Fundai Kuketekela mu Bulume bwa Yehoba bwa Kwimupulusha

Tangai Kubala 13:25–14:4 mumone bena Isalela byo bakankelwe kuketekela mwi Yehoba.

Langulukai pa bintu byo byajinga. Mambo ka bena Isalela o bafwainwe kuketekela mu bulume bwa Yehoba bwa kwibapulusha byo bafuminenga mu Ijipita? (Sala. 78:12-16, 43-53) Ñanyi bintu bibalengejile kuleka kuketekela mwi Yehoba? (Mpitu. 1:26-28) Yoshua ne Kaleba bamwesheshe byepi byo baketekejile mwi Yehoba?​—Bala. 14:6-9.

Funjilaipo bikwabo. Ñanyi bintu byakonsheshe kukwasha bena Isalela kutwajijila kuketekela mwi Yehoba? (Sala. 9:10; 22:4; 78:11) Kuketekela mwi Yehoba ne kumunemeka kwakwatankana byepi?​—Bala. 14:11.

Yukai byo mwafunjilako. Iipuzhai’mba:

• ‘Ñanyi bintu byakonsha kundengela kukankalwa kumwesha byo naketekela mwi Yehoba na muchima yense?’

• ‘Nakonsha kufunda byepi kuketekela mwi Yehoba na muchima yense luno ne kulutwe?’

• ‘Nafwainwa kushiinwa’mba ka inge malwa akatampe akatendeke?’​—Luka 21:25-28.