NANCHI KYALENGELWE NYI?

Mukila wa Mankwalala

UNO mankwalala uji na mutwe wa kibobo (agama) wakonsha kukilukila ku lubumbulu kufuma paselebala kwa kubula lukatazho. Umvwe po aji patezhima ukankalwa kukiluka bulongo. Pano bino wakonsha kulamata pa lubumbulu po afikila. Uba byepi bino? Kimukwasha ke mukila.

Langulukai pa kino: Mankwalala uji na mutwe wa kibobo kibobo inge uji pabula kutezhima ukiluka bingi bulongo mambo pa mulengela kwipanza bulongo saka aponesha mukila. Kino kimukwasha kufikila ponka po abena kukeba. Umvwe uji patezhima ukankalwa ku kilukila po abena kukeba. Pa kuba’mba akiluke bulongo wimika mukila ne kufikila po abena kukeba. Kino ke kyakukumya bingi. Ukiluka monka aimikila mukila. Umvwe patezhima, pa kukiluka wimika mukila pa kuba’mba alamate bulongo po akilukila.

Basendwe ba myotoka babena kulenga maloboti o bakonsha kupulwishishamo bantu ku bitentanshi nangwa mu bya malwa bikwabo. Pa kulenga ano maloboti bamwena ku byuba mukila wa mankwalala. Thomas Libby waambile amba: “Maloboti kechi aji byonka byenda banyama ne. Banyama banyema lubilo. Onkao mambo, kyonse kyakonsha kulengela maloboti kwingila bulongo ke kuilako palutwe.”

Mulangulukapo Amba Ka? Nanchi mukila wa mankwalala ye batela amba agama waishilekotu mwine nyi? Nangwa bamulengele nyi?

[Kipikichala pa peja 16]

[Byambo bya Muntu Ungi]

© Ariadne Van Zandbergen