Mutanchi Wa Kupwila Kwa Mwingilo

Mulungu wa Kutendeka August 13

Lwimbo 30

Mamini. 13: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Isambai pa “Juba ja Kupwila Kwiikajila Kubena Kwiya.” Tongolai juba ja kupwila kwiikajila kubena kwiya ne kutundaika bonse kukatanwa ku majashi onse. Koseshai basapwishi kwita bantu baji na lusekelo lwa kukeba kufunda bukine ne bobafunjisha Baibolo.

Mamini. 17: “Nanchi Mukeba Kuba Byavula Nyi?”a Vwangaimo ne mashinda amo a kubilamo byavula pa kusapwila bantu bamba milaka ingi baji mu nyaunda yenu. Lumbululaiko pacheche byambo biji mu Kyamba kya Usopa kya Kibemba kya June 15, 1997, mapeja 26-9.

Mamini. 15: “Kukepeshako Kukaya ne Kukokoloka.” Mukulumpe utangijila lufunjisho lwa buku ubena kwisamba na bamulume ne mukazhi panyuma ya lufunjisho. Ambe mu meso anteka’mba ano moba kechi bamweka mu mwingilo wa mu bujimi ne kupwila ku mpelo ya mulungu ne. Bamulume ne mukazhi balumbulule’mba bintu bibalengela kubula kwikala na kimye, ke kufwakasha-fwakasha ne bintutu bikwabo. Mukulumpe mu kipwilo apitulukilemo nabo pamo mu bishinka bikatampe biji mu uno mutwe ne kwibakwasha kuba’mba kimye kyonse bafwainwa kutangizhako bintu bya ku mupashi patanshi. Basante pa kwibavululako kyawama byonkabyo. Bambe pano amba basakutanchika bulongo bintu byo bafwainwa kuba patanshi.—Monai Kyamba kya Usopa kya Kibemba, October 1, 2000, mapeja 19-20.

Lwimbo 68 ne lulombelo lwa kupezhako.

Mulungu wa Kutendeka August 20

Lwimbo 33

Mamini. 8: Bya kubijika bya pa kipwilo. Sawakya wa maakaunti.

Mamini. 15: “Mwi ‘kya Kutalatala’!”b Tongolaipo kyamwekele mu nyaunda yenu ne byambo byawama byaambilepo bantu bamo pa mwingilo ne byubilo bya Bakamonyi ba kwa Yehoba.—Monai Kyamba kya Usopa kya Kibemba, March 15, 1998, peja 10, ne January 15, 1999, peja 32.

Mamini. 22: “Bantu ba Lesa Bafwainwa Kwikala na Mushingi.” Mukulumpe mu kipwilo ambe jashi kufuma pa mapalagalafu 1 kufika ku 5 mu maminiti atanu. Apa bino esambile pamo mapalagalafu ashala na mukulumpe mukwabo ne nkwasho mu kipwilo saka baji pa pulatifomu. Bambe pa byo twakonsha kushinda byubilo bimwesha kubula kutako muchima ne kubula mushingi ku bakwetu, byakonsha kuvulañanya kupwila kwetu ne kwitulengela kubula kufunda bulongo. Bakonkomwene pa kupwañena pamo byo kwitukosesha inge twatesha muchima ku bintu bya bakwetu.—Fili. 2:4.

Lwimbo 72 ne lulombelo lwa kupezhako.

Mulungu wa Kutendeka August 27

Lwimbo 40

Mamini. 10: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa August. Ambaipo pacheche jishinda jimo nangwa abiji pa byomwakonsha kutambika mabuku o muji nao pa kipwilo mu September.

Mamini. 10: Byo mwakajilwa pa kipwilo kyenu.

Mamini. 15: Kabokoshi ka Mepuzho. Kwisamba na luonde. Mweshai musapwishi byo akonsha kulumbulwila muntu bupe bwa kwitemenwa kwakubula kupita mu mbaji kabiji mu jishinda japela. Umvwe mwina nzubo washikisha mutengo wa buku, musapwishi wakonsha kukumbula’mba: “Kechi tupotesha mabuku etu ne, bino umvwe mukeba kupanako kacheche ku mwingilo wetu wa ntanda yonse wa kufunjisha Baibolo, twakonsha kutambula bupe bwenu.” Nangwa inge kyakonsheka, musapwishi wakonsha kutendeka bino: “Kimye kimo kampe mulanguluka pa kilengela Bakamonyi ba kwa Yehoba kwingila uno mwingilo.” Musapwishi wakonsha kutulumanako pacheche ne kumvwa mukumbu, apa bino atwajijile na kwamba’mba: “Bakamonyi ba kwa Yehoba bonse ke bamwingilo bepanatu babula kufola pa mwingilo wabo ye bengila. Aba banemba ne kusampanya ano mabuku nabo kechi bafola ne. Atweba ne bakwabo basanchila uno mwingilo wanema wa kufunjisha Baibolo tukwasha kupichila mu kupana bupe bwetu bwa kwitemenwa. Umvwe muntu wifuukwila mwine kupanako bupe bucheche, twibutambula.” Musapwishi atulumaneko, pa kuba’mba omvwe bisakwamba mwina nzubo. Vululaiko basapwishi kwikala bajimuka pa kutambika mabuku ne kulumbulula bulongo lunengezho lwa bupe ku bantu bakeba kufunda ne kutanga mabuku etu.

Mamini. 10: “Kusapwila Bakaili.” Balongo babiji besambe uno mwisambo wawama.

Lwimbo 74 ne lulombelo lwa kupezhako.

Mulungu wa Kutendeka September 3

Lwimbo 80

Mamini. 8: Bya kubijika bya pa kipwilo.

Mamini. 17: “Nanchi Kupwañana kwa Bwina Kilishitu Kwanema Byepi?”c Vwangaimo ne byambo pa kamutwe ka kuba’mba “Ukupitila mu Cilonganino” mu Kyamba kya Usopa kya Kibemba, January 15, 1996, peja 22.

Mamini. 20: Umvwe umo waamba’mba. Kwisamba na luonde ne tubimwesho. Bantu inge betushikisha nangwa kwambapo bintu bimo byo tubabulenga kuketekela’mba basakwitwipuzha mu mwingilo wa mu bujimi, twafwainwa kwesekako kwibakumbula mu kifulo kya kwamba pa mutwe ungi nangwa kwibashatu byonkabyo. Buku wa Ukupelulula javula witukwasha kuyuka mwa kwibakumbwila. Ambai pa bintu bimo byamba bantu javula, kabiji ubaipo kakimwesho ka kumwesha bya kwibakumbula kwingijisha buku wa Ukupelulula. Kyakumwenako muntu inge waamba’mba: ‘Kechi naitabila mwi Lesa ne.’ (mapeja 227-8) ‘Mambo ka o mubujila kwingijila pamo na bakwenu mu mingilo ya bukomo mu kimasamasa?’ (mapeja 189-90) ‘Kechi mambo na chechi muntu yo apwilako ne.’ (peja 292) Koseshai bonse kwingijisha luno lubaji mu buku wa Ukupelulula kimye kyo bebashikisha mepuzho obababulenga kuketekela mu mwingilo wa mu bujimi.

Lwimbo 121 ne lulombelo lwa kupezhako.

[Tubyambo twa mushi]