Mutanchi Wa Kupwila Kwa Mwingilo

Mulungu wa Kutendeka June 14

Lwimbo 168

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 4, (umvwe kyakonsheka mu nyaunda yenu) mweshai bya kushajika Kyamba kya Usopa kya July 1. Mu kimwesho kimo, mweshai musapwishi ubena kusapwila mu nyaunda ya busulu. Mwakonsha kwingijishatu nangwa bimwesho bikwabo byawama.

Mamini. 20: “Yehoba Ukwasha Boba Bamuketekela.”a Pa kwisamba palagalafu 4, ambaipo ne byambo biji mu Mwingilo Wetu wa Bufumu wa May 2000, peja 3, mapalagalafu 7-8, ne mu buku wa Isukulu Ilya Butumikishi, peja 67, palagalafu 2.

Mamini. 15: Mambo ka o Twafwainwa Kubula Kwingijisha Muchi mu Jishinda Jabula Kufwainwa? Kwisamba na luonde kufuma mu buku wa Ukupelulula, mapeja 155-8. Ano moba kwingijisha michi “kutama” kubakumbane bingi. Bavula bakosapo kwamba’mba kwingijisha ino michi kechi kwatama ne; bamo bantu baya ne na kunembesha mu jifunde. Isambai pa byo mwakonsha kwisamba na bantu ba uno mutundu. Ambaipo ne byambo biji mu kabokoshi kaji pa peja 10 mu Loleni! wa November 8, 1999.

Lwimbo 179 ne lulombelo lwa kupezhako.

Mulungu wa Kutendeka June 21

Lwimbo 29

Mamini. 10: Bya kubijika bya pa kipwilo. Isambai pa Kabokoshi kaamba’mba, “Amiwa Nemushila mwa Kulondela.”

Mamini. 15: “Bamalaika Babena Kwitukwasha.”b Ambilai luonde lwambepo pa binembelo byamweshiwa kwesakana na kimye kyashalako.

Mamini. 20: Maana Afuma mwiulu Awamishatu. (Yako. 3:17) Jashi ne kwisamba na luonde kufuma mu buku wa Isukulu Ilya Butumikishi, mapeja 251-2. Kukoka muchima kulumbulula ka? Kwanemena ka mu mwingilo wetu? Twakonsha kufundako ka ku kya kumwenako kya mutumwa Paulo? Basapwishi bafwainwa byepi kuta muchima kuyuka nkomeno ya bantu baji mu nyaunda yabo? Twakonsha kukwasha byepi bantu bafunda Baibolo kwikala bakoka muchima? Nengezhezhai jimo muntu umo nangwa babiji bashimikizhe bya kumwenako bimwesha buwame buji mu kwikala bakoka muchima.

Lwimbo 53 ne lulombelo lwa kupezhako.

Mulungu wa Kutendeka June 28

Lwimbo 139

Mamini. 12: Bya kubijika bya pa kipwilo. Sawakya wa maakaunti. Vululaiko basapwishi kupana masawakya abo a mwingilo wa June. Kwingijisha mashinda abiji apelako pa peja 4 (umvwe kyakonsheka mu nyaunda yenu), mweshai bya kushajika Kyamba kya Usopa kya July 1. Mu kimwesho kimo kimo, bulai musapwishi ambepo pacheche pa kutatula kimwesho kyanji na byambo bya kumwesha bulunda. Ambai’mba kubanga bino kwakonsha kulengela mwina nzubo kwikizha muchima.

Mamini. 15: Bibena Kukebewa pa Kipwilo.

Mamini. 18: “Ene Mambo o Tukebela Lufunjisho lwa Buku pa Kipwilo.”c Ingijishai mepuzho anembwa. Ambaipo ne byambo biji mu kibaba kyaamba’mba, ‘Kwashai Mukulumpe Wenu wa Lufunjisho lwa Buku pa Kipwilo,’ kiji pa peja 1 mu Mwingilo Wetu wa Bufumu wa November 2002.

Lwimbo 20 ne lulombelo lwa kupezhako.

Mulungu wa Kutendeka July 5

Lwimbo 3

Mamini. 10: Bya kubijika bya pa kipwilo.

Mamini. 15: Mukamba’mba Ka? Jashi ne kwisamba na luonde. Mu July ne August, tukashajikanga mabuloshuwa. Ñanyi mabuloshuwa basapwishi obamona’mba engila bulongo mu nyaunda yenu? Pitulukai mu mashinda aji mu Mwingilo Wetu wa Bufumu wa Kibemba wa July 1998 peja 8, nangwa mu Mwingilo Wetu wa Bufumu mukwabo wa kunyuma. Lumbululai’mba jishinda jimo jimo muji (1) jipuzho, (2) kinembelo, ne (3) kishinka kyaambiwapo mu buku. Mweshaipo jishinda jimo nangwa abiji. Tundaikai bonse kwingijisha Baibolo pa kusapwila mambo awama.

Mamini. 20: Baana byo Bakeba ku Bansemi Babo. Jashi ne kwisamba na luonde kufuma mu buku wa Sambilila Kuli Kasambilisha Mukalamba, mapeja 6-7. Kyanema bingi baana kufunda mafunde a mu Baibolo paimena mpopwelo ya kine ne kumvwisha mwingilo mukatampe waingijile bansemi mu kwibafunjisha. Isambai mashinda anengezhewa kufunjilamo uno buku. Ambilai bansemi bambepo pa byo baingijisha mutanchi wanengezhewa kwibakwasha kufunjisha. Ipuzhai mwanyike umo nangwa babiji bambe buwame bo batana mu uno buku.

Lwimbo 65 ne lulombelo lwa kupezhako.

[Tubyambo twa mushi]