Mutanchi Wa Kupwila Kwa Mwingilo

Mulungu wa Kutendeka September 11

Lwimbo 20

Mamini. 10: Bya kubijika bya pa kipwilo ne bya kubijika byasalululwa mu Mwingilo Wetu wa Bufumu. Tundaikai bonse kutamba vidyo ya Young People Ask—How Can I Make Real Friends? kwikala benengezha kukambapo pa mwisambo ukekalako pa Kupwila kwa Mwingilo mu mulungu wa September 25. Inge ino vidyo mufwayo, tundaikai bonse kukapituluka mu kitango 8, mapeja 65-7 ne 70-2 a buku wa Ifipusho Abacaice Bepusha—Ifyasuko Fibomba. Kwingijisha mashinda atanshi abiji aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya October 1 ne Awake! wa September. Mu kimwesho kimo, mweshai bya kulumbulwila bulongo muntu uchibikizha mwisambo na byambo bya kuba’mba “Mwane ne amiwa ngya ku chechi.”—Monai buku wa Ukupelulula, mape. 18-19.

Mamini. 20: Mwenaimo mu Kupwila kwa Mwingilo ne kwa Sukulu ya Mwingilo wa Teokalasi. Jashi ne kwisamba na luonde kufuma mu buku wa Bakwatankana Kuba Kyaswa Muchima wa Yehoba, kufuma pa ka mutwe ka kacheche kaji pa peja 64 kufika pa kaji pa peja 69.

Mamini. 15: Nkalata Kufuma ku Musampi. Jashi ne kwisamba na luonde kufuma mu nkalata iji pa peja itanshi ya uno Mwingilo Wetu wa Bufumu. Vwangaimo byambo biji mu Kabokoshi ka Mepuzho kaji mu Mwingilo Wetu wa Bufumu wa January 2005.

Lwimbo 126 ne lulombelo lwa kupezhako.

Mulungu wa Kutendeka September 18

Lwimbo 213

Mamini. 5: Bya kubijika bya pa kipwilo.

Mamini. 15: Twaingijile Byepi Mwaka Wapwa? Mukulumpe utangijila mwingilo apituluke mu mwingilo wa mwaka wapwa, ambe pa bintu bileta lutundaiko byaingijiwe ne kutakaika kipwilo pa mwingilo wawama ye kyaingijile. Tongolaipo lubaji lumo nangwa mbaji ibiji mubena kukebewa kwingijilapo mu mwaka ubena kwiya. Ambaipo pa mwingilo waingijile bapainiya ne kwibatakaika pa kwingila kwabo na kizaku. Shimikizhaipo bintu byawama byafumine mu kukwasha basapwishi bakoka.

Mamini 25: “Mukwekele Wiikajila Kutendeka pa October 16 Kufika pa November 12!” Mwisambo wa na kizaku na Mukulumpe mu Kipwilo. Panyuma ya kutanga kya kubijika kiji mu nkalata yatuminwe ku Jibumba ja bakulumpe mu kipwilo ya July 6, 2006, pai bantu bonse mu luonde kope imo imo ya talakiti ya Mbila ya Bufumu Na. 37. Apa bino mutwajijile na mwisambo wa mepuzho ne mikumbu mu kino kibaba. Lumbululai lunengezho lo mwanengezha pa kipwilo kyenu lwa kusampanya ino talakiti mu nyaunda yenu yonse. Tundaikai basapwishi bonse kwingilako pakatampe mu uno mukwekele. Mweshaipo ka kimwesho kepi.

Lwimbo 50 ne lulombelo lwa kupezhako.

Mulungu wa Kutendeka September 25

Lwimbo 94

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Vululaiko basapwishi kuleta masawakya abo a mwingilo wa mu bujimi wa September. Kwingijisha mashinda abiji apelako aji pa peja 4 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya October 1 nangwa Awake! wa October pa kwingila mwingilo wa kusapwila mu mukwakwa.

Mamini 25: “Vidyo Ikebewa Kulangulukishapo Bulongo.”a Kimye kya kwisamba palagalafu 1, ipuzhai kipwilo kwambako pacheche pa mambo a vidyo ya Young People Ask—How Can I Make Real Friends? Panyuma ya byobyo, tendekai mwisambo wa mepuzho onse aji mu mapalagalafu 2 kufika ku 7. Umvwe ino vidyo mufwayo, isambai mwisambo na luonde kwingijisha Kitango 8, mapeja 65-7 ne mapeja 70-2 mu buku wa Ifipusho Abacaice Bepusha—Ifyasuko Fibomba. Pa kupezhako, tundaikai bisemi kutambila pamo kulutwe kacheche vidyo iji pa DVD iji na mutwe wa kuba’mba Young People Ask—What Will I Do With My Life?

Mamini. 10: Byamwekele bya konkako kwenu. Ipuzhai luonde kushimikizha byamwekele byawama kimye kyo bashilenga Awake! wiikajila nangwa kimye kyo batendekelenga mafunjisho a Baibolo pa lwendo lutanshi kwingijisha buku wa Baibolo Ufunjisha. Kyamwekele kimo nangwa bibiji, kyawama bulongo kyakonsha kumweshiwa byo kyajinga.

Lwimbo 183 ne lulombelo lwa kupezhako.

Mulungu wa Kutendeka October 2

Lwimbo 36

Mamini. 10: Bya kubijika bya pa kipwilo. Pitulukai mu Kabokoshi ka Mepuzho.

Mamini. 15: Bibena kukebewa pa kipwilo.

Mamini 20: “Kusapwila ku Nzubo ne Nzubo.”b Umvwe kimye ko kiji, ambilai luonde kwambapo pa binembelo byamweshiwa.

Lwimbo 127 ne lulombelo lwa kupezhako.

[Tubyambo twa mushi]