa.
Nuhnkuh ke mwet suc lohng kom an. Nuhnkuh ahkwoyac lah fuhkah mwe lutlut ma kom ac riti kuh luti an ac sang ma wo nuh sin mwet sahyac uh. Nuhnkuh ke inkacnek ma ac ahkkahlwemye mwe lutlut inge ke sie inkacnek ma mwet suc lohng kom an kuh in ahkyohkye srui lalos nuh kac.
Oruh mwe sramsram lom an in tuhkuh ke insiom. Moniyuck ac insacnweacng in sramsram. Oruh srihsrsrihsr ac ngwetngwet lom an in wo ac fal in ahkkahlwemye ke puhlakihn lom an.

Nikmet oruh mwet suc lohng an in lohwot na nuh sum ke srihpen kom kalweni na in srihsrsrihsr pacl nuhkewa oacna kom pahlah na in oruh. Oruh srihsrsrihsr lom an in fal nuhke ma kom sruhmuhn an. Ahkkahlwemye moniyuck lom ke pacl kom luti ke ma yohk srihpac, ac mokle insiacn mwet suc lohng an in ahkos ke ma elos lotwelah an. Nikmet oruh mwet suc lohng kom an in tohtohlah ke kom ahkkahlwemye ahluhkwelah ma fal ke pwacr kuh moniyuck lom in sramsram.