Nanchi Mukivuluka Nyi?

Nanchi mwamwenamo mu kutanga Byamba bya Usopa byakatataka nyi? Monai inge mwakonsha kukumbula ano mepuzho:

• Ñanyi malaika Lesa ye atumine kutangijila bena Isalela kimye kyo bafuminenga mu Ijipita? (Lupu. 23:20, 21)

Kyamweka uno malaika wajinga na ‘jizhina ja Yehoba mwi aye,’ wajinga Mwana Lesa mubeji, waishile kwikala ke Yesu.—9/15, jipa 21.

• Pa mambo a mpopwelo ya kine, bintu ka bimo bya kukainamo byo abula kutala bulongo Lesa?

‘Washupa bingi. Kechi nkeba ne. Napayankana bingi. Kechi nafikilamo bulongo ne. Kuji umo wanzhingijishe.’ Bino bintu kechi byo byakonsha kulengela muntu kukankalwa kulondela mikambizho ya Lesa ne.—10/15, jipa 12-15.

• Mashinda ka amo akonsha kulengela kupwila kwa bwina Kilishitu kuwama kwi anweba ne bakwenu?

Nengezhezhainga jimo. Tanwaingako kimye kyonse. Fikainga bukiji. Inengezhainga bulongo. Chinuzhukainga bintu byakonsha kwimulabika. Ivwangaingamo. Kumbulainga mu kwipipisha. Fikizhainga lubaji lo mwapewa. Takaikainga bevwangamo. Pwanañanainga kupwila saka kukyangye kutendeka ne panyuma ya kupwisha kupwila.—10/15, jipa 22.

• Twakonsha kufunjilako ka kwi Alona byo aswile kuba bintu byo bamukanjikizhe bantu?

Kimye Mosesa kyo afuminepo, bena Isalela bakanjikizhe Alona kwibalengela kalesa. Wakokejile ne kwibalengela. Kino kimwesha kuba amba bakyanyike kechi bo bonkatu bo bakanjikizha kuba byatama ne. Kino kyakonsha kubiwa ne ku bakulumpetu baji na muchima wa kukeba kuba kyawama. Twafwainwa kuchinuzhukanga bintu byatama bitukanjikizha bantu kuba.—11/15, jipa 8.