Mutanchi wa Mulungu wa November 22
MULUNGU WA KUTENDEKA NOVEMBER 22
□ Lufunjisho lwa Baibolo lwa Kipwilo:
lv kita. 13 mafu. 5-15 ne kakitenguluzha pa jipa 150
□ Sukulu wa Mwingilo wa Lesa:
Kutanga Baibolo: 2 Byambo bya Moba 1-5
Na. 1: 2 Byambo bya Moba 3:1-13
Na. 2: Lulekelo lwa Mambo kwi Yehoba lwa Bajiko Bwina Kilishitu Saka Bukyangye Lwaimenejile pa Ka? (Loma 3:24, 25)
Na. 3: Lesa Watemwa Bantu ba Butooto (lv kita. 8 mafu. 1-3)
□ Kupwila kwa Mwingilo:
Mamini. 5: Bya Kubijika.
Mamini. 10: Mabuku a Kusha mu December. Mwisambo. Ambaipo pa biji mu mabuku a kusha, ubaipo ne kimwesho kimo nangwa bibiji.
Mamini. 20: “Nanchi Mwakonsha Kukwasha Muntu Wabula Kwitabila uji mu Masongola na Nyenga Nangwa na Mulongo Nyi?” Mepuzho ne mikumbu. Ipuzhai musapwishi uji mu masongola wajinga wabula kwitabila. Nga kipwilo kyamukwashishe byepi pa kuba’mba atendeke kufunda bukine?